Почитувани гледачи, оние со добра цирклуација и оние на кои политиката им го крева крвниот притисок, ќе се создаваат ли допрва правни конфузии за македонските закони, ќе се обединиме ли пред портите на НАТО и дали Европското знаменце ќе се користи за бенефит на граѓаните, вечерва под жешките рефлектори, два остри меча на пултот на Само Вистина, со Димитар Апасиев и Алберт Муслиу.
Двојазичноста стана озаконета.. Џафери или Иванов, кој го урива уставниот поредок, а кој сака да добие политички поен плус пред избори? Можна ли е интервенција на Уставнуиот суд?
Изгласана е довербата на грчката влада, ќе помине ли така глатко и Преспанскиот договор? Кој ќе биде судниот ден за македоснката ѕвездичка да се најде на европска позадина?
За власта интеграции, за опозицијата црнила, можно ли е во јуни странски капитал да ни го оживее стопанството?
Специјален закон за амнестија или собраниска одлука за помилување,а кога вистински ќе се помириме? Паѓа ли довербата во СЈО? А кога бројчаникот ќе почне да врти?
Македонија по една година ќе добие антикорупцика комисија.. Што се договорија власта и опозицијата – да ги заштитат граѓаните од корупцијата или да се заштитат себеси од нив?
Без указ нема закон беше познатата фраза на Апасиев, ќе ја спори ли и сега озаконетата двојазичност?
За Муслиу, политиката се враќа на вистинскиот колосек, дозна ли тој кој му ги нарача камерите за кои што Нинџа тврдеше дека му ги поставил во домот?
За политичките хипотеки, вистинските реформи и националните вредности, вечерва дерби на колото и две дијаметрално спротивни во единствената Само Вистина, со Димитар Апасиев и Алберт Муслиу, ексклузивно на Канал 5 Телевизија.