„Оскари“ 2026: Фаворити за најпрестижните филмски награди - Канал 5

Шоу биз

„Оскари“ 2026: Фаворити за најпрестижните филмски награди

„Оскарите“ се ближат, а дури и последниве денови пред свеченото доделување, е прилично неизвесно кој ќе освои награда... Покрај мртвата трка за најдобри глумци, и во другите категории, сè може да се промени во последен миг.

„Оскари“ 2026: Фаворити за најпрестижните филмски награди

Меѓу фаворитите за најдобар филм се „Грешници“ на Рајан Куглер со рекордни 16 номинации, и „Една битка по друга“ на Пол Томас Андерсон - со 13 можности за најпрестижната златна статуетка. И двата наслови комбинираат силна критика за социјалните прашања и содржат извонредна глума. Иако „Една битка по друга“ изгледаше како фаворит на почетокот на сезоната на наградите, особено по „Златниот глобус“, одличјата на „Изборот на критичарите“ и „БАФТА“ наградите, „Грешници“ неодамна доби дополнителен импулс благодарение на наградата за најдобра екипа на доделувањето на „Наградите на актери“.

Американата Академија за филмска наука и уметност, меѓу другите 10 номинирани за најдобар филм ги смести и „Сентиментална вредност“, „Врвниот Марти“, „Хамнет“ и „Бугонија“. Скоро сите тие се среќаваат и во категориите за режија, како и оригинално и адаптирано сценарио.

Во категоријата најдобра женска улога, Џеси Бакли е фаворит за освојување на Оскар за нејзината улога како мајката и сопругата на Вилијам Шекспир во „Хамнет“. Меѓу другите номинирани се ветеранки кои веќе барем еднаш се номинирани за други одличја. Роуз Бирн, на пр., освои „Златен глобус“ за нејзината улога како преоптоварена мајка во „Ако имав нозе, ќе те шутнев“, и Норвежанката Рената Рејнсве за „Сентиментална вредност“.

Категоријата за најдобра машка главна улога останува најнепредвидлива. Пред сѐ, прв фаворит беше Тимоти Шаламет, кој освои „Златен глобус“ и награда „Избор на критичарите“, но „БАФТА“ и „Наградите на актери“ внесоа неизвесност - и Роберт Арамајо и Мајкл Б. Џордан освоија признанија. Во таа смисла, и Вагнер Моура за „Тајниот агент“ освои награди во Кан и „Златен глобус“, па ни тој не треба да се заборави.

Иако се сметаше за фаворит за „Оскар“, Тимоти Шаламе се најде во своевиден скандал по неговата изјава дека операта и балетот се застарени и непривлечни, коешто привлече бројни негативни критики, па според многумина, поради ова би можел да остане без наградата.

Трката за најдобра споредна женска улога е традиционално непредвидлива. Тејана Тејлор беше раниот фаворит за улогата во „Една битка по друга“, но Ејми Мадиган („Момент на исчезнување“) и Вунми Мосаку („Грешници“) не заостануваат.

Номинирани за најдобра споредна машка улога се Џејкоб Елорди за „Франкенштајн“, ветераните Стелан Скарсгард („Сентиментална вредност“) и Делрој Линд („Грешници“), како и претходните добитници на „Оскар“ - Шон Пен и Бенисио дел Торо за „Една битка по друга“.

Номинирани за најдобра режија се Клое Жао („Хамнет“), Џош Сафди („Врвниот Марти“), Пол Томас Андерсон („Една битка по друга“), Јоаким Триер („Сентиментална вредност“) и Рајан Куглер („Грешници“). Инаку, годинашното 98. доделување на „Оскарите“ ќе се одржи на 15 март, т.е. недела спроти понеделник, рано наутро.

Тагови: оскари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

13 возачи лишени од слобода за „безобѕирно управување со возило“ во изминатото деноноќие

Во текот на изминатото деноноќие, на територијата на целата држава, полициски службеници лишија од слобода 13 лица поради „безобѕирно управување со возило“.

13 возачи лишени од слобода за „безобѕирно управување со возило“ во изминатото деноноќие

Од нив, 11 возачи управувале возило без возачка дозвола, и тоа од Велес, Скопје и Прилеп.

Двајца возачи, од Куманово и Скопје, управувале возило под дејство на алкохол.

При преземање на мерки и активности, кај возач од Скопје кој управувал возило без возачка дозвола, било констатирано дека на патничкото моторно возило предната регистарска таблица не припаѓала на возилото.

По целосно документирање на случаите, ќе бидат поднесени соодветни кривични пријави.

Министерството за внатрешни работи продолжува со засилените контроли во сообраќајот, со цел санкционирање на несовесните возачи и спречување на однесувања со кои се загрозува безбедноста на сите учесници во сообраќајот. Почитувањето на сообраќајните правила и прописи, поседувањето важечка возачка дозвола и управувањето со возило во трезна состојба се основа за безбеден сообраќај.

Тагови: безобѕирно возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони повлекува црвена линија: „Не сум добрa за сите годишни времиња“

Италијанската премиерка Џорџија Мелони ги отфрли шпекулациите дека би можела да формира сојузи со политички сили кои се противат на воената помош за Украина.

Мелони повлекува црвена линија: „Не сум добрa за сите годишни времиња“

Во интервју за италијанскиот весник „Ил Фодлио“, Мелони рече дека не е подготвена да се откаже од своите верувања за политичка или изборна корист.

„Џорџија Мелони сигурно не е подготвена да го стори спротивното од она што го направила или во што верува, заради политичка или изборна пресметка“, рече таа, одговарајќи на прашањето дали поставила јасни црвени линии за приклучување кон коалиција.

Нејзините зборови се предупредување до Роберто Ваначи, поранешен генерал кој стана екстремно десничарски политичар и отворен критичар на Европската Унија и воената помош за Украина.

„Кој бара премиер кој се предомислува во зависност од тоа која партија го поддржува, секогаш и исклучиво за лична корист, треба да бара некој друг. Јас сум сериозна личност и не сум добра за сите годишни времиња“, рече Мелони.

Мелони ќе се соочи со гласачите на изборите следната година, откако штотуку стана премиер со најдолг мандат во италијанската историја. „За мене, во текот на овие години, од изборна гледна точка, ќе беше покорисно да не ја поддржувам Украина отколку да ја поддржувам неа. Не ја поддржував Украина за Киев, туку за Рим“, нагласи италијанската премиерка.

Тагови: Џорџија Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП анализа: Спротивно од премиерот, иселувањето ќе се интензивира во наредните години!

Македонија денес не се соочува со изолирани грешки, туку со невидена серија на скандали што го уништуваат секојдневието на граѓаните.

ЛДП анализа: Спротивно од премиерот, иселувањето ќе се интензивира во наредните години!

Додека премиерот шири розева пропаганда за наводен просперитет, суровата реалност и најновите PISA резултати покажуваат поразителна слика за Македонија: загрижувачка елементарна и функционална неписменост кај младите и целосен слом на образовниот систем. Оваа општествена хаварија директно се пресликува и во судството, каде што одлуките станаа целосно неразбирливи за обичниот човек. Во оваа држава, за ситен криминал се одговара експресно, додека за најголемите коруптивни процеси постапките немаат завршница или завршуваат со ослободителни пресуди за кои дури и не се објавуваат пишани образложенија, како што е случајот со „Талир 2“ и седиштето на ВМРО-ДПМНЕ. За да се види каде завршиле искрадените пари од џебот на граѓаните, не треба замислување или правни филозофии — доволно е само да се отворат очите во центарот на Скопје и да се погледнат онаа огромна камена палата со толку спратови и целиот плоштад пред неа.

Македонија денес не се соочува со изолирани грешки, туку со невидена серија на скандали што го уништуваат секојдневието на граѓаните. Власта новата учебна година ја започна со скандалозно преображение на наставните програми и слушање црковни писма наместо наука, додека прославата на независноста ја претвори во коруптивен спектакл со приватизација на државни функции. Генералната неказнивост гарантирана преку Кривичниот законик, законите заглавени со месеци, и трагичниот, животозагрозувачки недостиг на лекови на Онкологија се само потврда дека системот е целосно заглавен. По истиот овој коруптивен модел денес на сите им е јасно зошто бегаме од европските правила и зошто по истиот принцип паѓаат економијата, здравството и образованието.

Во вакви катастрофални околности, Либерално-демократската партија (ЛДП) констатира дека, спротивно од празниот оптимизам на премиерот, иселувањето од Македонија не само што нема да запре, туку драматично ќе се интензивира во наредните години како директна последица на ова лошо владеење. Кој нормален човек, млад професионалец или родител би останал да живее во земја каде што ги нема основните услови за здравје, правда и заштита на сопствените деца? Единствените кои со задоволство ќе останат во ваква заглавена држава се луѓето од партиската елита на ВМРО-ДПМНЕ, кои се и единствените кои ја градат сопствената иднина врз грбот на оние кои си заминуваат.

Со почит,

Либерално-демократска партија

Тагови: ЛДП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер