„Роден сум како дете на воено силување, мајка ми ме остави во болница, ме посвои домар. Ми велеа дека сум четничко копиле најдено покрај контејнер“ - Канал 5

Живот

„Роден сум како дете на воено силување, мајка ми ме остави во болница, ме посвои домар. Ми велеа дека сум четничко копиле најдено покрај контејнер“

Ален Мухиќ (32) од Горажде, Босна и Херцеговина, е роден во 1993 година како несакано дете. За време на војната, српски војник ја силувал неговата мајка, Бошњачка.

„Роден сум како дете на воено силување, мајка ми ме остави во болница, ме посвои домар. Ми велеа дека сум четничко копиле најдено покрај контејнер“

Таа го оставила во болница веднаш по раѓањето. Наскоро, Ален ја објави потресната автобиографска книга „Јас сум Ален“, во која искрено сведочи за својот тежок, но достоинствен животен пат.

„Роден сум како дете на воено силување. Мајка ми ме остави во болница. Ме хранеле со трошки од бисквити. Ме посвои домар. Преживеав етикета како 'четничко копиле'. Снимен е филм за мене. Ја најдов мајка ми. И татко ми. Станав татко. Добијам награда за човекови права,“ раскажува Ален Мухиќ.

Денес, тој е гласот на децата родени од воени трауми – оние кои општеството често не ги гледа, не ги признава и ги заборава.

Биолошката мајка на Ален во почетокот се обидела да ја прекине бременоста, но поради поодминатата состојба, тоа не било возможно. Подоцна изјавила дека имала порив да го задуши детето. По породувањето, го оставила во болница, каде домарот се смилувал на него. Почнал секојдневно да го носи дома кај сопругата и ќерките, и на крајот го посвоил. Така, Ален израснал во муслиманска енклава, во сиромаштија и без основна инфраструктура, но со љубов и прифаќање во посвоителското семејство.

Неговата приказна за првпат стана позната кога имал три години, преку напис во американскиот „Њусвик“, во кој новинарката Стејси Саливан пишувала за деца родени по силувања за време на војната во БиХ. Таа ја пронашла и неговата биолошка мајка, која изјавила дека не чувствува ништо ниту кон детето, ниту кон силувачот, кој „неповратно ја уништил“.

Детството на Ален било тешко – не само поради сиромаштијата, туку и поради силната стигма. Бил навредуван, нарекуван „четничко копиле“, секојдневно се соочувал со отфрлање и предрасуди. Но, израснал опкружен со искрена љубов од семејството кое го посвоило. Вистината за неговото потекло ја дознал како дете, кога другар во школа му добацил во гнев: „Ти си четничко копиле најдено покрај контејнер.“

„Тогаш се отвори Пандорината кутија,“ вели тој. Вистината ја дознал на осум или деветгодишна возраст – приближно на возраст колку што денес има неговиот најстар син. Таа реченица го погодила, но и го натерала да тргне по своите корени.

Во интервју за „Klix.ba“, Ален раскажа дека првите месеци го хранеле болничарите, а неговиот иден татко работел како домар во воената болница. Иако живеел без основни услови – без вода и греење – домарот и неговото семејство решиле да му понудат дом на дете родено од брутален чин на насилство. Неговите посвоени сестри уште од почеток го сметале за вистински брат, а Ален вели дека денес тој е „нивно огледало“.

Како возрасен, Ален одлучил да го пронајде и својот биолошки татко – воен злосторник кој ја силувал неговата мајка. Тој средба била тешка. Татко му му ги отворил вратата, негирал дека ја познава неговата мајка и тврдел дека сè е „политичка приказна од БиХ“. Ален тогаш, гледајќи го во очи, рекол дека не му треба ДНК тест – „очите не лажат“.

„За мене тој е воен злосторник и така ќе биде засекогаш. Во моментот кога го видов, сфатив дека не можам да ја сменам минатото, но можам да ја обликувам својата иднина,“ вели тој.

И покрај сè што поминал, Ален никогаш не ја обвинил својата мајка:

„Таа не е виновна. Вистинскиот злосторник е мојот татко. Тој мора да одговара за тоа што го направил.“

Ален Мухиќ денес е татко, борец за човекови права и симбол на победата на животот над насилството, омразата и неправдата. Неговиот глас потсетува дека децата родени од воени силувања постојат и дека заслужуваат да бидат видени, признати и почитувани, пренесува „Блиц Жена“.

Тагови: Босна и Херцеговина дете

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3,.

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3, каде што во рамки на проектот „Нашето Маало-детска интерактивна просторна инсталација“, организирана од архитектот Ружица Ивановиќ, дечињата заедно со своите родители учествуваа во боење и цртање на претходно изработената макета од архитектката. На тој начин, на детската работилница најмладите карпошани освен што се дружеа помеѓу себе , тие и го развиваа својот креативен и уметнички потенцијал.

Во училишниот двор на ООУ „Петар Поп Арсов“, со почеток од 20:00, часот, во една пријатна, релаксирана и маалска атмосфера беше прикажан филмскиот класик од Димитрие Османли - „Мирно лето“, каде што меѓу присутните карпошани беше и претседателот на Советот на Општина Карпош, Христо Саракинов. Филмските проекции во рамки на културното лето ќе траат до 27-ми овој месец, каде што љубителите на добриот филм, заедно со своите соседи, роднини и пријатели, во предвидениот термин на истата локација, ќе можaт да уживаат во селектираните филмски остварувања од домашната македонска кинематографија.

Вечерта кулминираше со рап изведбата на „Стефан Трајковски- Жабата“, кој со своите авторски изведби ја крена публиката на нозе и направи одлична забава пред своите маалски другари, соседи и пријатели. На настапот на „Жабата“, на фонтана во Карпош 3 беше присутен и заедно со жителите на Карпош 3 се забавуваше и дружеше првиот човек на Општината, Сотир Лукровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62%

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62% во однос на одлуката од 17.8.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 3,795%, кај дизелот за 4,842%, кај екстра лесното масло за 3,958% и кај мазутот зголемувањето е за 6,467%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.

Од 25.8.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 101,50 (денари/литар)

Масло за горење Екстра лесно 1 (ЕЛ-1) 100,50 (денари/литар)

Мазут М-1 НС 45,576 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 3,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 2,00 ден/лит.

Малопродажната цена на Мазутот М-1 НС се зголемува за 1,850 ден/кг. и сега ќе изнесува 45,576 ден/кг.

Напоменуваме дека ова се максималните цени на нафтените деривати од 00:01 часот на 25.8.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерството за јавна администрација ја започна оперативната фаза за воспоставување на Академијата за обука и стручно усовршување на јавните службеници

„Академијата не е само институционална новина. Таа е инвестиција во квалитетот, интегритетот и ефикасноста на јавната администрација, а со тоа и во довербата на граѓаните во институциите.“ 

Министерството за јавна администрација ја започна оперативната фаза за воспоставување на Академијата за обука и стручно усовршување на јавните службеници

„Академијата не е само институционална новина. Таа е инвестиција во квалитетот, интегритетот и ефикасноста на јавната администрација, а со тоа и во довербата на граѓаните во институциите.“ Со овие зборови министерот за јавна администрација, Горан Минчев, ја отвори првата работна сесија со тимот кој ќе биде дел од Академијата за обука и стручно усовршување на јавните службеници, која треба да започне со работа на полетокот од 2027 година.

Во изминатиот период беа поставени основите за формирање на Академијата, беше спроведена анализа на постојната состојба и потребите, а во наредниот период следува дефинирањето на организацискиот модел, клучните функции и оперативната поставеност на новата организациска единица во рамките на Министерството за јавна администрација.

Во рамките на дводневната работна сесија тимот ќе работи на подготовка на клучните документи за воспоставување на Академијата, како и на преточување на стратешката рамка и четирифазниот патоказ на реформата во конкретен, реалистичен и временски дефиниран акциски план. Овие документи ќе ја постават основата за започнување на оперативната фаза и функционирањето на Академијата во состав на Министерството за јавна администрација.

„Работата во овие два дена бара од секого од нас конкретност и посветеност. Не бараме уште еден документ на хартија, бараме јасен, реалистичен и спроведлив акциски план, со прецизно распределени одговорности, идентификувани ризици и временска рамка на која можеме да се потпреме. Тоа е она што ќе го означи вистинскиот почеток на оперативната фаза на Академијата“ истакна министерот Минчев.

Работната сесија се реализира во соработка со Регионалното училиште за јавна администрација – РеСПА. Преку менторската поддршка, регионалната експертиза и споделените искуства и практики од земјите во регионот, Министерството за јавна администрација добива значајна поддршка во процесот на градење на одржлив и функционален институционален модел на Академијата.

Воспоставувањето на Академијата претставува важен чекор во создавањето современа, професионална и ефикасна јавна администрација, во која континуираното учење, развојот на компетенции и стручното усовршување ќе бидат составен дел од професионалниот развој на јавните службеници.

Министерството за јавна администрација продолжува посветено да работи на реформите кои значат поквалитетна администрација, подобри услуги за граѓаните и создавање услови во кои јавните службеници ќе имаат можност континуирано да ги развиваат своите знаења и професионални компетенции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер