Таа е жив доказ за оваа компанија која ги развива своите луѓе на професионално, но и на духовно ниво, занимавајќи се со хуманитарна работа.

Бјанка Катру, заменик генерален директор во М Кеш – започнала да работи во М Кеш како административен асистент во 2015 година и таму останала цели 10 години. Го следела растот и развојот на компанијата, но и значително придонела за истиот. Како што самата вели, ѝ е чест што и таа има заслуга за тоа колку е компанијата успешна, но она што најмногу го привлече вниманието на јавноста е нивната хуманитарна дејност.

По тој повод ѝ поставивме неколку прашања.

Одбележавте 10 години постоење, честитки! Кажете ни какви активности реализиравте по повод тој јубилеј?

- Една деценија М Кеш и одбележувањето на нашето постоење, покрај корпоративната прослава е проследено со низа активности и оваа година со посебен ентузијазам го правам она што го сакам. Не велам работам, бидејќи М Кеш и одбележувањето на оваа декада за мене е дел од мојот животот, бидејќи сум сведок и имам значаен удел во почетоците, целокупниот развој на компанијата, постигнати успеси и резултати.

Корпоративната прослава на која присуствуваа сите наши колеги, соработници и партнери, официјално ја одбележавме со соработката која ја склучивме со – ЈЗУ Клиника за детски болести – оддел за Хематологија и Онкологија. Во знак на таа соработка дониравме ЕКГ апарат и дополнителна опрема која им беше потребна како и неопходни средства за хигиена на дечињата.

„Храброста има лице детско и невино. За најмалите херои кои секојдневно не учат што значи вистинска сила. Со љубов, верба и топлина ја заокруживме оваа соработка.“

Кажете ни како дојдовте до идејата за хуманитарната акција „Срце за срце“?

„Од срце за срце“ не е само хуманитарна акција и не се само убави зборови – од срце за срце е огледало на нашиот начин на работење бидејќи кога им помагаме на клиентите во нивните најтешки мигови тоа го правиме од срце, кога работиме со вработените, кога ги менторираме и мотивираме тоа го правиме од срце и од срце се радуваме на успесите на нашите соработници, партнери и поврзани компании М Брокер и АКДП.

Од срце за срце е симбол на нашата човечност како една од најсилните карактеристики која ја одбележуваат не само нашата компаниска туку и групациска култура.

Зад нашиот бренд не само тим од професионалци туку луѓе кои работат со срце, негуваат емпатија, и се радуваме кога имаме можност да помогнеме. Па оттука кога размислувавме со тимот како да ја одбележиме оваа декада, произлезе сосем природно од нашето секојдневно работење во овие 10 години – од срце за срце.

Колку такви акции имате досега и дали во иднина планирате нови?

„Не, ова не е изолирана акција – токму спротивното. „Од срце за срце“ е само почеток на една долгорочна мисија која ќе продолжи уште посилно и уште пошироко. До сега реализиравме повеќе од 10 различни активности, во различни градови и со различни целни групи – деца, повозрасни, семејства во социјален ризик, јавни институции, едукативни установи. И сето тоа – во само неколку месеци.

Секој настан нè охрабруваше уште повеќе. Реакциите од луѓето, нивната благодарност и искреност ни покажаа дека вакви иницијативи не само што се потребни, туку и длабоко значат. Затоа, планираме уште многу – и по обем и по фреквенција.

Во план се нови партнерства со локални институции, нови проекти со училиштата и градинките, и уште повеќе волонтерски ангажмани од нашите вработени. Нашата цел е ова да стане трајна платформа за добрина, преку која ќе допираме до луѓе, ќе помагаме, ќе споделуваме.

М Кеш отсекогаш бил и ќе биде повеќе од финансиска институција, ние сме компанија која верува во луѓето и е општествен сојузник – не само кога се бара решение, туку и кога се бара надеж, охрабрување, или едноставно – некој да се појави и да каже: „Тука сме.“

Продолжуваме – со уште повеќе срце и уште повеќе дела. Затоа што веруваме дека вистинската сила на една компанија се мери и по тоа колку знае да даде, тогаш кога не се очекува – туку е најпотребно.“

Би издвоила дел од активностите:

Би издвоила дел од активностите:

1. Од срце за срце – Нов живот и нова боја за училишниот двор во „ООУ Драслајца-Струга

2. Од срце за срце – Подадена рака во Неготино (Поддршка за луѓето во Домот за лица со посебни потреби во Неготино)

3. Детска радост во Ресен-за дечињата од предучилишна возраст во Детската градинка во Ресен

4. Од срце за срце – За децата кои учат да се борат, приказни и боички за големи срца во мали тела

5. Два тима, нула себичност-Централната канцеларија на М Кеш и Скопскиот регион – заедно со домаќините од Зоолошката градина Скопје – тука имаме активна соработка, каде бојадисуваме одредени предели во истата, ги храневме животните а сега сме во преговори и за посвојување наше животно.

6. Хуманоста не познава години-за Геријатрија при Општата болница Охрид.

7. Гест на грижа и човечност за повозрасните во Прилеп-Домот за стари лица во Прилеп.

8. М КЕШ ВРАБОТЕНИТЕ СО ХУМАНА АКТИВНОСТ ВО АЕРОДРОМ-Кречење на две училници во ООУ „Блаже Конески“ – Аеродром, Скопје и засадени 50 бели и розеви бегонии,

9. Празникот е поубав кога се споделува – MCash во акција за Курбан Бајрам

10. За подобро утре „Од срце за срце“-за пет социјално загрозени семејства во Гостивар

11. Кога љубовта кон родниот град станува дело – вработени од М Кеш донираат клупи во Дебар

Дали освен вашите вработени имате и други фирми или физички лица кои ви се приклучуваат за време на хуманитарните акции?

„Вработените се оние кои ја носат во себе хуманоста и човечноста како дел од нашата корпоративна култура и самоиницијативно и редовно се вклучуваат во повеќето активности кои ги презема компанијата во таа насока.

Иако „Од срце за срце“ започна од внатре, од нашите вработени и нивната искрена желба да придонесат, многу брзо прерасна во нешто поголемо, поотворено и пошироко. Веќе на првите неколку акции, видовме како луѓето од заедницата – родители, наставници, соседи, дури и случајни минувачи – самите се нудеа да помогнат. Ни се приклучуваа при бојадисување, при носење пакети, при организација на активностите. Соработувавме и со градинки, училишта, здравствени установи, па дури и со мали локални бизниси, кои несебично подарија дел од своите производи или услуги.

Тоа што започна како корпоративна иницијатива, стана движење што обединува, и тоа е најубавото – гледаш дека добрината има моќ да инспирира. И токму тоа ни е целта за понатаму: да изградиме заедничка мрежа на хуманост, каде што сите – без разлика дали се дел од нашата компанија или не – ќе можат да се вклучат, да помогнат и да бидат дел од нешто што навистина има значење.

Во план ни е да ги вклучиме и нашите клиенти, партнери, па и пошироката јавност, преку отворени повици и заеднички иницијативи. Затоа што хуманоста не познава граници, функции или позиции – таа се шири кога се дели.

На крајот на денот, целта не ни е само да направиме добра акција – туку да поттикнеме вредност. Да потсетиме дека сите можеме да бидеме дел од промена, и тоа не со големи работи – туку со едно срце што сака да направи разлика.“

И за крај, кажете ни Бјанка, како дојдовте во М Кеш, кога беше тоа и каде ја гледате оваа компанија во следните 10 години?

„Многу интересно за мене е ова прашање. Крајот на 2015 аплицирав за позиција административен асистент во М Кеш каде добив можност да станам дел од тимот. Мојот пат не беше воопшто лесен, се соочив со многу лични и професионални предизвици, но решив да истраам – и денес сум благодарна што сум тука, еве ме 10 години.

Во тоа време бевме една канцеларија од 90 квадрати и 10 вработени и еден онлајн канал, а денес сме над 200 вработени, речиси 60 ПП, уште еден бренд под капата на М Кеш – Фин кредит, М Брокер, АКДП, задоволни клиенти, високо мотивирани вработени и тим од професионалци со отворени умови и визија каде целиме кон она што ни е во ДНК на нашата групација откривање нови пазари, иновации и бизнис идеи, и да придонесеме за подобрување на општеството и условите во кои живееме. Она што е силна страна на нашата групација и компанија е кариерниот развој и инвестирање во вработените не само во својата матична земја туку и ширум светот. Јас сум еден таков пример каде моите директни и индиректни претпоставени го препознаа потенцијалот во мене, неуморно работеа со мене, каде почнувајќи како адиминстративен асистент преминав на позиција менаџер на човечки ресурси и администрација потоа бев назначена за Генерален директор на М Кеш.

Бев на функција директор на човечки ресурси, финансии и администрација. Извесен период како резултат на мојата лојалност и пожртвуваност кон компанијата и целокупното раководство, бев и Генерален директор и на М брокер. Сега сосем спокојно повторно не би рекла работам, а го живеам мојот живот на позиција Заменик Генерален директор во М Кеш и сум член на бордот на директори во М брокер.

Како сублимат од мојот кариерен пат сакам да истакнам дека неспорен е фактот дека мојот труд, работа од срце, пожртвуваност и лојалност резултираат со исклучително позитивен развој за мене во нагорна линја, каде денес сум една среќна професионално остварена жена лидер. Мојот успех беше забележан и на државно ниво, 2024 година го добив признанието за една од 32 извонредни личности по повод 32 години независност на МК под проектот Иднината Почнува Дома. „За 10 години, го гледам М Кеш како водечки финтек бренд не само во Македонија, туку и пошироко во регионот. Се стремиме кон сè поголема дигиталната трансформација каде ќе понудиме иновативни финансиски решенија останувајќи пример за транспарентност, етика и грижа за клиентите. Верувам дека М Кеш ќе биде препознаен и по своето општествено влијание, преку хуманитарни иницијативи и партнерства со заедницата, и ќе го задржи човечкиот пристап кој не издвојува од другите. Тоа е компанија со визија, и јас се гледам како дел од таа визија. Вистинската сила на оваа компанија не е во бројките, туку во луѓето. Ги следиме чекорите на она што е во ДНК на нашата групација МФГ каде иновативноста, дисперзираните услуги и дејности како и успешно поставување на нови пазари е она по што сме препознатливи.

Покрај земјите на кои успешно оперираме во изминатиот период – Бугарија, Романија, Полска, Хрватска, Шпанија наскоро стартуваме и во Кенија, Перу и Мексико а се разбира имаме и други проекти на локално ниво за кои ќе говориме во следна прилика кога ќе дојде вистинското време …

Општо кажано М Кеш е дел од МФГ голема групација распространета на два континента (Европа и Северна Америка), за којс одговорноста и грижата за луѓето и клиентите и како целина е од првостепена важност. За мене не е само јубилеј на компанијата, во М Кеш навистина ми е срцето, како мајка на две прекрасни деца кои се мојот живот, мојот пат е таков да М Кеш е мојот дом. Бескрајно благодарна сум на колегите во М Кеш за довербата, директни и индиректни претпоставени колеги од Бугарија кои веруваат во мене и ме ценат и вреднуваат и мојот Генерален Директор – Станислав Башов каде секојдневно преку доверба, лојалност, почит и професионализам се стремиме да ги донесеме најдобрите одлуки за компанијата и вработените, исправено стоиме пред предизвиците, носиме одговорност за нашите постапки, храбро носиме се што е потребно на нашиот грб и го управуваме М Кеш!

Во М Кеш научив многу лекции, созреав, ги победив сите стравови, ја добив најголемата поддршка, научив да чекорам цврсто со исправена глава. Во М Кеш научив дека човечноста, чесноста, лојалноста и вистината се светилки што треба да не водат во животот и бизнисот, искуството ме изгради во ова што сум денес дама лидер која важи за позитивен пример каде секојдневно се водам од поуката дека знаењето дава моќ но однесувањето создава почит!“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.