Нов закон за двојното државјанство во Германија – Еве што се менува! - Канал 5

Живот

Нов закон за двојното државјанство во Германија – Еве што се менува!

 Нов закон за двојното државјанство во Германија – еве што се менува...

Нов закон за двојното државјанство во Германија – Еве што се менува!

Повеќе од четвртина на граѓаните во Германија имаат мигрантско потекло, а кај децата под 14 години, повеќе од една третина се со мигрантско потекло. Покрај тоа, во земјата живеат околу 13,5 милиони граѓани без германско државјанство - 16 % од населението. Но, кога станува збор за натурализација, односно за доделување државјанство на странци, Германија е меѓу последните во Европа. Причината за тоа се рестриктивните услови кои мора да се исполнат за да се добие државјанство. Неодамна владејачката коалиција на Социјалдемократите, Зелените и Либералите во сојузниот парламент, Бундестагот, претстави предлог за нов Закон за државјанство, со кој би се промениле сегашните строги услови, пишува Дојче Веле.

Најголемата пречка досега беше одредбата која генерално инсистира на принципот на едно државјанство, вели Џули Шефер, адвокатка специјализирана за право за странци во канцеларијата „Schlun & Elven z Köln“. „Она што првенствено ги спречува потомците на поранешните гастарбајтери, да речеме од Турција или земјите од Западен Балкан, да добијат германско државјанство е условот да се откажат од претходното. Германија е една од ретките западни земји кои сè уште инсистираат на тоа. “, нагласува Шефер.

Со нацртот на новиот закон се предвидува откажувањето од претходното државјанство повеќе да не е услов за стекнување германско, а истовремено се скратува времето потребно за континуиран легален престој во земјата од осум на пет години - како што е веќе случај во повеќето европски земји, објаснува германската адвокатка. Во оваа насока, многу е важно што со новиот закон се воведува некаков вид автоматизам: „Двојното државјанство е формулирано како начелно право. Тоа значи дека кога се исполнети другите услови, надлежните служби мора да го натурализираат барателот“, нагласува Шефер.

Според сегашниот закон, исклучок од правилото се граѓаните на ЕУ, кои можат да имаат двојно државјанство без проблем. А, по долга процедура, со двојно државјанство се стекнуваат и оние кои доаѓаат од земјите кои не ги ослободуваат своите граѓани од државјанство - или затоа што не сакаат, или затоа што таму тоа воопшто не е законски предвидено. Такви земји се, на пример, Сирија, Јужна Африка, Авганистан, Алжир или Иран.

Сегашните одредби во Законот за државјанство најмногу доаѓаат од Законот за припадност на империјата и државата од 1913 година, кој едноставно беше преземен во повоена Германија. Дури во 2000 година зборот „царски“ беше исфрлен од името на законот. Тој закон почива на принципот на потекло и национална хомогеност (Volksnation): кој е германски државјанин, значи Германец, не може истовремено да биде и нешто друго. Како причина се наведувало дека граѓанинот може да биде лојален само на една држава.

Тој аргумент против двојното државјанство и денес го користат противниците на реформата. Тие тврдат дека двојното државјанство води до внатрешен конфликт околу лојалноста и дека луѓето кои сакаат германско државјанство треба да донесат јасна одлука. Покрај тоа, тие стравуваат дека лице со две државјанства може, кога треба, да ги избегне германските закони повикувајќи се на второто државјанство и статусот на странец.

Целта на реформата на Законот за државјанство е, од една страна, Германија да стане поатрактивна имиграциска земја за квалификувани работници. Итовремено, стана јасно дека модерната и отворена политика за имиграција и интеграција е клучна за социјалната кохезија во Германија.

Покрај потребната должина на легален престој во земјата, постојат и други услови за добивање германско државјанство. Еден од нив, кој останува непроменет во новиот предлог, е лицето да не е законски осудувано за кривично дело. Дополнително, сè уште е неопходно лицето да поседува сертификат за познавање на германски јазик, со тоа досега потребното напредно ниво Ц1 е сведено на поедноставно ниво Б1, а предвидени се исклучоци за посебни случаеви, кога е потребна само способност за основна комуникација. Исто така, се пропишува и обврската лицето да се помине т.н тест за натурализација со кој се предвидени познавања на основни информации за Германија. Добивањето двојно државјанство би требало да биде олеснето за странските студенти: доколку најдат работа веднаш по завршување на студиите и почнат да работат, времето на студирање би им се признало како време поминато во Германија и ќе се смета во потребните пет години престој пред да аплицираат.

Предлогот на новиот Закон за државјанство владејачката коалиција го презентираше во Бундестагот на крајот на мај. Се очекува предлогот наесен да биде доставен во редовната законодавна процедура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер