Димитров: Нашава генерација, македонскиот народ , сите наши граѓани не сме ништо подолу од кои било друг народ и граѓани. Луѓето се занимаваат со политиканство, но би било добро ако се занимаваат со политика, зашто политика е и водата и воздухот. Влогот е максимален помогнете ни да продолжиме да остваруваме на правиот пат на кој сме застанале.
Силјановска Давкова: Владеење на правото и силни институции а слаби поединци, тоа е она за кое ја барам довербата од граѓаните. Да престанеме ад бидеме како во арена туку да се слушаме едни со други зашто и Шопенхауер рекол, кој не го слуша другиот не го слуша ни Бог а тоа не е добро. Да создаваме правила на игра за да може државата да функционира сама од себе.
Силјановска Давкова: Кога ќе добиете близу 380 илјади гласови и кога во ИЕ 1 ќе изгубите со 7300 гласови имате обврска за оние кои гласале за вас. Крајно е време некои работи да се сменат и ќе се обидам во Парламентот да го спроведам сето она за кое сум предавала на факултет.
Димитров: Мојата мотивација се роди во времето на неказнивост и во тоа што нашата нација е во трка со времето. Или ЕУ ќе ја донесеме дома или луѓето ќе продолжат да бараат спас во некоја од земјите во ЕУ. Мислам дека за мене има уште работа и уште доста работи да се сработат.
Никола Димитров и Гордана Силјановска Давкова ги вкрстија аргументите за владеењето на правото и функционирањето на правото и правната држава. За Димитров состојбата со правдата е таква поради долгогодишната руинираност за време на владеењето на ВМРО ДПМНЕ. Силјановска Давкова рече дека не е тоа причината но, причината е што Заев се назначил за човек под чија палка ќе се реализираат реформите во судските и правосудните органи но и поради компромитацијата со СЈО. И двајцата на крајот беа единствени во тезата дека треба да се засукаат ракавите и на реалноста да и погледнат во очи.
Повеќе детали погледнете во најновото издание на „Само Вистина".