Свет

САД се заканува дека „ќе крене раце“ од Украина: Обид за притисок или нова неизвесна фаза?

Обид за притисок врз Украина и Русија или нова неизвесна фаза на војната?

Професорот Методи Хаџи Јанев за Канал 5 вели дека најавите на Трамп за прекин на мировните преговори доколку следните денови нема конкретен напредок се реални.

-Јас мислам дека е извесно тоа да се случи и дека ќе го прекинат тоа, дека ќе ги прекинат преговорите, но не гледам што ќе значи тоа за преговорите и за мирот. Во исто време тоа може да биде и сериозен да кажам бумеранг во однос на целата таа политика коишто они ја водеа. Тоа да го искористи опозицијата во САД како класичен крах на неуспех бидејќи веќе се доведени под знак прашање ефектот од тарифите коишто ги воведуваат, ова би било втор удар.Го има истиот проблем со Иран, го има проблемот сега со Кина нерешен, ќе го има проблемот сега и со Русија ако се повлечат од овие преговори и автоматски тоа би можело да значи сериозен крах на целата таа кампања,-- проф. Методи Хаџи Јанев.

Доколку САД, како најмноќна светска сила, се повлечат од обидите за мир, извесно е дека војната ќе продолжи без нејзиниот крај воопшто да биде на повидок... Хаџи Јанев смета дека двете страни се силно убедени во нивната доминација на бојното поле, што за светот не е добра вест.

-На бојното поле мислам дека нема да се смени ништо посебно, освен ако САД не реши да заземе целосна страна и физички да влезе во конфликтот што значи трета светска војна, бидејќи во тој случај одиме на сценариото коешто претходно го заговараше претходната администрација.На меѓународен план тоа би значело Русија да излезе надвор од границите на Украина или со ова да се доведе до некоја ситуација во која таа ќе биде поразена. Секое такво чувство за Путин во моментот ќе значи пораз, а тој пораз ќе значи егзистенцијално чувство во коешто тие ќе се повикаат на нивната нуклеарна доктрина и тука веќе е многу опасно да зборувате понатаму,-- проф. Методи Хаџи Јанев.

Според информациите во светските медиуми, мировниот план на САД е да го признаат Крим за руска територија, а прекинот на огнот да биде долж моменталната линија на фронтот. Тој им бил претставен на европските и украинските претставници на состанокот во Париз во четвртокот, а разговорите би требало да продолжат следната недела во Лондон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Вонредна дератизација на критични локации во Центар

Општина Центар – Скопје денес и утре спроведува вонредна дератизација на повеќе критични локации на територијата на општината, поради зголемена појава на глодари.

Со акцијата ќе бидат опфатени локации во Капиштец, Дебар Маало, Буњаковец и Кале, каде што е забележана зголемена појава на глодари и каде што има пријави од граѓаните.

Градоначалникот на Општина Центар, Горан Герасимовски, истакна дека општинските служби реагираат на пријавите и дека состојбата на терен ќе продолжи да се следи.

„По пријавите од граѓаните веднаш преземаме мерки и спроведуваме вонредна дератизација на локациите каде што е забележана зголемена појава на глодари. Ќе продолжиме да ја следиме состојбата и ќе реагираме секаде каде што ќе има потреба. Ги повикувам граѓаните да ги пријавуваат ваквите појави за да можеме навремено да постапуваме“, изјави Герасимовски.

Вонредната дератизација ќе се спроведе на следните локации:

Капиштец – ул. „Загребска“ бр. 28, спроти Биотек (поранешно КТК), кај контејнерите.

Дебар Маало – ул. „Радњанска“, кај контејнерите, просторот околу Пазарот Буњаковец и дел од ул. „Рузвелтова“.

Буњаковец – ул. „Борка Талески“, од ООУ „Ј. Х. Песталоци“ до Грчката амбасада, како и крстосницата на ул. „Стефан Јакимов Дедов“ со ул. „Апостол Гусларот“, вклучително и шахтите околу запуштениот објект до ООУ „Ј. Х. Песталоци“, Катната гаража и бараките на ЈП „Комунална хигиена“.

Кале – ул. „Лазар Личеноски“, во близина на Спортска медицина и Царинската управа.

Од Општина Центар апелираат граѓаните да бидат внимателни при движење на наведените локации во периодот додека трае акцијата и да не ги поместуваат или оштетуваат поставените средства за дератизација.

Општина Центар ќе продолжи да ја следи состојбата на терен и да презема мерки за одржување на чиста, безбедна и здрава животна средина за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во пожар над селото Палиград на Китка спасено теле

Вчера додека бев на лице место на големиот пожар над селото Палиград, на планината Китка, покрај тешката борба со пожарот имавме и една несекојдневна и убава случка.

Во метежот и огнот, пожарникарите од Противпожарната бригада на Град Скопје успеаја да спасат едно мало теле кое останало на опожарениот терен. Мало, исплашено, но живо – една мала победа во тешкиот ден.

Во вакви моменти, секој спасен живот е важен. А денес, меѓу огнот и пепелта, успеавме да спасиме и едно мало суштество.

За жал, пожарите не ја загрозуваат само природата, имотот и животите на луѓето. Загрозени се и животните, кои често остануваат беспомошни пред огнената стихија.

Затоа, апелирам на максимална одговорност и внимателност. Пожарите, без разлика дали се подметнати или избувнуваат поради невнимание, оставаат последици врз сите живи суштества. Да ја чуваме природата, да ги заштитиме луѓето, имотот и животнитеинформира првиот човек на ЦУК, Мухамед Али.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ливерпул во нов обид да го ангажира Минте, Баркола се уште прескап

Англискиот гигант Ливерпул повторно ќе се обиде да го реализира трансферот на десното крило Јанкуба Минте (22) од Брајтон.

Минатата сезона, гамбискиот репрезентативец постигна три гола и забележа четири асистенции на 34 натпревари во Премиер-лигата. Неговата пазарна вредност изнесува 45 милиони евра, а тој има договор со клубот до летото 2029 година.

Главна цел на Ливерпул е Бредли Баркола од ПСЖ, но клубот не е подготвен да ги плати 160-те милиони евра (или повеќе) што францускиот гигант ги бара за него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.