Здравје

„Омикрон“ досега е регистриран во 57 земји

Сите врвови на последниот корона бран се надминати.

И оној на преносливоста на вирусот, и оние на активните случаи и позитивни тестови, ама најважно, на смртноста. Ова го говорат математичките пресметки на универзитетскиот професор Дејан Трајковски кој прави анализи низ статистики уште од почетокот на пандемијата. Формулите велат „ако не го увеземе“ омикрон, бројот на заразени ќе се преполови на средината на јануари и ќе изнесува околу 150 случаи на ден, објаснува за Канал 5 Проф. Трајковски.

-Моментално, времето на преполовување изнесува околу 45 дена, што значи дека некаде до средината на јануари од сегашните просечни 310 ново дијагностицирани случаи дневно бројот би паднал на околу 150. Меѓутоа, до тогаш најверојатно ќе пристигне омикрон сојот кој може да се очекува да предизвика пораст на случаи, но добра вест е што ново откриениот сој, според последните информации од Јужноафриканската Република има значително понизок леталитет, односно процент на починати од бројот на дијагностицирани, вели Дејан Трајковски – Универзитетски професор.

Инаку омикрон досега е регистриран во шеесетина земји низ светот, а црвениот аларм за загриженост пред десетина дена го вклучи СЗО поради бројот на пријавени реинфекции, но и сомневања оти е неколку пати е позаразен од неговите претходници. Засега лекарите смируваат дека нема простор за паника, бидејќи овој сој иако брзо се шири не предизвикува сериозна клиничка слика. Ова го тврди и Д-р Анџелик Котзи, првата што го откри омикрон, а и лекувала пациенти инфицирани со него.

-Омикрон варијантата се разликува од делта, особено во однос на губење на сетилата за мирис и вкус, а и во однос на потребата од кислородна поддршка. Симптомите всушност се лесни, некои ги објаснуваат исто како настинка или грип, па можеме и да кажеме дека се слични. Па ќе ги посочиме болката на телото, во мускулите и главоболката. Вакцинираните ќе имаат непријатна главоболка, но невакцинираните луѓе ќе имаат навистина голема болка во телото и главоболка, па има разлика во силината на симптомите, но секако не се сериозни, вели Д-р Анџелик Котзи – Претседавач на Јужноафриканската медицинска асоцијација.

Во меѓувреме, додека сè уште се прибираат релевантни информации за новиот сој од страна на надлежните светски здравствени организации, од Британија пристигнуваа тинформации од лекари дека омикрон предизвикува невообичаени осипи кај децата. Дополнително, објавена е и нова јужноафриканска студија, која сè уште не е потврдена, а според која „Фајзер“ вакцините може да бидат до 40 пати помалку ефикасни кон омикрон за разлика од оригиналниот вид на коронавирусот. Поради загриженост од намалената ефикасност во многу земји низ светот епидемиолозите и инфектолозите препорачуваат трета доза на вакцина која би ја продолжила заштитата од сите соеви на коронавирусот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Ферати и амбасадорот Сомер разговараа за инвестициите, партнерствата и развојните програми

Министерот Агон Ферати го прими на средба амбасадорот на Швајцарија во Македонија, Кристоф Сомер, со кого разговараше за активностите на министерството и проектите од заеднички интерес.

Во фокусот на средбата беа економскиот развој, како и можностите за продлабочување на соработката меѓу двете земји.

Посебно внимание беше посветено на улогата на SwissCham во поврзувањето на швајцарските компании со компаниите од Македонија, создавањето партнерства и можностите за нови инвестиции, како и организирањето B2B контакти и вмрежувањето на бизнисите. Беше истакнато дека овие иницијативи, заедно со потенцијалот на дијаспората, можат да придонесат за зајакнување на економската соработка и создавање нови можности за двете земји. Се разговараше и за швајцарските развојни програми, поддршката за стартап-компаниите и можностите за обука на студентите.

Министерот Ферати му се заблагодари на амбасадорот за континуираната поддршка од страна на Швајцарија во различни области, вклучително и економијата, земјоделството, невладините организации и обуките.

Тагови: Агон Ферати

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Цените на дизелот пораснаа на 104,5 денари, Мицкоски не ги прифати мерките - народот плаќа

Дизелот поскапе на 104,5 денари за литар. Нов удар врз семејните буџети, земјоделците, превозниците и целата економија.

СДСМ навреме предложи конкретни мерки за намалување на цените на горивата и заштита на граѓаните. Укинување на акцизата, ДДВ намалѕвање на 5%, минимална плата од 600 евра.

Арамијата Мицкоски ги одби.

Последиците од неговите арамиски политики ги плаќаат граѓаните.

Секое полнење резервоар е нов трошок за граѓаните.

Поскапиот дизел значи поскап транспорт, поскапо земјоделско производство и нов бран поскапувања на храната и на сите основни производи.

Има 5,5 милиони евра за DJ за една вечер, а нема пари за мерки за заштита на граѓаните.

Има 200 милиони евра за криминални тендери а нема пари за земјоделците.

Има пари за 50 члена делгација на Мицкоски и авион, нема за миниамална плата.

Тоа е арамиска власт.

Додека граѓаните преживуваат со плати што не стигнуваат ни за основните потреби, а потрошувачката кошничка достигна 90.000 денари, Владата профитира од секое ново поскапување.

Ова е свесна одлука на организираната криминална група, да се богати а товарот од кризата да им го префрли на граѓаните.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

РКЕ: Цената на дизелот се зголемува за 5,50 денари по литар, бензините поевтинуваат

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,19% во однос на одлуката од 14.9.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 0,960%, кај дизелот за 6,772%, кај екстра лесното масло зголемувањето е за 5,960% и кај мазутот исто така има зголемување за 4,084%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,753%.

Во Одлуката на РКЕ е применет намален износ на акцизата од 4,00 ден/лит кај бензините ЕУРОСУПЕР БС-95 и ЕУРОСУПЕР БС-98 и е продолжен намалениот износ на акцизата од 4,00 ден/лит кај ЕУРОДИЗЕЛ (Д-Е V).

Во исто време е применет и намалениот износ на ДДВ за нафтениот дериват ЕУРОДИЗЕЛ (Д-Е V) во износ од 10% Од 22.9.2026 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС - 95 99,00 (денари/литар) Моторен бензин ЕУРОСУПЕР БС - 98 101,00 (денари/литар)

Дизел гориво ЕУРОДИЗЕЛ БС (Д-Е V) 104,50 (денари/литар)

Масло за горење Екстра лесно 1 (ЕЛ-1) 114,50 (денари/литар)

Мазут М-1 НС 50,078 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 5,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 5,00 ден/лит.

Малопродажната цена на Мазутот М-1 НС се зголемува за 1,835 ден/кг и сега ќе изнесува 50,078 ден/кг.

Напоменуваме дека ова се максималните цени на нафтените деривати од 00:01 часот на 22.9.2026 година.

Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.