Рецензија на делото „Шетајќи го ќибритот“ на екс премиерот Љубчо Георгиевски - Канал 5

Македонија

Рецензија на делото „Шетајќи го ќибритот“ на екс премиерот Љубчо Георгиевски

Текстот е комплетна фикција/козерија и е базиран врз FB статус на некогашниот премиер, и „најголемиот ас“ на Бугарите - Љубчо Георгиевски. Ова е прв дел од рецензијата на неговото ново FB „дело“-„Шетајќи го ќибритот“

Рецензија на делото „Шетајќи го ќибритот“ на екс премиерот Љубчо Георгиевски

Вчера македонската јавност се запозна со новото дело на авторот Љубчо Георгиевски , мега познат по неговата „научно-фантастична“ стихозбирка „Апокалипса“ од далечната 1988 год. вметна и една феноменална песна во која како да ја наговестува иднината која денес ни се случува па напиша. „...Некој ми шара по мозокот,некој ми црта шаблони во него,ми наместија електрични чипови,во срцето за природна емоција,со дигитално управување...А јас сакав само да лижам п**ка! Влажна, розава, месеста п**ка. Ве молам,оставете ме да ја долижам!...“

Новото фејсбук дело се вика „Шетајќи го ќибритот“ од авторот Георгиевски и само може да се погодува дали насловот на новото дело има врска со еден стар , познат виц во кој главни протагонисти се :доктор, пациент и еден ќибрит врзан за конец како куче да е?
Денес Канал 5 ексклузивно го објавува 1от дел од ова „научно-фантастично“ ремек дело, при што „поканивме“ неколкумина оналјн Рецензенти да дадат свое видување на самото дело. Дефинитивно, како што сметаат и Рецензентите и јавноста , ова штиво „Шетајќи го ќибритот“ од авторот Љубчо Георгиевски ќе внесе нов дух, и позитивна енергија не само во уметноста и субкултурата, туку и во гео-политичките случувања.
Следува фрагмент од Фејсбук делото, заедно со рецензиите:.

Глава 1: „Северна Македонија да даде гаранција дека нема никаква аспирација за Источна Македонија и во поимот Северна Македонија не влегува Источна Македонија. Погледнато од Скопје, Пиринска Македонија секогаш била Источна.“

Рецензија: Авторот сериозно на политичко-стратешки начин воведува термин Источна Македонија, со што врши директна импликација дека Бугарија е источна Македонија. Но , поради фактот што ова фејсбук дело на авторот ЉуБчо Георгиевски е класична научна фантастика, која слободно може да се каже дека се воздигнува до висините на делата на Стенли Кјубрик, терминот Источна Македонија може да се сфати и дека делот на Македонија почнувајќи преку Крива Паланка, па Каменица, Пехчево, Делчево , Берово, се до Струмица и Дојран е Бугарија? Дали и Вицепремиерот Љупчо Николовски, заедно со Премиерот Зоран Заев се Бугари? Еден од Рецензентите, кој само тој ќе биде именуван со кодно име „Злобниот“ постави и дилема дали братот на Премиерот Заев, намерно е крстен по титулата „заменик“ односно Вице? Како е можно пред повеќе од 40 год. едно струмичко семејство да претпостави дека ќе го „даде“ денешниот Премиер по име Зоран, а братот ќе му биде „заменик“? Тука се вмешува друг Рецензент кој вели дека во делото не се споменува Заев и семејството, и дека, ако тој се прашува името Вице е дадено според познатиот хрватски пејач со презиме Вуков. Сепак таа дилема колку и да е парапсихолошка или политичка, не смее да се третира сериозно во ова фантастично „научно-фантастично“ дело на авторот Георгиевски

Глава 2: „Бугарскиот парламент да донесе декларација во која ке изјави дека под поимот македонска нација и македонски јазик подразбира само нација и јазик кои се формирани после 1944 година и дека Бугарија со ништо не ги прифака тезите за кои смета дека се фалсификат и ја подржува бугарска историографија во одбрана на својата вистина. Оваа теза во Бугарија можеби ке биде прифатена како политичка игра тоа не е така, само ја нудам српската стратегија, како тие ги решаваат нивните проблеми“

Рецензија: Тука авторот на ова дело, кој е познат и по еротска поезија во минатото ( види вовед на текстов ), директно им дава „идеи“ на безидејните бугарски политичари, при што очигледно се води од т.н. синдром на „заспана нација“. Рецензентот потсетува на изјавата на Премиерот Заев во кој легнуваме како Бугари, а се будиме како Македонци, креирани од лажните татковци, со тоа што рецензентот се прашува дали Каракачанов е принцот кој ќе ја разбуди “заспаната нација“ или пак убавата Захариева? „Злобниот“ пак Рецензент несомнено смета дека на авторот Георгиевски при пишувањата на ова фејсбук дело, „некој навистина му шарал по мозокот и му цртал шаблони“, како што самиот напишал во едно од неговите претходни ремек дела. Дополнително, „Злобниот“ пак се чуди како е можно ваков генијалец изненадувачки слабо да го познава македонскиот правопис, па зборот поддржа го пишува со едно Д ? Зборот ПОДРЖИ со едно Д, означува држење на нешто/некого краток период или време.Да не се крие некоја нова политичка „игранка„ од авторот Георгиевски, „глумејќи“ граматички аналфабетизам?

Глава 3:„Да се утврдат уште десет или петнаесет настани кои се општи без многу големи текстови и објаснение и да почнат да слават заедно. Може и сто и петнаесет ама тогаш политичарите само од прослава на прослава треба да одат.“

Рецензија: „Генералот“ на македонскиот пишан збор како што го нарекува пак еден друг Рецензент ( ова нема врска со реторичкото прашање на Бранко Црвенковски дали авторот во времето додека бил премиер на Македонија се облекувал како генерал и се гледал со часови пред огледалото во својата канцеларија ), на авантуристички начин индиректно ги потсетува читателите на не така далечното минато, а „Злобниот“ пак рецензент поставува дилема: дали во тие 10 славења можат да се вбројат и познатото „свиждање“ или по ново „ свирнување“, и дали дополнителни 9 одмори на Македонци во Бугарија ќе се сметаат за „заеднички настани“, при што голем број на Македонците ќе ги „слават“ летните одмори вообичаено со Бугарки и по некој Бугарин, нормално се во духот на Европската Унија, така да вкупно ќе се соберат 10 настани?

Глава 4: „Бугарската страна под итно да направи список на места од македонските учебници кои се навредливи за нив и тие да се се избришат без да се чека општата дискусија.
-Да се направи нова специјална комисија која ке работи под најбрза постапка за прогонот и убиствата на Македонцисо бугарска национална свест. Според бугарски извори 30.000 убиени и 120.000 малтретирани. Лично сметам дека тука некој лошо ја подводи бугарскајавност. Но и 1200 да се, демократијата треба да објави на виделина.
-Македонската страна да се задолжи во сите историски книги незвисно од државен или приватен издавач точно да го дава преводот посебно каде писателите пишувале македоци или бугари. Секој фалсификат да биде финансиски санкционран.“
Рецензија: Ова генијално историско-фантастично поглавје отвора простор за еден сосема нов, досега непознат писателски жанр: авто-само-лажно- историско-утепувачки жанр, кој како таков наиде на широко воодушевување кај македонските издавачи, кои сигурно сами, несакајќи да бидат изложени на финансиски трошоци, со помош на бела темпера ќе почнат веднаш да ги покриваат зборовите : бугарски фашисти и бугарски окупатор, убиен или малтретиран од бугарска војска - буквално секаде каде Бугарите лажно се претставени во негативен историски контекст , и врз белата темпера ќе се испише само еден збор – СРБИ и СРПСКИОТ.
„Злобниот“ пак рецензент вели дека ова поглавје на делото „Шетајќи го ќибритот“ од авторот ЉуБчо Георгиевски ќе биде одлична идеја за оваа предавничка Влада која сигурно ќе предложи при попишувањето да се постават и следниве прашања :
1. „Дали сте Македонец кој се чувствува како Б'лгарин?“ и независно од одговорот ќе се премине на второто прашање, кое гласи:
2. „Дали сте биле убиени по Втората светска војна“? Можеби малку чудно ќе звучи живи луѓе, кои се попишуваат да бидат прашани од комисијата задолжена за попис дали се живи, односно дали веднаш по Втората светска војна биле убиени, ама уште почудно е нели што и авторот на ова ремек дело, познатиот „бугарскиот ас“ бил некогаш премиер?

Тука е крајот на Првиот дел од анализата на новото фејсбук дело , фантастичниот „научно-фантастичен“ роман „ Шетајќи го ќибритот“, а во очекување сме и на рецензиите на останатите поглавја застапени во ова штиво, кое се надеваме дека ќе ги објавиме во текот на утрешниот ден

Забелешка: Текстот и насловот на „делото“ е комплетна фикција и козерија, базирана на вистиниски ФБ статус на Љубчо Георгиевски, и на ниту еден начин не ја одразува моменталната писателска и политичката реалност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк се сретна со генералниот секретар на ОН, Антонио Гутереш

Остварив средба со Генералниот секретар на Обединетите нации, Антонио Гутереш, во рамки на учеството на 81-та сесија на Генералното собрание на ОН.

Мицкоски во Њујорк се сретна со генералниот секретар на ОН, Антонио Гутереш

Особена чест беше да се потпишам во Книгата на почесни гости на Обединетите нации, како симбол на почитта кон оваа светска организација и нејзината мисија за мир, дијалог и заедничка иднина, објави Мицкоски на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Преку 250 милиони денари инвестираме во Радовиш во поодбрување на инфраструктурата, подршката за општините продолжува

Преку 250 милиони денари инвестираме во Радовиш за подобрување на инфраструктурата и развој на општината.

Николоски: Преку 250 милиони денари инвестираме во Радовиш во поодбрување на инфраструктурата, подршката за општините продолжува

Отворени сме за соработка, доколку општината има готови проекти ние сме подготвени да ја подржиме, истакна денеска заменик претседателот на Владата и министер за транспорт, Алксандар Николоски при посетата на општина Радовиш.

“ Само во еден инвестициски циклус, само преку Министерството за транспорт, во различни проекти инвестираме околу 250 милиони денари, што мислам дека ќе се согласите е една сериозна сума која што претходно не е видена како инвестиција во општината. Дали се работи за директни проекти преку Министерството за транспорт или се работи преку Македонија пат или се работи за владини програми, кога сите проекти ќе се соберат, се доаѓа до оваа сума што е платена во општината. Ќе продолжиме да ја поддржуваме во следниот период, отворени сме за нови проекти и ќе продолжиме да работиме на нови проекти”- изјави Николоски.

Тој истакна дека Владата во континуитет ќе овозможува поддршка на општините во инфраструктурни проекти.

“ Oвде во Радовиш работевме проект на улицата „Илија Алексов“ во урбаниот блок 15. Генерално, гледате дека ги поддржуваме многу општините. Веќе е активен вториот повик каде што апликациите доаѓаат од општините. Имаме средства кои што се во рамките на Министерството за транспорт што можат да се искористат, доколку општината има готови проекти, ние сме спремни да ги подржиме” – истакна заменик претседателот на Владата, Николоски.

Тој денеска во Радовиш ќе присуствува и на културни настани, за како што рече ќе придонесе за зачувување на традицијата и развој на локалната економија, соопштуваат од Министерството за транспорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нацева: Неготино оди напред, се инвестира во модернизација на училишта и подобра инфраструктура

Почитувани граѓани на општина Неготино,пред една година ја добив вашата доверба да ја водам нашата општина.

Нацева: Неготино оди напред, се инвестира во модернизација на училишта и подобра инфраструктура

За мене таа доверба значи пред сè одговорност.

Одговорност секој ден да работиме за нашиот град, за нашите населени места, за нашите деца, за младите, за семејствата и за секој наш сограѓанин.

Денес, после не повеќе од една година, сакам да направиме краток пресек. Да зборуваме за она што го реализиравме, за она што е во тек, но и за она што допрва треба да го направиме.

Затоа што, отчетноста не е само да кажеме што сме ветиле. Отчетноста е да покажеме што сме направиле. И токму затоа денес пред вас стојам со резултати.

Кога зборуваме за развој на една општина, инфраструктурата е основата. Затоа во изминатата година ова беше еден од нашите најголеми приоритети, улици, канализација, водовод ,тротоари и побезбеден сообраќај.

Во изминатиот период реализиравме повеќе значајни инфраструктурни проекти од кои што најголем дел се преку обезбедени средства од Владата на Република Македонија.

Имено преку аплицирање со проекти на првиот јавен повик, како Општина ни беа одобрени средства од 80.000.000 денари за 5 проекти кои се веќе реализирани, додека на вториот повик на Општина Неготино и беа одобрени средства од околу 160.000.000 денари за реализација на вкупно 10 проекти, или севкупно Владата во реализација на инфраструктурни проекти во општина Неготино, обезбеди средства од 240.000.000 денари.

Еден од нив е реконструкцијата на улицата „29-ти ноември“, во должина од 724 метри, со инвестиција од над 28,5 милиони денари, проект финансиран со средства од Министерството за транспорт.

Финишираат градежните работи за изградба на кружен тек на излезот од Неготино кон Кавадарци со средства од Министерството за транспорт во висина од 9.300.000 денари.

Интензивно се гради и кружниот тек во центарот на Неготино со средства во висина од 28.500.000 денари обезбедени од Владата на Република Македонија. Станува збор за комплексен проект со проширување на површината на која ќе биде лоциран самиот кружен тек, но и со надополнување на овој простор со нови и модерни содржини.

Во најскоро време, започнуваме со градежни работи за реконструкција на градскиот плоштад во Неготино, кој што е проект со вредност од 38.000.000 денари обезбедени од Владата на Република Македонија.

Со средства од Владата од 26.500.000 денари, започнавме со изведување на градежни работи за реконструкција со рехабилитација на главната улица во градот Маршал Тито, а се прават последните подготовки за започнување на проектот за комплетна реконструкција на улица Ленинова со средства од 19.500.000 денари.

Паралелно, се врши реконструкција на тротоарите на двете наајфреквентни улици, Маршал Тито и Партизанска до кружниот тек со средства од Владата во висина од 7.500.000 денари

Се изврши и реконструкција на тротоарите од двете страни на улица Ставре Ставрев со средства од Буџетот на општина Неготино

Но работевме и надвор од градот.

Во Тремник реконструиравме и асфалтиравме улица во должина од 832 метри, со инвестиција од над 8,6 милиони денари обезбедени од Министерството за транспорт.

Во Долни Дисан, Горни Дисан и Вешје работевме на реконструкција на патниот правец во должина од 1.800 метри, со инвестиција од над 16,7 милиони денари обезбедени од Владата на Република Македонија.

А продолживме и со реконструкција на уште една улица во Криволак, со инвестиција од над 2,7 милиони денари - средства од обезбедени од македонската Влада

Со средства во висина од над 3 милион денари од Владата на Република Македонија, ги завршивме градежните работи за комплетна реконструкција на улица во Долни Дисан (Домородско маало ) во должина од 370 метри.

Асфалтиравме улица во Војшанци во должина од 576 метри со 4 краци и вредност на проектот од близу 5 милиони денари и со средства обезбедени од Владата

Со финансиска поддршка од Владата од 3.000.000 денари извршивме градежни активности за комплетна реконструкција на улица во село Курија во должина од 440 метри.

Во урбаната заедница 5.1 работиме на изградба на две улици со комплетна инфраструктура – водоводна, фекална и атмосферска канализација, како и асфалтирање.

Вкупната должина е околу 280 метри, а инвестицијата е над 7,8 милиони денари буџетски средства.

Ова се инвестиции кои не се само асфалт и бетон. Тие се инвестиции во подобро секојдневие. Но и во идниот развој на Неготино.

Затоа работиме и на подобрување на сообраќајот.Нашата цел е јасна: побезбеден сообраќај, подобра инфраструктура. За таа цел, како и за поголема безбедност на сите учесници во сообраќајот, после 20 години Неготино доби нови и функционални семафори.

Преку отуѓување на градежно земјиште сопственост на Република Македонија по пат на јавно наддавање, Општина Неготино во Индустриските зони изврши продажба на 4 градежни парцели со вкупна површина од 25.000 м2 наменети за изградба на објекти од лесна и незагадувачка индустрија и поставување на фотоволтаици.

Но, градот не се гради само со улици. Градот треба да има и места каде што луѓето ќе се среќаваат. Каде што децата ќе играат, каде што семејствата ќе поминуваат време заедно. Затоа еден од проектите на кој сум,особено горда е изградба на Паркот „8-ми Ноември“.

Со инвестиција од 13,3 милиони денари обезбедени од Владата, Неготино доби нов и современ јавен простор. Пешачки патеки, осветлување, клупи, летниковци, чешми, шах-маси и детски реквизити.

Но најважно од сè е што денес таму гледаме деца. Ги гледаме родителите.Ги гледаме семејствата.И гледаме простор кој што живее.

Тоа е вистинската вредност на еден ваков проект.Не само што сме изградиле парк, создадовме место за повеќе луѓе.

И продолжуваме со уредување на јавните површини и тротоарите, затоа што сакаме Неготино да биде функционален, но и убав и пријатен град за живеење.

Ако зборуваме за иднината на Неготино, тогаш мора да зборуваме за нашите деца.

Образованието е инвестиција која нема рок на траење.Затоа оваа година обезбедивме 3.000 денари за секое прваче.Но нашата поддршка не завршува тука. Ги наградивме најуспешните ученици. Вкупно 45 ученици добија парични награди за постигнати резултати на државни и меѓународни натпревари.

Наградени беа и 19 нивни ментори, како и првенците на генераци. Обезбедивме за најдобрите студенти финансиски средства, обезбедивме бесплатни униформи за сите ученици во основните училишта, обезбедивме бесплатен оброк за деца од прво до петто одделение во основните училишта. Направивме реконструкции, доградби, доопремување на основните училишта, како во градот, така и во руралните средини, се со цел подобри услови за учениците.

Во текот на летниот распуст во сите училишта во градот и населените места се изведоа активности за непречен старт на новата учебна година.

Во ООУ ,,Гоце Делчев“ каде за тоа постоеја услови, наставата започна да се одвива во една смена, а во истото училиште се воведе и продолжен престој за учениците до 16:00 часот, за што постои огромен интерес

Активности реализиравме и во трите клона на Детската градинка Фемо Кулаков.

Затоа што сакаме секое дете кое вложува труд да знае дека тој труд е препознаен.

Дека знаењето се вреднува,И дека успехот на едно дете е успех на цело Неготино.

Неготино има млади со огромен потенцијал.И наша обврска е да им дадеме поддршка.

Во изминатата година продолживме да ги поддржуваме спортските клубови, младите спортисти и спортските настани.

Нашите млади спортисти го претставуваа Неготино и надвор од Македонија.

Го поддржавме нивното учество на меѓународните Плазма спортски игри во Сплит, преку обезбедување средства за патување и за спортска опрема.

Го поддржавме и спортот во нашите населени места.

Во Тимјаник турнирот собра 16 екипи, со награден фонд од 200.000 денари.

Во Војшанци учествуваа 14 екипи, со награден фонд од 130.000 денари.

А во Неготино, продолжи и традицијата на меморијалниот „Зоран Недев Фелер куп“.

За нас спортот не е само натпревар, спортот е здравје,спортот е дисциплина, спортот е другарство. И спортот е начин нашите деца да растат со вистински вредности.

Но младите не ги гледаме само низ спортот.Сакаме да им создадеме можности за образование, практично искуство и работа.Затоа работиме на поврзување на образованието со локалниот бизнис-сектор.Нашата цел е младите не само да останат во Неготино, туку да имаат причина да останат.

Општина која мисли на иднината мора да се грижи и за своите граѓани денес.

Затоа продолживме со мерките за поддршка на семејствата.

Во текот на годината доделивме преку 38 ваучери за новороденчиња, во вредност од по 7.000 денари.

Вкупно 266.000 денари директна поддршка за секое семејство.

Продолживме и со поддршка за повозрасните и ранливите категории граѓани преку програмите за грижа и помош.

Со Буџет од околу 250.000 евра Општина Неготино и Здравствен дом го реализираме проектот ,,Еднаков пристап до здравствена грижа за возрасната популација“, градиме инклузивна и мобилна општина преку обебзедување на трицикли и велосипеди наменети за лицата со попрченост, изготвен е нацрт-план за изградба на посебна сала за венчавки во општина Неготино, обезбедуваме нови возила и опрема за подигнување на нивото на хигиената во градот и населените места.

Но грижата за граѓаните се покажува и тогаш кога помошта е најпотребна. Кога на граѓаните на Гостивар им беше потребна помош, Општина Неготино донираше и им помогна.

Затоа што солидарноста е вредност која треба да ја негуваме.

И затоа нашата порака е едноставна:

Општината мора да биде блиску до граѓанинот, да го слушне проблемот,Да го бара решението и кога може, да помогне.

Почитувани граѓани,

Неготино не го прават само проектите.

Неготино го прават луѓето.

Нашата култура, нашата традиција, спортот, манифестациите, нашите населени места.И сите оние кои секојдневно придонесуваат нашиот град да има живот.Во изминатата година продолживме да ги поддржуваме културните, спортските и општествените активности.Но денес не сакам да кажам дека сме завршиле.Не сме.Има уште многу работа.Има улици кои треба да се реконструираат.Има инфраструктура која треба да се подобри. Има сообраќајни проблеми кои треба да ги решиме.

Има уште јавни простори кои треба да ги уредиме, има уште многу што треба да направиме за младите, за семејствата и за економскиот развој на општината.

Но денес имаме нешто многу важно.

Имаме една година работа зад нас.

Имаме реализирани проекти.

Имаме проекти кои се во тек.И имаме јасна визија за тоа каде сакаме да биде Неготино.

Следната година продолжуваме со уште посилно темпо. Со нови инфраструктурни проекти, со подобар и побезбеден сообраќај, со инвестиции во децата и образованието, со поддршка за спортот и младите, со мерки за семејствата и со создавање услови за нови инвестиции и нови работни места.

Нашата цел не е само да реализираме што повеќе проекти, нашата цел е секој проект да има смисла, да решава реален проблем, да му го олесни животот на граѓанинот и да остане како трага дека сме направиле нешто добро за нашиот град.

Почитувани сограѓани,

Пред една година ми ја дадовте вашата доверба. Денес ви должам отчет.

Не сакам да ве убедувам со големи зборови. Сакам резултатите да зборуваат.

Да зборуваат новите улици, да зборуваат парковите за деца, да зборуваат нашите деца и ученици, да зборуваат нашите спортисти, да зборуваат инвестициите.

И да зборува секој граѓанин кој денес има нешто подобро отколку што имал вчера.

Знам дека има уште многу работа. Но знам и дека можеме повеќе.

Затоа продолжуваме. За нашиот град, за нашите населени места, за нашите млади, за нашите семејства. За Неготино.

Ви благодарам за довербата.

И ви благодарам што заедно го градиме нашиот град, рече Марија Нацева, градоначалник на Општина Неготино.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер