Почитувани гледачи, големи и мали, дали метлата на премиерот ќе биде доволна за целото ѓубре или само благо ќе ја „подбутне“ прашината? И овој четврток следете го најновото издание на вашата САМО ВИСТИНА во која за актуелните случувања ги вкрстуваме ставовите на првиот човек на политичката партија „Интегра“ Љупчо Ристовски и аналитичарот Тодор Пендаров.
Кој е одговорен за „глупоста“ и упадот во ИВЗ а до кога ќе се толерира говорот на омраза на реизот Сулејман Реџепи?
Генералката уште незапочната а веќе наводно се пријавиле првите „добри волци“ –ќе има ли навистина кадровска „чистка“ или се работи за театрален предизборен популизам?
Со пролетта си цути и непотизмот, Антикорупциска ги разоткри функционерите, до кога ќе трпи системот на сметка на оние кои, како што и самиот Заев ги нарече, „се поставија повисоко од народот“?
Кандидатите за претседател во неуморна трка да ги придобијат симпатиите –дали граѓаните ќе се разбудат или ќе го продолжат „зимскиот сон“?
Можат ли Албанците да бидат „фраери“ и да апстинираат на 5-ти мај? Ќе ескалира ли нова политичка криза доколку не се постигне цензусот?
Кој кому ќе го зададе последниот удар? Не пропуштајте не и денеска во САМО ВИСТИНА со Љупчо Ристовски и Тодор Пендаров, само на Канал 5 Телевизија.