„Оне Македонија“доби лиценца за трет мобилен оператор, очекува сериозен удел на пазарот - Канал 5

Економија

„Оне Македонија“доби лиценца за трет мобилен оператор, очекува сериозен удел на пазарот

„Оне Македонија телекомуникации“ на унгарската „4иг“ ја доби лиценцата од АЕК за радиофреквенции со што и официлајно станува трет мобилен оператор. 

„Оне Македонија“доби лиценца за трет мобилен оператор, очекува сериозен удел на пазарот

Со јасен план и визија влегуваме на македонскиот пазар велат од групацијата. Во првите пет години од работењето очекуваат сериозен удел на пазарот и голем број клиенти. Согласно закон во рок од една година согласно закон треба да имаат изградено барем една сопствена база, а до тогаш ќе ја користат мрежата на постојните два оператори. Од групацијата велат првично ќе почнат со работа на територија на Скопје, па покриеност на поголемите граодви, автопати, за до 2032 секој граѓанин да има можност до пристпат.

„Во Европските земји имате и 3 и 4 ри. Точно е дека сите веќе имаат мобиелн телефон, но тоа што ние го нудиме ќе биде нешто ново таа интерсекција помеѓу 5 Г технологијата со останатите е нешто што сметаме дека ќе биде попривчелно за нови клиенти. Ние не сме мала комапнија која е заинтересирана за профит и ќе влезе попатно ќе остане тука 4- 5 години, ние сме тука за да останеме да направиме разлика и со тоа да го зголемиме нашето присуство и нашите клиенти. “

- Од самиот почеток ние ќе ги искористиме капацитетите на другите два оператори. Како што споменав ние нашата мрежа првично ќе ја лансираме во Скопје а потоа на цела територија на земјата....“ - Пал Заранди – Групација 4иГ .

Со влезот на трет оператор на македонскиот пазар од Агенацијата за електронски телекомуникации велат ќе се зголеми конкуренцијата, ќе се намалат цените на услугите за потрошувачите, но и ќе се тргне долгогодишната забелешка на Евроспката Унија дека во Македонија нема конкуренција на пазарот.

„Бенефит ќе имаат бизнисот и граѓаните бидејќи во најава е да се изгради 5г стедналон мрежа. Која што може да обезбеди многу поволности што досегашните нонстендалон мрежи не го поддржуваат. Ова ќе не вброи во првите 6 во земји во ЕУ со ваква мрежа....Ова е вистинска додадена вредност на економијата во Македонија. Влезот на трет оператор ќе ја избрише и забелешактата на ЕУ која се појави во 2016 година...“ - Игор Бојаџиев – АЕК.

Инаку во рамки на Самитот во Давос, премиерот Христијан Мицкоски оствари средба со сопственикот на компанијата „Фор ај Џи“. Според најавите те како компанија во земајва ќе инвестираат 100 милиони евра во развој на мобилната мрежа.

Инаку откако на 12 јануари годинава Оне Македонија беше избран како најповолен понудувач на тендерот, компанијата пред десетина дена во државниот буџет ја уплатила и едно кратната давачка од нешто над 8 милиони евра.

Првиот човек на АЕК, Јетон Акику вели иако е тешко, доколку некоја компанија сака има опција во земајва да има и 4ти оператор.

YouTube video

Тагови: мобилен оператор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се појавува нов план: Канада сака „влезница“ за ЕУ

Канадскиот премиер Марк Карни сака поблиски врски со Европската Унија и ја разгледува можноста неговата земја да стане „придружна членка“ на блокот, објави денес американскиот весник „Волстрит џурнал“.

Се појавува нов план: Канада сака „влезница“ за ЕУ

ЕУ, која во минатото не покажа флексибилност кога станува збор за правилата за членство, е отворена за идејата за доделување статус на придружна членка на Канада, кој сè уште не е дефиниран, објави весникот, повикувајќи се на неименувани претставници на ЕУ и Канада.

Канадската амбасада во Брисел и портпаролите на Европската комисија не одговорија на конкретните барања за коментар, објави „Ројтерс“.

Ескалацијата на трговската војна на Канада со САД го забрза стратешкиот пресврт на земјата кон други трговски партнери.

Односите меѓу Канада и Вашингтон нагло се влошија откако американскиот претседател Доналд Трамп се врати во Белата куќа на почетокот на 2025 година, поради несогласувања околу трговијата и други прашања, потсетува агенцијата.

Трговскиот спор доведе до воведување царини на десетици милијарди долари во прекугранична трговија.

Канада и ЕУ разгледуваат начини да овозможат слободно движење на канадски стоки, услуги и работници ангажирани во стратешки синџири на снабдување, како што се енергетиката, вештачката интелигенција, одбраната и критичните минерали, што, всушност, би ја поместило границата на ЕУ, објави „Волстрит џурнал“.

Весникот додаде дека двете страни разговараат и за поставување подводни кабли, заедничка изградба на центри за податоци, капацитет за складирање во облак, како и нови сателитски мрежи и инфраструктура за транспорт на канадски енергетски производи во ЕУ.

Карни постојано разговарал со неколку лидери на ЕУ, а особено со францускиот претседател Емануел Макрон, за можноста да им се дозволи на Канаѓаните да живеат и работат во ЕУ без визи, објави весникот, повикувајќи се на двајца неименувани функционери запознаени со ситуацијата. Двајцата лидери треба да се сретнат подоцна овој месец.

Извор: Б92

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер