„Реплек“ отвори нов производствен капацитет вреден над два милиони евра - Канал 5

Македонија

„Реплек“ отвори нов производствен капацитет вреден над два милиони евра

Нов производствен капацитет вреден над два милиони евра беше свечено отворен денеска од фармацевтската компанија „Реплек“.

„Реплек“ отвори нов производствен капацитет вреден над два милиони евра

Станува збор за високи технолошко и квалитетно решение, со висока продуктивност, со кое како што посочи генералниот директор на „Реплек“, Душан Пецовски, ќе се зголеми капацитетот на компанијата и нејзиното прилагодување на пазарите, а цврстите форми кои ги произведува компанијата ќе се зголемат за 25 проценти.

-Ова е целосна линија од почеток до крај, од таблетка до финална транспортна кутија и е прва најголема поединечна инвестиција во изминатите 80 години, истакна Пецовски.

Тој посочи дека водени од виизјата за благосостојба лани „Реплек“ инвестирал рекордни 6,3 милиони евра во дигитализација автоматизација, модернизација, вклучително модерно ИРП интегрално системско решение од САП во нови производни капацитети, во развој на нови производи и нови линии.

-Сето ова го правиме за да ни ја зголеми продуктивноста и ефикасноста на нашето работење. Во сите 80 години од нашето постоење „Реплек“ во континуитет успевал да се редефинира да се репозиционира и да се реоткрие, во нашето ДНК е да ги следиме и прифатиме светските трендови, истакна Пецовски.

„Реплек“ во моментов е присутен во 25 држави, а планот е до 2030 година таа бројка да се зголеми на 40.

- Ако денес сме присутни во 25 земји во 2030 амбицираме тоа да бидат 40 земји и затоа до крајот на годината инвестициите во „Реплек“ ќе достигнат до рекордни 10 милини евра. Само изминатата година растот на нашата продажба изнесува 24 проценти и тој тренд очекуваме да продолжи во наредните пет години, истакна Пецовски.

Тој нагласи дека се задоволни од институциите од она што значи поддршка за пласирање на производите на компанијата на странските пазари.

На свеченото отворање се обрати премиерот Христијан Мицкоски, кој посочи дека на денешниот настан сведочиме на уште една позитивна приказна за македонската економија.

-„Реплек“, еден од симболите на континуитет, квалитет и професионализам, во годината кога слави 80 години постоење, прави нов, визионерски чекор напред. Со новиот фармацевтски производствен блок, „Реплек“ не само што го модернизира и автоматизира својот производствен процес, туку го зголемува капацитетот за примарно и секундарно пакување на цврсти фармацевтски форми за значајни 25 проценти. Тоа значи нова технологија, поголема ефикасност, повисоки стандарди, но и нова потврда дека нашата земја има потенцијал и капацитет за индустриски раст, нагласи премиерот.

Тој истакна дека силата на една држава не се мери само по нејзиниот буџет, туку и по храброста на нејзините луѓе да вложат, да создадат и да веруваат дома и додаде дека оваа инвестиција има особена тежина, затоа што е домашна.

-Станува збор за македонски капитал, за македонска компанија, за вложување во иднината на македонската индустрија. Во време кога често се зборува само за странски инвестиции, денеска овде покажуваме дека и домашните претприемачи, визионери и стопанственици, се моторот на развојот. Токму затоа, Владата што ја предводам, останува цврсто посветена на поддршката на домашните компании. Не само како економски субјекти, туку како двигатели на нашата иднина, додаде Мицкоски.

Тој истакна дека стратегија на Владата е јасна, а тоа е создавање поволна деловна клима, намалување на бирократските бариери, поддршка за развој, за иновации, за извоз, за зголемување на додадената вредност.

-Ние веруваме дека силна економија се гради не само со странски капитал, туку и со грижа за својот – за секој што решил да остане, да вложи, да создаде тука, во Македонија. „Реплек“ е пример за тоа, пример што инспирира и мотивира, рече Мицксоки.

Премиерот посочи и дека во изминатата година државата бележи пораст на индустриското производство, нови инвестиции, стабилни јавни финансии и конкретни проекти што го менуваат животот на граѓаните и додаде дека новиот блок на „Реплек“ е дел од таа слика, слика на една Македонија што гради, што инвестира, што оди напред.

-Затоа денес, пред сите вас, сакам да упатам искрена честитка до менаџментот, до инженерите, фармацевтите, техничарите и сите вработени во оваа компанија. Вашата работа не е само технолошки успех, тоа е и патриотизам и визија, и одговорност. Почитувани пријатели, Во едно време на предизвици, на неизвесности, на глобални турбуленции, Македонија има компании како „Реплек“. Компании што се нејзината сила. Компании што не се плашат да чекорат напред. Компании што градат. И затоа да ни е честита оваа инвестиција. Да е честит јубилејот, 80 години постоење на „Реплек“. Нека оваа линија произведува не само лекови, туку и надеж и иднина и доверба во македонската економија, рече Мицкоски.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Меган Маркл објави сника од кујната, сите ја исмеваат

Промотивната фотографија од Меган Маркл, направена по повод новата колекција на нејзиниот бренд за животен стил, предизвика дебата на социјалните мрежи. 

Меган Маркл објави сника од кујната, сите ја исмеваат

Корисниците забележаа детал на фотографијата што им се чинеше неубедлив, а набрзо стана главна тема на коментари.

Фотографијата беше објавена на Инстаграм профилот на брендот As Ever со најавата за празничната колекција „Празничната колекција: Поглавје еден“, која ќе биде достапна на 6 октомври. Иако коментарите под објавата беа исклучени, фотографијата се прошири низ платформата X, каде што бројни корисници го забележаа истиот детал.

Што не е во ред со шпоретот?

На фотографијата, Меган позира во кујната до шпоретот, а токму оваа сцена предизвика најмногу реакции.

„Ако веќе се преправате дека готвите на гас, направете барем две паметни работи. Прво, проверете дали шпоретот е воопшто вклучен, копчињата дури и не се свртени. Второ, обидете се барем да изгледа како да гори пламен под тенџерето“, напиша еден корисник.

Други, исто така, забележаа дека нема видлив пламен под тенџерето. „Сето тоа е само претстава“, заклучи еден корисник, додека друг праша: „Дали Меган Маркл знае дека шпоретот мора да се вклучи пред готвење?“

Некои се потсмеваа на целата ситуација, а еден корисник ја опиша сцената како подготовка на „чорба од имагинацијата“. На фотографијата, не можете навистина да го видите пламенот под тенџерето, додека копчињата за контрола на температурата се чини дека се во исклучена положба.

Некои корисници застанаа во нејзина одбрана

Не беа сите убедени дека станува збор за пропуст. Некои корисници веруваат дека фотографијата е едноставно изрежана за потребите на кампањата и дека Меган не требало навистина да готви.

„Жената само се преправаше дека готви за фотосесија“, напиша еден корисник. Друг понуди многу едноставно објаснување за тоа што шпоретот е исклучен: „Глупаво. Шпоретот може да се исклучи затоа што храната е готова и треба само повремено да се меша пред сервирање.“

Имаше и такви кои не се занимаваа со спорниот детаљ, туку го пофалија изгледот на кујната. Некои, исто така, потсетија дека адвент календарот што Меган неодамна го лансираше е веќе распродаден.

Што носи новата колекција?

Новата празнична колекција се промовира под слоганот „Веселба во изработка“. Понудата ќе вклучува кошничка за домаќините и сет карти за играње, како и три вида чоколадо со вкусови на ѓумбир и лимон, лаванда и мед, и хибискус и роза.

Колекцијата следи луксузен адвент календар кој чини околу 112 фунти.

„Празниците нè потсетуваат колку радост може да се најде во моментите што го сочинуваат животот. Тие нè покануваат да се зближиме, да создаваме со свои раце, внимателно да ја поставуваме масата и да бидеме дарежливи кон оние што ги сакаме“, се вели во описот на новата колекција.

Тагови: Меган Маркл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ја одобри егзекуцијата на напаѓачот од Форт худ кој усмрти 13 лица

Американскиот претседател, Доналд Трамп, ја одобри смртната казна за Нидал Малик Хасан, осуден за масовното убиство во воената база „Форт худ“ во Тексас во 2009 година кога загинаа 13 лица.

Трамп ја одобри егзекуцијата на напаѓачот од Форт худ кој усмрти 13 лица

Американскиот претседател, Доналд Трамп, ја одобри смртната казна за Нидал Малик Хасан, осуден за масовното убиство во воената база „Форт худ“ во Тексас во 2009 година кога загинаа 13 лица, соопшти портпаролот на Пентагон, Шон Парнел, на социјалната мрежа „Икс“..

Американскиот министер за одбрана Пит Хегсет „препорача, а претседателот Доналд Трамп одобри осудениот терорист, Хасан, да биде погубен од стрелачки одред на американската армија, соопшти Парнел.

Датумот и местото на егзекуцијата ќе бидат одредени подоцна, додава тој.. Хасан, кој е роден во САД и има палестинско потекло во 2009-та година пукаше кон војници во медицински центар во базата „Форт худ“, со намера да ги спречи да учествуваат во, како што ги сметал, „незаконските“ војни во Авганистан и Ирак.. Сметан за „осамен волк“ на Ал Каеда, тој притоа уби 13 лица, меѓу кои 12 војници, и рани десетици други.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Официјално: Заврши спојувањето на холивудските гиганти- создадена е империја вредна 110 милијарди долари

„Парамаунт Скајденс“ денеска ја заврши мега-аквизицијата со „Ворнер Брос Дискавери“ за 110 милијарди долари, создавајќи го холивудскиот гигант наречен „Скајденс“.

Официјално: Заврши спојувањето на холивудските гиганти- создадена е империја вредна 110 милијарди долари

„Парамаунт Скајденс“ денеска ја заврши мега-аквизицијата со „Ворнер Брос Дискавери“ за 110 милијарди долари, создавајќи го холивудскиот гигант наречен „Скајденс“, додека на извршниот директор Дејвид Елисон му ја предаде контролата врз една од најголемите компании за забава во светот.

Договорот ги спојува студијата зад франшизите „Невозможна мисија“, „Хари Потер“ и „Ди Си Студиос“, заедно со водечките телевизиски и стриминг мрежи како што се „ЦБС“, „Си-Ен-Ен“, „Парамаунт+“ и „ХБО Макс“ - создавајќи огромна империја за забава што опфаќа филм, телевизија и вести.

Акциите на комбинираната компанија беа префрлени од „Насдак“ на њујоршката берза (NYSE) во вторник, каде што ќе се тргуваат под симболот „SKYD“.

Неодамнешните спогодби со коалиција на американски држави и Здружението на писатели на Холивуд ги отстранија големите правни пречки за спојувањето, едно од најголемите во историјата на медиумите. Спојувањето доаѓа во време кога Холивуд се бори со намалувањето на претплатите за кабелска телевизија, високите трошоци за натпреварување за публика на стриминг платформите и постојаниот синдикален притисок врз работните места и правата на креативните работници, објави „НБЦ њуз“.

Елисон минатата недела изјави дека името Skydance е избрано за да се зачуваат индивидуалните идентитети на студијата на Paramount и Warner Bros., наместо да се спојат под сосема нов бренд.

Но, аналитичарите велат дека името дополнително го нагласува степенот на контрола на Елисон, што сугерира дека тој сега има на располагање некои од најзначајните брендови во Холивуд, како и платформа за наметнување на сопствената стратегија и култура.

За само 16 години, Skydance од независно студио се претвори во центар на една од најголемите борби за моќ во Холивуд. Основано во 2010 година од синот на ко-основачот на Oracle, Лари Елисон, студиото ја изгради својата репутација како финансиер и продуцент на хит-филмот на Paramount „Top Gun: Maverick“.

По спојувањето со Paramount минатата година, Skydance го таргетира Warner Bros., влегувајќи во жестока конкуренција со Netflix, со интерес од други потенцијални купувачи, вклучувајќи го и Comcast.

Елисон го назначи поранешниот извршен директор на „Мател“, Инон Крајз, за ​​копретседател на „Скајденс“, кој ќе ги води секојдневните операции и ќе го надгледува процесот на интеграција, додека самиот Елисон ќе го надгледува креативниот правец и целокупната стратегија.

Дуото се соочува со задачата да ги спои двете големи компании со проектирани заштеди од 6 милијарди долари, а „Парамаунт“ вели дека голем дел од намалувањето ќе дојде од „неоперативни извори“ - комбинирање на технологиите за стриминг и давателите на услуги во облак на двете компании. Сепак, се очекува обемот на намалувањата да влијае на работните места низ Холивуд.

Се очекува и дека комбинираната компанија ќе има долг од околу 80 милијарди долари, што ќе изврши притисок врз Елисон да го зголеми стримингот, да го зачува паричниот тек од кабелските мрежи и да ги подобри резултатите од својот бизнис за кино дистрибуција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер