Живот

„Пет работи што најмногу ги фрустрираат воспитувачките, а не се добри ни за децата“! (видео)

Воспитувачка ги предупреди родителите, носењето играчки од дома не е добра идеја, бидејќи редовно предизвикува кавга помеѓу децата.

Според многумина, работата на воспитувачките во градинка е една од најубавите во светот. Секојдневната работа со деца може да биде многу инспиративна, но истовремено и напорна. Воспитувачката Кет, како што раскажала на Тикток, секојдневно наидува на бројни проблеми во работата со деца. Но, открива дека многу повеќе неприлики има со родителите отколку со децата. Таа навела пет работи кои особено ѝ пречат во секојдневната работа со децата, а за тоа пишуваше британски Сан.

1. Ориз

Според Кет, многу родители за ручек на нивните деца им пакуваат ориз. Иако е хранлива и здрава намирница, нејзе не ѝ се допаѓа кога на малечките ненамерно ќе им се оттури ориз на подот бидејќи е тежок за чистење. По нејзината констатација дека „оризот е кошмар за воспитувачките“, се огласија дел од нејзините придружници на социјалната мрежа и понудија решение за овој проблем. Според нив, доволно е да посипете малку песок или брашно врз оризот на подот и тој полесно ќе се исчисти.

2. Обувки

Во последно време, популарни се силиконските влечки и сандали. Како што објаснува Кет, ваквите обувки се многу непрактични за децата; тешко се облекуваат и им прават плускавци на децата, па Кет апелираше до родителите да не се купуваат вакви обувки за најмалите.

3. Гардероба

Според оваа воспитувачка, од некоја причина родителите на мали деца што носат пелени редовно им облекуваат панталони со трегери, што е многу непрактично, особено кога треба да му се промени пелена на детето.

4. Длабоки патики

Кет исто така не ги препорачува длабоките патики за мали деца. Според неа, тие се многу тешки за обување.

- Замислете десетина нервозни дечиња кои сакаат да излезат што побргу во дворот да си поиграат, а вие 10 минути се мачите да му ги облечете патиките на детето - изјавила таа.

5. Капи, шалови, ракавици и играчки

Во текот на зимата секое дете носи капа, шал и ракавици. Проблемот настанува кога тие не се правилно обележани, па таа не знае кому му припаѓаат. Според неа, не е добра идеја ниту да се носат играчки од дома, бидејќи тоа речиси редовно предизвикува кавги меѓу најмалите.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.