Одговори на стручни лица на најчесто поставувани прашања на жените! (фото) - Канал 5

Здравје

Одговори на стручни лица на најчесто поставувани прашања на жените! (фото)

Кога се појачуваат предменструалните болки и зошто...

Одговори на стручни лица на најчесто поставувани прашања на жените! (фото)

Интензитетот на болката зависи од бројни фактори, меѓу кои стресот и пушењето.

Предменструалната болка во првите циклуси е нешто со што се соочуваат голем број жени секој месец. Понекогаш болките се толку силни што жената буквално не може да стане од кревет дури ни откако ќе се напие лекови против болки. Како што истакнуваат лекарите, предменструалните болки може да се влошат поради надворешни влијанија или одредени заболувања за кои понекогаш жените не се ни свесни, пишува Health.com.

Според лекарите, менструалните болки може да се влошат доколку сте под стрес подолг временски период, како и поради ендометриоза и миоми на матката. Од друга страна, апчиња за контрацепција, може да ги ублажат овие болки. Многу жени се соочуваат со болни менструации во раните дваесетти, дотолку што болката им оневозможува да функционираат нормално.

Интензитетот на болката

Интензитетот на болката се менува со годините. Типични менструални болки се карактеристични за адолесцентите, особено во првите циклуси, а со текот на времето, како што циклусот се стабилизира, болката полека исчезнува. Целосно исчезнува дури за време на менопаузата. Како што објаснија експертите, за време на менструалниот циклус слузницата во внатрешноста на матката се згуснува за да се подготви за бременост. Густото ткиво се ослободува и излегува од телото преку вагината доколку не забремените. Мускулите на матката се контрахираат, што доведува до блага или многу силна болка во првите два дена од циклусот. Тоа значи дека интензитетот на болката е сосема индивидуален за секоја жена.

Фактори кои влијаат на интензитетот на болката

Интензитетот на болката што се јавува за време на менструалниот циклус е под влијание на многу фактори. Најчести се следниве:

- рана менструација, односно кога првото крварење ќе се појави на 11-годишна возраст

- обилна менструација

- апчиња за контрацепција

- траење на менструалниот циклус

- бременост

- начин на живот, односно дали сме под стрес, дали консумираме цигари...

Кога болката се влошува?

Некои жени забележуваат дека менструалната болка или дисменореата се влошуваат со возраста, а можните причини за тоа се:

- аденомиоза - кога ткивото што ја обложува внатрешноста на матката расте во мускулите на матката, ѕидовите стануваат дебели, а симптомите се обилна менструација

- ендометриоза - лезии кои се како ткиво и растат надвор од матката, може да отечат и крварат за време на менструацијата, што е причина за силна болка

- цисти на јајниците или кесички исполнети со течност кои растат и предизвикуваат болка

- фиброиди на матката, т.е. бенигни тумори кои растат во внатрешноста на матката, предизвикувајќи силна болка во пределот на карлицата, како и крварење помеѓу циклусите.

Како да ја ублажите болката?

Многу жени со тек на време се навикнуваат на овие болки, но кога болката станува неподнослива, земаат апчиња за да можат колку-толку да функционираат во тие денови.

Различни чаеви и додатоци може да бидат многу корисни како третман за болка. Иако многумина сметаат дека во овој период треба строго да се мирува, експертите препорачуваат лесни вежби како што е јогата. Според експертите, и контрацептивните таблети се ефикасни, бидејќи ја спречуваат овулацијата, а со тоа се намалува дебелината на слузницата на матката. Ова резултира со полесни и поблаги менструални болки.

Многу жени користат и перничиња за грееење за да го ублажат овој проблем. Меѓутоа, кога менструалните болки почнуваат да влијаат на нашето ментално здравје, разговорот со лекар исто така може да е од помош, бидејќи тој може да не упати во најефективните техники за релаксација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Оризот скапува по амбарите, Владата на Мицкоски ги остави оризопроизводителите без откуп

Оризопроизводителите се соочуваат со една од најтешките кризи во последните години, како директна последица на погрешните политики на Владата на Христијан Мицкоски.

СДСМ: Оризот скапува по амбарите, Владата на Мицкоски ги остави оризопроизводителите без откуп

Половина од ланското производство сè уште стои по амбарите затоа што нема организиран откуп.

Наместо државата да обезбеди пласман на домашното производство, илјадници тони ориз пропаѓаат, а земјоделците стравуваат дека ќе ги изгубат плодовите од својот труд.

Дополнителен проблем е што Владата на Мицкоски сè уште не кажува каква ќе биде откупната цена за новата реколта, ниту кога ќе бидат исплатени субвенциите.

Земјоделците влегуваат во нова производствена сезона без никаква сигурност и без поддршка од институциите.

Во исто време, најавите за драстично ниска откупна цена не ги покриваат ниту основните трошоци за производство. Со вакви политики, оризопроизводството се турка кон целосен колапс.

Огромни количини ориз остануваат изложени на пропаѓање, што претставува дополнителна економска штета за земјоделците и ризик за целиот регион.

Оризот со децении беше препознатлив македонски производ и значаен извозен потенцијал.

Откупната цена во времето на СДСМ беше над 40 денари е сега не е ниту 20 денари за килограм.

Поради неспособноста на Владата на Мицкоски, производителите ја губат довербата во институциите, а сè повеќе се доведува во прашање опстанокот на ова стратешко производство.

По две години владеење, ВМРО го уништи земјоделство, ги осиромаши и понижи земјоделците.

СДСМ бара Владата итно да обезбеди организиран откуп на заостанатите количини ориз, да ја објави откупната цена за новата реколта, да ги исплати заостанатите субвенции и да преземе конкретни мерки за спас на оризопроизводството пред да биде предоцна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

СДС секојдневно шири невистини и се обидува да создаде чувство на економска несигурност, но официјалните податоци повторно ги демантираат нивните тврдења.

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

Бројките и податоците јасно покажуваат дека Македонија има најниска инфлација во регионот. Според најновите податоци на Државниот завод за статистика, годишната инфлација во јуни изнесува 3,4 проценти, а во однос на мај е намалена за 0,5 проценти. Тоа се официјални факти.

Уште поважно, инфлацијата кај храната и безалкохолните пијалаци изнесува само 2,5 проценти, а кај облеката и обувките 2,1 процент. Тоа се категориите што најдиректно влијаат врз семејниот буџет и животниот стандард на граѓаните.

Во исто време, Македонија има најниска инфлација во регионот меѓу земјите кои досега ги објавија податоците за јуни.

Македонија – 3,4%

Словенија – 3,6%

Грција – 3,9%

Хрватска – 4,5%

Бугарија – 5,6%

Турција – 32,1%

Ова се бројки што не можат да се сокријат ниту да се релативизираат.

Додека СДС се обидуваат да градат дневна политика врз измислени кризи и ширење паника, Владата работи со конкретни мерки што даваат резултати.

Намалената инфлација е директен доказ дека економските политики се правилно поставени и дека се води одговорна грижа за стандардот на граѓаните.

Наместо манипулации и лажни сценарија од СДС јавноста заслужува мерки и проекти. А фактите се јасни, Македонија денес има една од најстабилните ценовни политики во регионот и најниска инфлација меѓу соседните земји што ги објавија податоците за јуни.

Владата ќе продолжи со одговорни економски политики, стабилни јавни финансии и мерки што носат резултати, без разлика на обидите тие резултати да бидат оспорени од оние што немаат што да понудат освен дезинформации.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвопролевање на фестивал во Торонто: Пукање меѓу 13.000 луѓе (ВИДЕО)

Шест лица беа пронајдени со прострелни рани, а две лица починаа на местото на настанот по пукањето на фестивалот во Торонто.

Крвопролевање на фестивал во Торонто: Пукање меѓу 13.000 луѓе (ВИДЕО)

Полицијата во канадскиот град доби пријава за активен стрелец на салса фестивалот кратко по 20 часот по локално време во саботата.

Полицијата соопшти дека имало размена на оган меѓу две лица, а на местото на настанот биле пронајдени две огнени оружја.

Не се извршени апсења, а потрагата е во тек.

Заменик-шефот на полицијата во Торонто, Франциско Баредо, ја опиша сцената како „многу хаотична“. Тој рече дека околу 13.000 луѓе биле на фестивалот кога се случило пукањето.

Канадскиот премиер Марк Карни рече дека е „вџашен“ од смртоносното пукање.

Тој се помоли за „семејствата кои тагуваат по своите најблиски, оние кои се во критична состојба и сите оние кои се погодени од овој ужасен настан“.

Тагови: пукање Торонто

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер