Црна Гора прогласи победа над Ковид-19 и е на добар пат и формално да прогласи крај на епидемијата доколку и во наредните осум дена не бидат пријавени позитивнилица. Земјата веќе 20 дена во низа не регистрирала ниту еден заболен, а од вчера нема ниту еден активен случај на вирусот. Црна Гора првиот позитивен пациент го имаше пред 68 дена, оттогаш забележа 324 заболени и 9 жртви. Добрата страгетија, според епидемилозите, во најголем дел се должи на честите тестирања и на правовременото детектирање на првите позитивни случаи во земјата.

-Сите тие резултати се крунисаа со една ваква сосојба. Сметам дека сме прва земја во Европа, која може да каже дека нема има нула случаи на инфицирани и нула случаи на заболени во овој момент. Значи немаме ниту новозаболени, ниту заболени, изјави Бобан Мугоша, Институт за јавно здравје на Црна Гора

Трендот на Црна Гора го следат и Словенија и Хрватска, кои вчера имаа по само еден позитивен случај. Хрватска денеска ги отвори вратите од училиштата за децата од прво до четврто одделение. Но како што пренесуваат медиумите во земјата, стравот од пандемијата придонело некои училници да останат речиси празни, некои пак, со цели одделенија.

-Не смеам да одам блиску до други и не смеам да се прегрнувам, вели момче во прво одделение.

Го замислуваше ли ти вака првото одделение?

-Не. Не мислев дека ќе дојде оваа корона. , вели девојче од прво одделение

Многу сум среќна, весела, пеам со денови и едвај чекам да ги видам децата. , Весна Млинариќ, наставник во училиште во Копривница

Хрватска оваа недела ја отвора летната сезона со посебни олеснувања за соседите, а по јуни и за останатите земји. Албанија соопшти дека ги отвора границите од први јуни ги отвора границите за соседите, како и хотелските плажи, додека сите капалишта за туристите ќе профункционираат од 10 јуни.

-Вирусот не замина, тој е меѓу нас. Сепак, почнувајќи од понеделник, први јуни, ќе ги отвориме копнените граници со соседите, Косово, Македонија и Црна Гора, но граѓаните ги повикуваме да бидат внимателни, истакна Еди Рама, премиер на Албанија

На први јуни отворање на границите најави и соседна Србија, а Грција планира истото да го направи кон средината на месецот кога е планирано да почне и туристичката сезона, според најавите, за туристи од 20-ина земја, меѓу кои и од Македонија.Грција денеска ги отвори кафулињата, угостителските објекти и спортските центри на отворено, a Грците можат да патуваат на островите и да пловат на јахтите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.