„Прозорците што се смеат" – кампања на „Театар Пи" за лицата со интелектуална попреченост - Канал 5

Култура

„Прозорците што се смеат" – кампања на „Театар Пи" за лицата со интелектуална попреченост

ЦИУЕ „Театар Пи" од Скопје во соработка со ЦПЛИП „Порака" од Скопје по повод 3 Декември – Меѓународниот ден на лицата со попреченост започнува со мултимедијална кампања со наслов „Прозорците што се смеат".

„Прозорците што се смеат" – кампања на „Театар Пи" за лицата со интелектуална попреченост

Фокусот на проектот, информираат организаторите на кампањата, е да се развие разбирање за потешкотиите со кои ранливите групи се соочуваат кога се обидуваат да го изразат својот глас во општество.

– Кај нив, во изминатиов период како и кај сите граѓани е намалена комуникацијата, социјализацијата, самостојноста во извршување на сите активности. Со тоа лицата со попреченост може да станат поранливи. Ваквата состојба предизвикува и лицата со попреченост да станат поранливи, да се јави чувство на осаменост, која носи и други последици, посочуваат од Театар Пи.

ЦИУЕ „Театар Пи" изминатиов период заедно со лицата со попреченост подготвииле изложба на уметнички инсталации, онлајн музички концерт и онлајн документарен филм.

Во текот на оваа година лицата со интелектуална попреченост од дневниот центар „Порака" по нивни идеи и видувања на конкретната ситуација во која живееме, изработувале цртежи и фотографии на големи дрвени прозорци кои ќе бидат изложени на отворено на плоштадот „Филип Втори" до црквата „Св.Димитрија". Изложбата ќе биде отворена до 10 јануари 2021 година.

Вториот настан е концерт кој ќе биде онлајн емитуван на 18 декември во 19:00 часот на фејсбук страницата на Театар Пи.

Додека, третиот настан е документарен филм со наслов „Прозорците што се смеат"кој е поделен на два дела и ќе се емитува на 18 декември во 19:00 часот на фејсбук страницата на Театар Пи.

– Првиот дел од документарцот е сниман пред пандемијата во кој тие го покажуваат својот светоглед. Актерите низ различни сцени ги покажуваат своите таленти и можности и прават јасна динстинција помеѓу стереотипите кои се создадени кон нив и кои се во суштина тие како индивидуалци со сите свои можности. Вториот дел од филмот е сниман за време на пандемија во кој актерите имаат можност за изразување на нивните потреби и причини да креираат и така да го изминат овој период на изолација, да најдат своја форма и начин да се себеизјават и да ги идентификуваат своите проблеми и јасно да ги изговорат, информираат од Театар Пи.

Проектот е поддржан од Град Скопје и Делагацијата на Европската унија во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада: Кризната состојба за нафта и нафтени деривати продолжена до 20 октомври

Владата донесе одлука - кризната состојба за нафта и нафтени деривати продолжена до 20 октомври

Влада: Кризната состојба за нафта и нафтени деривати продолжена до 20 октомври

Владата на денешната седница ја донесе Одлуката за изменување на Одлуката за одобрување на продолжување на рокот за постоење на кризна состојба поради можност од нарушување на снабдувањето со нафта и нафтени деривати.

Со донесената одлука, рокот на важење на кризната состојба се продолжува од 21 јули до 20 октомври, со што се обезбедува континуитет во институционалното постапување и навремено преземање на мерки доколку дојде до нарушувања во снабдувањето или до значителни ценовни шокови на меѓународните пазари на нафта и нафтени деривати.

Целта на оваа одлука е Владата да располага со соодветен правен механизам за брза и ефикасна реакција, со цел да се зачува стабилноста во снабдувањето, да се ублажат последиците од евентуални пазарни нарушувања и да се заштитат интересите и животниот стандард на граѓаните и стопанството.

Владата и понатаму внимателно ќе ги следи состојбите на домашниот и меѓународниот енергетски пазар и, доколку тоа го наложат околностите, ќе продолжи да носи навремени и соодветни мерки во интерес на сигурно, стабилно и непречено снабдување со нафта и нафтени деривати.

По усогласување на одлуката во рамки на владините процедури истата ќе биде доставена до Собранието на разгледување и донесување, согласно законските надлежности.

Тагови: Владата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ќерката на Роџер Федерер во врска со синот на неговиот противник?

Сè почести се гласините дека синот на Лејтон Хјуит е во врска со една од ќерките-близначки на Роџер Федерер и дека Круз и Мила се заедно...

Ќерката на Роџер Федерер во врска со синот на неговиот противник?

Дали на повидок е нова тениска романса – меѓу синот на Лејтон Хјуит и ќерката на Роџер Федерер? За ова се зборува веќе некое време, особено по Вимблдон.

Таму, Круз Хјуит го загуби мечот во финалето на јуниорскиот турнир, а притоа помина многу време со Мила и Шарлин Федерер. Токму за ова пишуваше британскиот „Дејли мејл“, наведувајќи дека постојат информации оти Круз и Мила се во врска и дека поминале многу време заедно на Вимблдон.

Круз има 17 години (роден на 11 декември 2008 година), додека Мила Роуз и Шарлин Рива се близначки родени на 23 јули 2009 година. Според тоа, тој наскоро ќе стане полнолетен, додека тие две наскоро ќе го прослават својот 17-ти роденден.

Нивните семејства се блиски и тие се познаваат уште од детството. Беа заедно на турнирот „Австрија опен“, а британскиот портал исто така тврди дека Мила била присутна на финалето на Вимблдон, каде што Круз играше и загуби од квалификантот Џордан Ли.

Тагови: Роџер Федерер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Забележана најголемата бела ајкула - „Ѕверот“ од 770 килограми се врати од длабочините

По неколку месеци без никаков сигнал, најголемата голема бела ајкула некогаш забележана во Атлантскиот Океан повторно е видена, а експертите сметаат дека таа се упатува кон север во потрага по храна.

Забележана најголемата бела ајкула - „Ѕверот“ од 770 килограми се врати од длабочините

„Контендер“, најголемата голема бела ајкула некогаш регистрирана во Атлантскиот Океан, повторно е забележана по неколкумесечно отсуство од системите за сателитско следење.

Ајкулата, која е долга повеќе од четири метри и тешка околу 770 килограми, последен пат била регистрирана во април во близина на заливот Памлико Саунд во американската сојузна држава Северна Каролина, по што исчезнала од радарите бидејќи нурнала на големи длабочини.

Истражувачкиот тим на OCEARCH, кој ги следи движењата на големите бели ајкули, минатата среда изјави дека тракерот повторно испратил сигнал.

Сепак, станува збор за слаб сателитски сигнал, познат како „Z-пинг“, што значи дека перката на ајкулата не била над површината на водата доволно долго за уредот да испрати прецизни податоци за нејзината локација. Поради ова, истражувачите во моментов не можат со сигурност да утврдат каде се наоѓа ајкулата.

Врз основа на претходните истражувања и шемите на миграција на големите бели ајкули, експертите веруваат дека „Контендер“ (Contender) би можела да се упати кон Кејп Код во американската сојузна држава Масачусетс или кон бреговите на атлантскиот дел на Канада.

Според организацијата OCEARCH, големите бели ајкули во западниот дел на Северниот Атлантик редовно мигрираат кон север во потрага по храна во текот на летото и раната есен. „Кејп Код и атлантскиот дел на Канада нудат соодветни температури на морето и изобилство од плен, првенствено фоки и големи видови риби“, соопштија од OCEARCH.

Изминати повеќе од 11.000 километри Ајкулата „Контендер“ беше означена со сателитски уред во јануари 2025 година во Северниот Атлантик, недалеку од бреговите на американските сојузни држави Џорџија и Флорида.

Оттогаш, според истражувачите, таа има изминато повеќе од 7.000 милји (околу 11.300 километри) долж источниот брег на Северна Америка, што ја прави една од најследените големи бели ајкули во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер