Македонија

„Охрид SOS“: Зграда ќе се гради на местото на сегашниот Здравствен дом „Маларична“ во Охрид

Активистите на Граѓанската иницијатива „Охрид SOS“ укажуваат на намера на местото на Здравствениот дом „Маларична“ во Охрид да се гради станбена зграда на пет ката.

Во писмото лиферувано до медиумите, од Иницијативата посочуваат дека во Планската програма за изработка на Детален урбанистички план за УЗ 2, УБ 2.3 - опфат 7 во Охрид, е поместена копија од Синтезен план – намена на земјиштето со граница на плански опфат, во која може да се види „што некој испланирал за оваа локација“.

„Со новиот ДУП, наспроти Гимназијата ќе се надвисне станбена зграда со висина П+4 на целиот простор на сегашната Маларична, заземајќи и половина од сегашниот паркинг сè до оградата на основното училиште. Со оваа зграда, Охрид ќе добие уште 10.501 м2 станбена површина или половина од она што се гради годишно. Добро знаеме дека досегашната урбанизација резултира во половина од становите да зјаат празни на сметка на хуманото живеење. Но, затоа изведувачот ќе биде побогат“, се посочува во реакцијата.

Од „Охрид SOS“ уште го посочуваат како интересен моментот дека како нарачател на односниот план е OОУ „Григор Прличев", со нелогичност училиштето да иницира таква планска програма со која му се одзема огромен дел од катастарската парцела за во новиот проект целото зеленило да се претвори во паркинг за новиот станбен објект.

Според активистите на Граѓанската иницијатива, урбанизацијата со овој ДУП е директно на штета на автентичноста и интегритетот на културното наследство. Тие потсетуваат дека согласно Планот за управување со Светското природно и културно наследство на Охридскиот Регион (2020 – 2029), за зоната каде припаѓа односниот ДУП важи дека при уредување на просторот прифатливи методи се обнова на постојните и изградба на нови градби со почитување на амбиенталните карактеристики на целината, традиционалните форми, карактеристиките на пејзажот и хармонијата на целината.

Притоа се нагласува дека „Планот забранува окрупнување на градежни парцели“, токму за да се превенира изградба на габаритни објекти. Исто така, новите градби треба да имаат „габарит кој е усогласен со контекстот и не ја нарушува визуелната перцепција кон целината Старо градско јадро“ и „силуета која го почитува традиционалниот локален карактер и силуетата на просторот каде се градат.“

Од „Охрид SOS“ нагласуваат дека Планот е за на хартија, дека како и во други случаи, Општина Охрид турка ДУП кој не добил позитивно мислење од Комисијата за управување со природното и културното наследство во Охридскиот регион, дека го нема во СОЖС која е на јавна расправа.

„Со тоа, по кој знае кој пат, Општина Охрид го прекршува Законот за управување со светското светското природно и културно наследство на Охридскиот Регион – оној кој токму таа треба бескомпромисно да го почитува“, посочуваат од „Охрид SOS“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Младеновска: 2 години Влада на Мицкоски: Здравството е во тотален распад, ништо од ветеното не е исполнето

По две години од мандатот на Мицкоски, здравството е во тотален распад.

Ништо од ветеното не е исполнето.

Наместо функционален и ефикасен здравствен систем, граѓаните добија хаос, неодговорност и целосно запоставување на јавното здравство.

Што ветуваше, а не исполни ВМРО?

Ветуваше спојување на клиниките во Скопје во еден интегриран Универзитетски клинички центар „Мајка Тереза“ - нема ништо.

500 нови ургентни вработувања дури во првите 100 дена. 730 дена се поминати, нема ништо од тоа.

ВМРО ветуваше вработување на 500 здравствени работници од дефицитарните кадри. Нула исполнето.

Ветуваше најмалку 100 нови возила за Итната медицинска помош. После 2 години, сеуште ги чекаме заглавени во тендерската бирократија.

Не се воведени дневни болници за да се намалат трошоците и да се сведе на минимум движењето на пациентите.

Ветуваше дигитализација на здравството, дневни болници, интегриран клинички центар, транспарентни јавни набавки и системски реформи. Нула реализација.

Нема воведена можност медицинскиот кадар да работи во различни здравствени установи.

Долга е листата на ветено и несиполнето од ВМРО овие две години.

Нула исполнети ветувања. Нула реформи, нула грижа за здравјето на граѓаните!

На секој чекор има застој, недостиг на медицински кадар, несоодветни услови во клиниките, револтирани пациенти и здравствени работници оставени сами на себе.

Најстрашно е што поради оваа неспособност на власта се доведува во ризик здравјето на граѓаните, па дури и на најмладите.

Сведоци сме што се случува деновиве на Детската клиника - животот на децата со имунилошки болести е загрозен.

И тоа замислете зошто, затоа што оваа влада до толку го истроши буџетот што нема пари за она што е најважно - заштитата на здравјето на децата.

Кога здравјето на децата станува жртва на административен и институционален хаос, тоа е доказ дека системот е во длабока криза.

Нема доволно лекови, не се прават операции, тотален распад.

ВМРО го запре и растот на платите на здравствените работници.

СДСМ во изминатите години системски инвестираше во здравството, ги зголемуваше платите на лекарите и медицинските сестри и успеа нивните примања значително да пораснат.

По две години мандат, ВМРО-ДПМНЕ покажа дека нема план, нема капацитет и нема вистинска грижа за јавното здравство.

Цената за нивната неспособност денес ја плаќаат граѓаните - со своето здравје, со неизвесност и со изгубена доверба во институциите.

Прес конференција на СДСМ, Рената Младеновска – членка на Извршниот обор

Тагови: Рената Младеновска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ристовска Додевски: Герасимовски и СДС ако треба Центар ќе го направат Бангладеш, само за да делат тендери и градежни дозволи на фирми блиски до Филипче и Заев

Улица „Охридска“ во Маџир маало, е само еден пример за тоа, како се работи во Општина Центар и во какви услови живеат Центарци.

Герасимовски и СДС ако треба Центар ќе го направат и Бангладеш, само за да делат тендери и градежни дозволи на фирми блиски до Венко и Заев, за спас на партијата која оди кон сигурна пропаст.

Како и сите други проблеми, каде што општинските инспектори или се на боледување, или се на одмор или едноставно си земаат плата, а не работат, така и тука, две години никој од службите под контрола на СДС и Герасимовски, не видел дека на улица „Охридска“ во Маџир маало граѓаните постојано се дават во прашина, а за да стигнат до своите домови, мора да газат преку градежен шут.

Тука не може ниту мајка со дете да помине со количка, ниту пак лице со инвалидска количка по тротоарот, па тие мораат да се движат по улица, заедно со возилата, камионите и градежните возила.

А кога сме кај улицата, како и тротоарот, така и таа полека ја снемува, за да може да се направт нови згради, а комшиите да си гледаат во прозорец.

Почитувани, го повикуваме кадарот на Зоран Заев, Горан Герасимовски, итно да дојде во Маџир маало и да објасни според кои прописи се работи тука!? Дали очекува против-пожарната единица и итната медицинска помош да интервенираат со велосипеди, бидејќи со комбе и камион тоа не е возможно!

Да дојде Герасимовски во Маџир Маало и да одговори зошто не беа доволно поплаките на Центарци, па се чекаше медиумите да објават, за тој да мора да испрати едно штуро соопштение дека било потребно геодетско мерење. Дојди Герасимовски, да ни објасниш дали треба и тука да пропадне тротоар и соседните објекти, за да преземеш нешто!

Дојди Герасимовски, да им објасниш на Маџир маалци каде се криеше две години!

А на одење, заедно со твоите другари Заев и Венко, да си дадеш оставка, а не да ја влечеш Центар заедно со СДС во неизбежна пропаст.

Диана Ристовска Додевски, советник во Општина Центар

Тагови: Ристовска Додевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава против поранешен градоначалник на Дебрца за „несовесно работење во службата“

СВР Охрид поднесе кривична пријава против З.Н.(60) од село Волино, општина Дебрца, поради постоење основи на сомнение за сторено кривично дело „несовесно работење во службата“.

Тој, во својство на градоначалник на општина Дебрца, свесно, со пропуштање на должен надзор и со несовесно постапување, односно без потпишан договор овозможил на неколку правни субјекти во деловна зграда сопственост на општината, на катастарска парцела во селото Волино, во периодот од 2017 до 2025 година, слободно да вршат трговска дејност, без обврска да плаќаат одреден паричен надомест во буџетот на општината. Пријавениот, тоа го направил иако знаел дека, според Статутот, управува со сопственоста на општината и е должен да презема мерки и да го обезбедува користењето на сопственоста во согласност со закон. На тој начин, пријавениот и предизвикал значителна материјална штета на општина Дебрца.

Тагови: кривична пријава

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

По две години од мандатот на Мицкоски, здравството е во тотален распад.

​Улица „Охридска“ во Маџир маало, е само еден пример за тоа, како се работи во Општина Центар и во какви услови живеат Центарци.

Улица „Охридска“ во Маџир маало, е само еден пример за тоа, како се работи во Општина Центар и во какви услови живеат Центарци.