По венчавката на Меган Маркл и принцот Хари, наскоро ќе се одржи голема венчавка на принцезата Еугенија и Џек Бруксбанк. А, освен нив, лорд Ивар Моунбатен, роднина на кралицата Елизабета Втора, на вечна љубов ќе му се заколни на Џејмс Коел, што ќе биде прва истополова венчавка во британското кралско семејство.
Иако се уште не сакаат да го откријат точниот датум на венчавка, Ивар и Џејмс потврдија за британските медиуми дека големата свадба ќе биде организирана на крајот на летото.
Роднината на кралицата Елизабета Втора Ивар Моунбатен избрал до олтарот да го отпрати поранешната сопруга Пени, со која бил во брак 16 години и со која има три ќерки.
– Навистина сакав ова да го направам, особено поради Џејмс, кој се уште не бил во брак. За мене бракот на е важен, бидејќи веќе бев во еден во кој добив прекрасни ќерки, а на овој брак инсистирам, бидејќи мислам дека тоа на Џејмс му е многу важно. Тој немал стабилен живот како мене и токму поради тоа, тоа сакам да му го пружам – рекол младоженецот.
Тие ќе се венчаат во капелата на приватниот имот во Девон, а медиумите пишуваат дека ќерките на Ивар се многу среќни поради венчавката на својот татко.