,,Отпишаните” од Твитер и Фејсбук одат на новата социјална мрежа Габ - Канал 5

Технологија

,,Отпишаните” од Твитер и Фејсбук одат на новата социјална мрежа Габ

Почетокот на 2021 година донесе големи превирања кога станува збор за социјалните мрежи. Се виде колку се моќни овие платформи, но и колку е кревка довербата на корисниците.

,,Отпишаните” од Твитер и Фејсбук одат на новата социјална мрежа Габ

Алтернативите на традиционалните социјални мрежи стануваат рај за „протераните“, односно на оние на кои им е забрането пристапување до Фејсбук, Твитер и други мрежи од една или друга причина. Една од најпопуларните алтернативни платформи е Gab.

Социјалната мрежа Габ е лансирана во 2016 година. Таа е основана од Ендру Торба како алтернатива на традиционалните платформи, како што се Фејсбук или Твитер. Оваа платформа доживеа огромно зголемување на бројот на корисници, кога, пред неколку дена, Амазон ги откажа услугите за одржување на серверот на Парлер, и со тоа практично го „затвори“.

"Веруваме дека ни треба децентрализирана и отворена социјална мрежа. Корисниците треба да го контролираат сопственото искуство, наместо да играат според правилата поставени од големите компании", се вели на веб-страницата на Габ.

Иако Торба рече дека Габ никогаш не бил замислен како десничарска и екстремистичка платформа, факт е дека со текот на времето станува сè повеќе место за собирање на оние чии сметки на другите социјални мрежи се забранети токму заради ваквите ставови.

Причините за суспендирање на овие сметки на Твитер или Фејсбук најчесто се говор на омраза, поттикнување на насилство или ширење непроверени информации. Оние кои се свртеле кон Габ го сториле тоа главно затоа што веруваат дека „Биг Тех“ го цензурира слободното мислење.

На ова веројатно влијаела одлуката на големите платформи да ги забранат или суспендираат сметките на Доналд Трамп, кој има многу поддржувачи меѓу корисниците на „алтернативни“ социјални мрежи.

Сепак, отвореноста на Габ го направи идеално место за ширење на разни теории на заговор (особено за време на пандемијата на коронавирус).

Габ се појави во центарот на вниманието на јавноста во 2018 година, кога се откри дека Роберт Бауерс, човекот кој упаднал во синагогата во Питсбург и убил 11 лица, го објавил чинот токму на таа платформа.

"Не можам повеќе да седам мирен и да чекам да бидат убиени моите луѓе. Морам да направам нешто", напишал тогаш Бауерс откривајќи ги своите планови. Кога оваа објава била откриена, Габ реагира брзо, осудувајќи ја постапката на Бауерс и бришејќи ја неговата сметка.

По овој инцидент, Габ накратко бил затворен, бидејќи нивната услуга за одржување на серверот била откажана (како што се случи сега со Парлер). Сепак, тие брзо пронашле нов провајдер.

"Повторно сме на Интернет. Посилни сме од час во час", соопштиле тие во тоа време.

Поради целата гласина за забраната и исклучувањето на Parler, Габ остварил прилично профит. Како што велат тие, минатата недела имале 40 милиони посети, а за само два дена примиле повеќе корисници отколку во претходните две години.

И покрај фактот дека може да се каже дека распадот на Парлер им донел популарност, Габ сепак стоел покрај оваа социјална мрежа кога Гугл и Епл ги тргнале од своите продавници.

"Ние самите го поминавме ова пред три години. Не е многу забавно. Се надеваме дека ќе смисли нешто. Нема да биде лесно, но можно е - ние сме доказ за тоа", соопштија од Габ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк на говорот на Руте по повод 25- годишнината од нападите на 11 септември

Премиерот Христијан Мицкоски денеска во Њујорк присуствуваше на говорот на генералниот секретар на НАТО Марк Руте по повод 11 септември.

Мицкоски во Њујорк на говорот на Руте по повод 25- годишнината од нападите на 11 септември

Говор на генералниот секретар на НАТО, Марк Руте, по повод одбележувањето на 25 години од нападите на 11 септември 2001 година врз Соединетите Американски Држави и првата и единствена примена на членот 5 од Северноатлантскиот договор (НАТО), објави на ФБ премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хаос во Боливија: Голман не сака да брани пенал (ВИДЕО)

Неверојатни сцени се видени на натпреварот од Купот на Боливија помеѓу Атлетико Индепендиенте Кочабама и Вилстерман Кооператива.

Хаос во Боливија: Голман не сака да брани пенал (ВИДЕО)

При нерешен резултат 2-2 во судиското продолжение, домашниот тим притискаше силно, но аргентинскиот голман на гостинскиот тим успеа да го спаси својот гол со три спектакуларни одбрани.

Сепак, и покрај ова, главниот судија Карлос Артеага досуди пенал за Индепендиенте, по што на теренот избувна општа врева. Следеше пауза од речиси дваесет минути, за време на која револтираните гости протестираа и го убедија судијата да ја промени својата одлука, но тој остана непомирлив.

Потоа во центарот на вниманието се најде голманот на Вилстерман, Густаво Тесоноте, кој одлучи да го бојкотира изведувањето на најстрогиот пенал во знак на протест. Неговиот револт се манифестираше со прво свртување на грбот кон теренот, а потоа ноншалантно потпирање на стативата, мирно гледајќи го Ернест Адири како постигнува гол и му носи триумф на домашниот тим.

Овој необичен инцидент брзо стана вирален на интернет, алармирајќи ја Боливиската фудбалска федерација и локалната судиска организација да преземат итни мерки. Подоцнежната анализа потврди дека нема прекршок што заслужува највисока казна, што резултираше со суспензија на судијата на неодредено време.

Тагови: Боливија голман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре врнежливо и постудено време со температури од 4 до 23 степени

Утре времето ќе биде облачно и постудено со повремени врнежи од дожд кои ќе продолжат и во текот на ноќта, информираат од УХМР.

Утре врнежливо и постудено време со температури од 4 до 23 степени

МАКСИМАЛНА ТЕМПЕРАТУРА (во оС)

11 Попова Шапка, 14 Крушево, 18 Берово, 19 Претор, Маврови Анови, 20 Крива Паланка, Прилеп, 21 Охрид, Битола, Виница, 22 Тетово, Штип, 23 Кавадарци, 24 Скопје-Петровец, Скопје-Зајчев Рид, Велес, Демир Капија, Струмица, 25 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Утрото беше ведро и студено, а во текот на денот сончево со мала до умерена локална облачност. Дуваше слаб до умерен ветер претежно од западен и северозападен правец.

Во вечерните часови облачноста постепено ќе се зголемува и во текот на ноќта ќе преовладува облачно време. Ќе дува слаб ветер од променлив правец.

ВРЕМЕТО УТРЕ

Облачно и постудено со повремени врнежи од дожд кои ќе продолжат и во текот на ноќта. Врнежите наместа ќе бидат пообилни (над 30 l/m²). Ќе дува слаб до умерен ветер од југоисточен правец.

Минималната температура ќе биде во интервал од 4 до 13, а максималната ќе достигне од 15 до 23 степени.

Во Скопје, облачно и постудено. Попладне и во текот на ноќта ќе има повремени врнежи од дожд. Во делови од котлината врнежите ќе бидат со умерен до повремено засилен интензитет. Ќе дува слаб до умерен ветер од променлив правец. Минималната температура ќе се спушти до 9, а максималната ќе достигне до 18 степени.

ВРЕМЕТО ВО НАРЕДНИТЕ ДЕНОВИ

Во сабота ќе се задржи постудено време, а претпладне ќе има повремени локални врнежи од дожд. Потоа следува период на променливо облачно и потопло време со сончеви периоди. Наместа ќе има зголемена облачност и услови за повремен дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер