Технологија

„Опен-АИ“ ќе нуди опционална содржина за возрасни во „Чет-ГПТ“, покрај ограничувањата околу возраста

Лансиран пред неколку години, „Чет-ГПТ“ го предизвика „бумот“ на вештачката интелигенција и сега има околу 800 милиони корисници неделно.

Американската компанија „Опен-АИ“ сега најави понуда на својот четбот, со содржина ориентирана кон возрасни, според изјавата на извршниот директор Сем Алтман. Новитетот може да пристигне веќе во декември.

„Во декември, додека поцелосно го воведуваме ограничувањето на возраста и како дел од нашиот принцип 'третирај ги возрасните корисници како возрасни', ќе дозволиме уште повеќе, на пр. еротика за верификувани возрасни“, напиша Алтман на „Икс“.

Овој потег би го сместил „Чет-ГПТ“ покрај конкурентите, вклучувајќи го и четботот „Грок“ на Илон Маск, којшто веќе дозволува сексуализирана содржина и „оскудно облечени“ анимирани аватари. Но, и покрај популарноста, остануваат прашањата за профитабилноста на ВИ.

„Опен-АИ“ и други технолошки гиганти, вклучувајќи ја и матичната компанија на Фејсбук - „Мета“, вложуваат стотици милијарди долари во центри за податоци, но не е јасно дали овие вложувања ќе се исплатат. Компаниите бараат начини за монетизација на можностите на ВИ.

Алтман, исто така, рече дека корисниците ќе можат појасно да ја обликуваат личноста на „Чет-ГПТ“, дозволувајќи му, на пр., да се однесува „како пријател“. Ова доаѓа како одговор на барањето од корисниците на кои им недостигаат претходните верзии на ботот коишто обезбедуваат поголема афирмација. Се наведува и дека „Опен-АИ“ ќе воспостави безбедносни мерки за да се спречи софтверот да промовира потенцијално штетно или опасно однесување.

Тагови: вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Син со нож го убил татко си, кој претходно ја нападнал мајка му

Запечатена капија, непријатна тишина и љубопитни погледи – нова семејна трагедија ја потресе јавноста, син синоќа си го уби татка си во скопски Чаир, откако убиениот во алкохолизирана состојба физички ја нападнал својата сопруга и мајка на уби

За семејната драма со смртни последици, остана да сведочи крвта која се уште е свежа на плочникот во тесниот двор.

Членовите на семејството што ги затекнавме на местото, не сакаа да говорат пред камера за семејната драма со смртни последици се случила околу 23 часот, но во разговор ни посочија дека 31 годишниот Бесар, прво му задал еден удар со нож на 52 годишниот татко Авни, кој успеал да стане за да побара помош, по што неговиот син се вратил и му нанел уште неколку смртоносни убоди.

Ножот, со кој го извршил убиството во обид да го прикрие го фрлил во оваа шахта тука, излегол на одредено време, а кога се вратил дома, полицијата набргу го пронашла, а по кратко време било пронајдено и оружјето.

Според нашите инфомрации, настанот во МВР го пријавил таткото на убиениот и дедо на убиецот околу полноќ, повикал и итна медицинска помош, но веќе било предоцна.

-Полициски службеници од секторот за внатрешни работи Скопје, го лишија од слобода 31 годишниот Б.Џ од Скопје, затоа што според пријавеното со нож му нанел убодни рани на својот татко. Таа по настанот била пренесена во Градската болница, Св. Наум Охридски во Скопје каде и била укажана помош,- -Гоце Андреевски – Портпарол на МВР.

Дел од соседите велат дека во овој дом имало историја на насилство и викотници, на што се жалела 54 годишната сопруга на убиениот, за кој велела дека често бил во под дејство на алкохол..

Дали досега имало официјални пријави за семејно насилство до МВР се уште одговор нема, а од ОЈО Скопје велат дека издадени се насоки за случајот и дека постапката е во тек, а телото на 52 годишникот, по нивна наредба, е дадено на обдукција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Петер Маѓар вози скутер во турските води, се пофали дека одморот си го платил сам

Унгарскиот премиер Петер Маѓар кој по самитот на НАТО во Турција останал на краток одмор во Анталија со своите синови, објави видео на социјалните мрежи на кое вози скутер на вода, се спушта по воден тобоган и шета по плажа.

Откако снимката предизвика критики во Унгарија, премиерот нагласи дека станува збор за приватно патување.

„Мало посебно издание за пропагандистите. Продолжениот викенд го поминав во турција со моите деца, а сите трошоци ги платив од свој џеб“, напиша Маѓар.

Тој претходно најавил дека по самитот ќе помине четири дена на турскиот брег со своите деца и дека сите трошоци ќе ги покрие приватно.

Маѓар додаде дека не користел буџетски средства ниту воен авион, туку патувал со редовна комерцијална авионска линија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструиран главниот цевковод за вода за пиење на потегот Страгово – Крњево

Градоначалникот на Кавадарци, Митко јанчев преку социјалните мрежи информира дека завршила реконструкцијата на главниот цевковод за вода за пиење на потегот Страгово – Крњево во должина од 6,5 км

[📌] Заврши реконструкцијата на главниот цевковод за вода за пиење на потегот Страгово – Крњево во должина од 6,5 км, со дуктилни цевки, а во рамки на истиот се изгради и нова хлорна станица. Ова е прва реконструкција на овој дел од системот.

[✔️] Проектот е финансиран од Министерството за транспорт во финансиска вредност од 20 милиони денари, стои во објавата на Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.