Македонија

( ОБНОВЕНО ): Канал 5 дознава дека денешната бројка најверојатно е 62 лица, лидери Сарај и Чаир

Канал 5 ТВ бара од Министерот Филипче од денес ЗАДОЛЖИТЕЛНО да ги објавува скопските општини но и улици во кои се детектираат нови заразени,пред се за да се намали овој пик, и да не се заразуваат неинформирани сограѓани!

Последната информација која ја добивме од ИЈЗ е дека само кај нив се регистрирани 52 случаи на новозаразени, а се чекаат и другите лаборатории.
Неофицијалнo вкупната бројка може да биде 62 лица, што очигледно е доказ за нечија неодговорност , особено на оние институции и поединци кои дозволија верските заедници да си ги празнуваат празниците, очигледно без речиси никаква заштита.

Дополнително, јавна тајна е дека дека во Чаир и Сарај подолг период работеа угостителските објекти, чајџилници и сл., така да некој од Државна Пазарна Инспекција и од МВР ќе мора да одговори зошто ова прекршување на уредбата на Владата не е контролирано и санкционирано од нив? На пример, Директорот Стојко Пауновски и Министерот Чулев? Ги гледавте ли видеата на FB последниве два месеци кои доаѓаа од Сарај и Чаир?
Што се случува во државава, дали едни закони важат за Сарај и Чаир а други за останатите општини во Скопје? Кој го дозволува тоа? Дали надлежните се свесни дека првиот ден од отворањето на угостителските објекти наскоро ќе покаже високи бројки? Јавноста бара одговорност!

Ќе одговара ли некој за дозоволувањето на православните храмови да го прославуваат Велигден , и особено за исламските верски објекти за прослава на Фитр Бајрам? Зошто цела нација да биде заложник на 1000 неодговорни лица, меѓу кои спаѓаат и мал дел од оние од комисијата за заразни болести, кои очигледно направиле огромна грешка. Дополнително, малку им се верските објетки и празници, па сега ќе дозволат и фудбалска лига да продолжи!

Дозволата за отворање на угостителски објекти беше очигледно погрешно реализирана, од причина што се очекуваше еуфорична реакција на граѓаните кои со недели немале социјален контакт во угостителски објект, а при тоа изостана неколкудневна обука, и задолжителна државна контрола на објектите кои одамна се знае дека се најфреквентни, особено оние во скопско Дебар маало

Јавноста очекува одговори, но и одговорност!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп најжестоко досега ја нападна Мелони: Сака повторно да бидеме пријатели- не, благодарам

Американскиот претседател Доналд Трамп, во нова објава на својата социјална мрежа Truth Social, ја критикуваше италијанската премиерка Џорџија Мелони.

Трамп изнесе обвинувања за однесувањето на италијанската премиерка за време на претходните состаноци, но и за воените и логистичките одлуки во Рим кои, според него, им наштетиле на американските интереси.

„Италијанската премиерка Џорџија Мелони постојано бараше да се фотографира со мене за време на состанокот на Г7 во Франција. Таа е во лоша состојба со нејзиното ниво на популарност во Италија, веројатно затоа што ги одби Соединетите Американски Држави - земја која навистина ја сака и ја штити Италија - кога беше потребно да се спречи Иран да добие или развие нуклеарно оружје (но, патем, така направи и НАТО!)“ - изјави Трамп.

Тој особено нагласи дека Италија одби логистичка поддршка на американската војска во клучен момент.

„Тие дури и не ни дозволија да ги користиме италијанските аеродромски писти, што ни создаде огромни логистички непријатности. „И сето ова и покрај фактот дека Соединетите Американски Држави издвојуваат стотици милијарди долари годишно за да ја заштитат Италија и другите таканаречени сојузници на НАТО“, напиша Трамп.

Тој заклучи дека официјален Вашингтон постигнал воена победа во спорот со Техеран без помошта на Рим и дека сега нема простор за обновување на односите под старите услови.

„Сега, откако САД воено го победија Иран, сакаат повторно да бидеме пријатели за да го подобрат својот рејтинг. Не, благодарам!“, рече Трамп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Светскиот ден на јогата се одбележа и во Скопје

Во сите земји во светот 12-та година по ред се организираат настани по повод Светскиот ден на јогата.

Во Градскиот парк во Скопје денеска се организираше јога час каде со убава атмосфера и пријатна музика граѓаните го почнаа викендот со насмевка и јога вежби. Во Скопје пристигна и амбасадорот и претставник за Македонија од Индија, Арун Кумар Саху.

„Јогата не е само вежбање таа е и посебен момент кога се спојува телото и духовното“, објасни Саху. Учители по јога од Македонија со порака во време на стрес и заборавање на самиот себе, јогата е техника за мир кон себе и кон другите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од понеделник намалување на цената на горивата, најави Мицкоски

Премиерот Мицкоски кој денеска присуствуваше на поставување камен-темелник на нова детска градинка во Општина Карпош, изјави дека од понеделник ќе има сериозно поевтинување на горивата..

Тој очекува со финализација на мировните преговори меѓу САД и Иран цената на нафтата на берзите да се стабилзира , но дека тој процес како што изјави, ќе потрае.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.