Македонија

„Само Вистина" со Солза Грчева и Горан Милевски

Во вечерашната „Само Вистина“ дебатираа Солза Грчева и Горан Милевски.

Зошто не се спроведе електронски попис, мислам дека граѓаните нема да отвораат врата, рече Грчева. Единствена држава сме во светот која што 20 години нема попис, сакаме во ЕУ а немаме попис, рече Милевски.

Мора да се попишуваат само резидентите и најмногу оние што се излезени до една година надвор од државата, рече Грчева. Меѓународната заедница го поздрави пописот, спорните податоци може да се проверат, рече Милевски.

Посредници во 2014 година на сите пратеници од опозицијата што седевме дома ни нудеа од сто до триста илјади евра да влеземе во собрание, Солза Грчева влезе во собрание, рече Милевски. Чесната Солза за плата си одрабитуваше, не седеше дома, додека вие во кафулиња си седевте, а за ова ќе добиете тужба, возврати Грчева.

Повеќе детали погледнете во најновото издание на „Само Вистина".

Македонија

УХМР: Попладне нестабилно со пороен дожд и грмежи

Летото на северната хемисфера официјално започна утрово во 5 часот и 32 минути, додека на јужната хемисфера во исто време започна зимата.

Првата недела од летото е со најава за високи температури и до 40 степен.

Македонија

Изгоре камион кај Струмица, нема повредени

Во близина на селото Добрашинци, кај Струмица денеска околу 13:30 часот изгоре камион. Предизвикана е материјална штета, повредени нема.

Според информацијата од Територијалната противпожарна единица на Струмица, во гаснењето на запалениот камион марка „Застава" учествувале тројца пожарникари и едно против пожарно возило, а пожарот бил локализиран и целосно изгаснат за кусо време.

Според пожарникарите причина за пожарот најверојатно е самозапалување на товорното возило од електричната инсталација.

Македонија

Министерот Јетон Шаќири оствари работна средба со градоначалникот на Дебар, Хекуран Дука

,,Денес ми беше чест, во просториите на Министерството за информатичко општество и администрација да го чекам на работен состанок, градоначалникот на Општина Дебар, Хекуран Дука.

За време на состанокот разговаравме за можноста за дигитализација на услугите на оваа општина и нивно вклучување во националниот портал за е-услуги. Го уверив градоначалникот Дука дека Министерството што го водам е подготвено да ги стави на располагање сите свои капацитети за да помогне во овој процес.

Исто така се дискутираше за можноста за поврзување на оваа општина со системот за управување со документи (ДМС). Со поврзување на овој систем, меѓуинституционалната комуникација станува побрза и поефикасна.

Состанокот го завршивме со ветување дека ќе ја продлабочиме меѓуинституционалната соработка и комуникација, со цел да постигнеме конкретни резултати во иднина, во корист на граѓаните“, истакна министерот за информатичко општество и администрација Јетон Шаќири.