„Политико": Петков сака преку економска соработка да ги подобри односите со Македонија - Канал 5

Балкан

„Политико": Петков сака преку економска соработка да ги подобри односите со Македонија

По долги години контроверзии, ЕУ минатата година се согласи да ги покани Македонија и Албанија да започнат преговори за членство. Сепак, Бугарија ги блокираше преговорите поради спор со Македонија околу историјата и јазикот.

„Политико": Петков сака преку економска соработка да ги подобри односите со Македонија

Нестабилните односи со соседна Македонија, заедно со ниското ниво на вакцинација и борбата против корупцијата, се главните предизвици се кои ќе треба да се справи поранешниот претприемач, дипломец на Харвард и нов бугарски премиер Кирил Петков, оценува бриселскиот портал „Политико" во осврт на новоизбраната Влада на Бугарија.

Во делот на анализата посветен на односите со Македонија, „Политико" наведува дека премиерот Петков сака да заземе поделотворен пристап кон земјава.

– По долги години контроверзии, ЕУ минатата година се согласи да ги покани Македонија и Албанија да започнат преговори за членство. Сепак, Бугарија ги блокираше преговорите поради спор со Македонија околу историјата и јазикот. Ова ги спречи и Македонија и Албанија да го направат следниот клучен чекор во процесот за членство – усвојувањето на преговарачките рамки, што е предуслов за старт на преговорите со одржување на првите меѓувладини конференции, наведува бриселскиот портал.

Во освртот се посочува дека ваквиот потег на Бугарија предизвика разочарување и на Балканот, но и во Брисел, каде поддржувачите на проширувањето велат дека Софија ја поткопува довербата во Унијата и остава политички вакуум во регионот за Русија, Турција и Кина кои сакаат да го прошират своето влијание.

– Иако новата бугарска Влада не планира да се откаже од барањата за историските спорови со Македонија, Петков најави дека негова цел е да го прошири дијалогот и да ја искористи економската соработка за подобрување на односите, наведува „Политико".

Порталот додава дека Петков планира новиот пристапот да биде поврзан со „зајакнување на постојните позиции" на Бугарија и би сакал комисиите што ги разгледуваат односите „да работат многу напорно следните шест месеци", но дека одбива да даде краен рок за завршување на процесот.

– Мислам дека ниту една Влада, во моментов, не може само да излезе пред својот народ и да каже: „Во ред, заборавете на сите проблеми, ајде само да го потпишеме договорот", затоа што таквата Влада брзо ќе биде сменета, ја пренесува „Политико" изјавата на Петков.

Петков, според порталот, смета дека на луѓето треба да им се покаже зошто соработката е корисна. – Сакам да можам директно да летам од Софија до Скопје, не преку Виена. Сакам да ја воспоставам првата железничка врска или ако е можно барем план за тоа. Сакаме да имаме заеднички културен календар, додава бугарскиот премиер во цитираната изјавата.

На изборот на новата бугарска Влада се осврнува и Радио Франс Интернасионал (РФИ), посочувајќи дела Петков се претставува себеси како цврст проевропеец, која сака да направи напредок „по едно исклучително чувствително прашање за неговата земја: пристапувањето на Македонија во Европската Унија – нешто на што Бугарија се противи".

РФИ во анализата пренесува изјава на француската експертка за Балканот Надеж Рагару која оценува дека тактиката на Петков не е да ги фокусира разговорите само на прашања од историјата, туку и „да понуди вистинска економска соработка меѓу двете земји и вистински развој на инфраструктурата". – Од оваа гледна точка, двете земји имаат заеднички интереси. За да блесне во регионот на Југоисточна Европа, Бугарија од своја страна мора да има поразвиени транспортни врски. Така, се надеваме дека преку заеднички проекти веројатно во наредните месеци Бугарија ќе го укине ветото за Република Македонија, додава Рагару.

– Во интервју за „Фајненшл Тајмс" непосредно пред да неговиот избор за, Петков си даде шест месеци да го заврши процесот. Прилика за тоа ќе биде Самитот за Балканот, што ќе се одржи во Франција во јуни следната година, заклучува РФИ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Медицинскиот факултет се огласи за докторот Дарко Василевски, кој штрајкува со глад поради вработувањето

Вечерва со став се огласи Медицинскиот факултет во Скопје, откако беше објавена сторијата на докторот Дарко Василевски, кој веќе два пати се обидува да се вработи Институтот за МЕП физиологија со антропологија и затоа денеска почна штрајк со глад.

Медицинскиот факултет се огласи за докторот Дарко Василевски, кој штрајкува со глад поради вработувањето

Во врска со објавениот јавен оглас 01/2026 на Медицинскиот факултет во Скопје, во состав на Универзитетот „Св.Кирил и Методиј“ – Скопје, за засновање на работен однос на 4 (четири) доктори по медицина од кои 2 (два) извршители за Институтот за медицинска и експериментална физиологија со антропологија, Ве известуваме за следното: Постапките за вработување на доктори по медицина, Факултетот ги спроведува врз основа на Законот за високото образование, Законот за вработените во јавниот сектор и Законот за работните односи.

Јавниот оглас беше спроведен од страна на Комисија за селекција на кандидати составена од тројца реномирани професори на Медицинскиот факултет во Скопје, воедно раководители на Институтите на факултетот, каде се вработуваа докторите по медицина.

Комисијата за селекција ги провери доставените документи на пријавените вкупно седум кандидати за работното место на кое конкурираше и кандидатот доктор Дарко Василевски и утврди дека истите се уредни пријави. Со сите пријавени кандидати комисијата спроведе интервју.

По спроведеното интервју, Комисијата за селекција предложи два кандидата кои ги исполнуваат општите и посебните услови за засновање на работен однос со Факултетот. Постапката за вработување која ја спроведе Медицинскиот факултет во Скопје, беше објективна и транспарентна и во ниту една фаза од истата, доктор Дарко Василевски не беше доведен во понеповолна положба од останатите кандидати.

Особено нагласуваме дека избраните кандидати се далеку подобро рангирани по основ на постигнатиот успех од формалното образование и резултатите од интервјуто. Д-р Дарко Василевски е уредно известен за исходот од постапката односно кои кандидати се избрани со цел засновање работен однос.

Доколку кандидатот доктор Дарко Василевски смета дека некое право од постапката за вработување му е ускратено истиот своите права може да ги оствари пред надлежните институции. До денес факултетот нема добиено известување од ниту една надлежна институција дека кандидатот официјално се обратил во врска со наведениот Конкурс за вработување.

Исто така, до Факултетот не е доставено ни известување за евентуално поднесена претставка до Комисијата за спречување и заштита од дискриминација. Доколку Факултетот добие претставка во законски предвидениот рок ќе се произнесе по истата.

Универзитет „Св.Кирил и Методиј“ – Скопје Медицински факултет во Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Борач неподвижно лежи на УФЦ настан: Беше меѓу животот и смртта (ВИДЕО)

Неодамнешниот настан на UFC во Лас Вегас беше обележан со драматична сцена во петтата рунда од главниот настан на вечерта помеѓу Раул Росас помладиот и Раони Барселос. 

Борач неподвижно лежи на УФЦ настан: Беше меѓу животот и смртта (ВИДЕО)

Бразилскиот борач (39) се струполи, а откако борбата беше прекината, му беше укажана итна медицинска помош.

Доминација до петтата рунда

До решавачкиот момент, Барселос беше во водство и доминираше над 21-годишниот Мексиканец. Тој ја контролираше борбата во боксерските размени, го удираше со директни удари и комбинирани напади во телото и главата, а својата техника на удар ја надополнуваше со нокдауни. Бразилецот се чинеше дека ја има обезбедено победата, но петтата рунда донесе целосен пресврт.

Барселос го притисна Росас на почетокот на петтата рунда и го нокаутира, но не можеше да го држи на земја. Борбата се врати во средината на октагонот, каде што младиот Мексиканец удри со колено. Следеше отворена размена, во која Росас зададе неколку тешки удари во телото и главата на Бразилецот, чија енергија почна нагло да опаѓа. Барселос се обиде да ја смири борбата туркајќи го кон оградата, но Росас го сврте и го собори на подот за прв пат во натпреварот.

По падот, бразилскиот борец престана да се спротивставува и се замрзна. Росас го забележа ова и не продолжи со ударите, а судијата веднаш ја прекина борбата. Во салата владееше тишина додека на Барселос му беше помогнато. Тој беше изнесен од салата на носилка во сериозна состојба и итно префрлен во болница.

Мекарти: „Ова е крајот на неговата кариера“

Ситуацијата ја коментираше и познатиот судија на ММА, Џон Мекарти, кој во својот подкаст „Weighing In“ го претстави својот став за причината за колапсот, истакнувајќи дека неговата теорија не е потврдена. „Мислам дека имал аневризма. Рацете му омалаксаа додека паѓаше. Само се затвораше. Сето тоа се должи на разликата во притисокот што е предизвикана од аневризмата“, рече Мекарти.

„Луѓето ќе кажат секакви неверојатни работи, но повторувам - фала му на Бога. Но, да се каже дека нема за што да се грижите затоа што сега сè е во ред? Не, сè не е во ред. Ова може да има многу сериозни последици. Затоа е под посебен надзор и се надевам дека ќе го преброди ова. Бог да го благослови. Ќе преживее. Треба да се молите за него, но штотуку ја гледавте последната борба на Барселос. Тоа е крајот.“

Барселос беше отпуштен од болница по три дена. Сепак, Мекарти верува дека UFC повеќе нема да му понуди борба за да ја заштити организацијата од најлошиот можен исход. Според него, ако Бразилецот се обиде да ја продолжи кариерата, тој ќе може да го стори тоа само надвор од УФЦ и Соединетите Американски Држави, каде што никој повеќе нема да му даде дозвола да се бори. „Неговата кариера беше завршена“, рече Мекарти, заклучувајќи: „Беше премногу сериозно. Тој беше помеѓу животот и смртта.“

Тагови: борач УФЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Невреме направи пустош на Крит- се урна мост, има повредени (ВИДЕО)

Силно невреме што ја погоди јужна Грција предизвика широко распространети поплави на Крит, при што две лица беа повредени кога се урна мост додека го преминувале во регионот Ретимно, соопштија локалните власти.

Невреме направи пустош на Крит- се урна мост, има повредени (ВИДЕО)

Повредениот пар патувал со автомобил преку мост во Ливадија, планинско село околу 40 километри југозападно од Ираклион, кога ненадејните поплави оштетија дел од структурата, објави Екатимерини.

Двајцата се однесени во болница на лекување, но нивната состојба сè уште не е позната. Бурата предизвика и прекин на електричната енергија, оставајќи ги Зонија, Ливадија и Аноигеја без струја.

Обилните дождови во планинскиот регион Милопотамос ги принудија властите да ги затворат сите училишта и градинки. Училиштата се затворени и во Ханија и Ретимно.

Градоначалникот Јоргос Кладос побара од министерот за климатски кризи и цивилна заштита, Евангелос Турнас, да прогласи вонредна состојба во општина Милопотамос поради обилните дождови што го погодија регионот, предизвикувајќи сериозни проблеми, главно во планинските села.

Во Зонијана, автомобили беа однесени од поројните дождови, според извештаите. Слична ситуација беше пријавена и во Ливадија, а патиштата низ Крит претрпеа големи штети.

Рано наутро беше упатен итен апел до граѓаните да ги ограничат своите движења и да ги избегнуваат областите околу Зониана, Ливадија и Милопотамос.

Фериботските услуги од атинските пристаништа Рафина и Лаврио се прекинати, а се очекува пристанишните власти подоцна во текот на денот да издадат ажурирање дали заминувањата можат да продолжат од пладне па натаму.

Националната метеоролошка служба (EMY) прогнозира нестабилно време во јужна Грција, особено на Крит, до недела, со силни ветрови во Егејското Море.

Тагови: Крит мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер