Економија

Нов удар од берзите: Од утре се очекуваат поскапи горива, дизелот скока за 2,5 денари

За 2,5 денари по литар поскап дизел и околу 1 денар за литар поскапи бензини очекува Владата со утрешната одлука на Регулаторната комисија за енергетика.

Ваквите владини калкулации се резултат на зголемените цени на дериватите на светските берзи минатата недела, и тоа за околу 6% кај нафтата и околу 3 % кај бензините. Премиерот Христијан Мицкоски вели крајната одлука сепак ќе ја донесе регулаторна, но дури и да има ново зголемување на цените на дериватите со утрешната одлука земјава останува со најниски цени во регионот и пошироко.

„Врз основа на нашите калкулации имаме зголемување во текот на минатата седмица на нафтата на светските берзи за отприлика 5, 6% и благо зголемување на бенизните за 2, 3% очекувам да имаме зголемување од околу 2,2,5 денари по литар за дизел горивото и околу денар за бенизните но сепак да почекаме утре регулаторна да ги каже последните бројки. По што повторно остануваме и покрај тоа што станува збор за берзански производ убедливо држава со најниски цени на горивата и бенизните.“- - Христијан Мицкоски – претседател на Влада.

Дополнително од владата очекуваат следната недела параметрите за инфлацијата, кои треба да ги обајви државниот завод за статистика да бидат пониски од оние во април и мај. Поради војната на Блискиот исток и растот на цените на нафтените деривати, инфлацијата во земјава во април порасна на 5,7 % додека во мај, по стабилизацијата на ситуацијата, инфлацијата падна на 4,8%.

Во меѓувреме пазарните инспектори очекуваат до крајот на идната недела да ги заввршат надзорите кај дистрибутерите, производителите и трговците за оние 700 прехнабени и непреханбени производи, брифираат од инспекторатот за Канал 5. Директорот Стојкоски вели со анализата се прави споредба на цените на истите тие 700 производи годинава со иститот период лани, проверката на сите фактури од увоз до рафт, ќе треба да покаже каде и дали имало неоправдано зголемување на цените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Голем пожар во Кисела Вода, црн чад се гледа од повеќе делови на Скопје

Голем пожар попладнево избувна во магацински простор на Јужен булевар во скопската населба Кисела Вода.

Во дел од населбата исклучени се струјата и водоснабдувањето. Црн чад беше видлив од повеќе делови на Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Војната меѓу Анџелина Џоли и Бред Пит продолжува: Се бара увид во нејзините финансии

Некогаш најславниот брачен пар во Холивуд, актерите Бред Пит и Анџелина Џоли ја продолжуваат бракоразводната битка.

Во долготрајниот правен спор околу имотот, Џоли тврди дека го продала својот дел за да постигне „финансиска независност“.

Вчера Анџелина Џоли му возврати удар на својот поранешен сопруг Бред Пит откако тој - според TMZ - побарал увид во нејзините минати даночни пријави за да го оспори нејзиното тврдење дека тој не ѝ оставил никаква реална алтернатива освен да го продаде својот дел од имотот Шато Миравал.

По разводот, Џоли го продаде својот дел од францускиот имот на „Столи груп“, производител на алкохолни пијалоци; Пит потоа ја тужеше, тврдејќи дека продажбата е извршена без негова согласност. Сепак, актерката тврди дека неговата согласност не била потребна за преселбата. Во долготрајниот правен спор околу имотот, Џоли наведува дека го продала својот дел за да постигне „финансиска независност“ - тврдење што го наведе Пит да ја доведе во прашање нејзината целокупна финансиска состојба и да побара пристап до нејзините финансиски записи од 2017 до 2019 година, со цел да докаже дека имала алтернативи за продажба на имотот.

Џоли тврди дека веќе ги доставила сите потребни даночни пријави и дека понатамошното испитување на нејзините минати финансиски документи би претставувало нарушување на приватноста.

Следствено, таа поднесе нови судски документи во кои тврди дека барањето на Пит е дел од шема на „континуирано лажно претставување и селективно цитирање“ на нејзините изјави за време на постапката. Таа појаснува дека нејзината изјава во врска со финансиската независност се однесувала на желбата финансиски да се одвои од нејзиниот поранешен сопруг, а не на нејзината општа финансиска состојба.

Нејзините адвокати тврдат дека вистинското прашање не е „дали на Анџелина ѝ биле потребни пари“, туку тоа дека таа се обидувала да ги одвои својот живот и финансии од она што тие го опишуваат како „контролирачки и насилен поранешен сопруг“.

Од друга страна, адвокатите на Пит инсистираат да се испита нејзината финансиска состојба за да докажат дека тој не ја оставил без финансиски средства.

„Доколку Анџелина имала значителен приход и други извори на средства во текот на релевантниот период, таквите докази директно би го побиле нејзиното тврдење дека Бред не ѝ оставил никаква реална алтернатива освен да го продаде својот дел од заедничкиот имот на „Столи груп“, изјавија адвокатите на Пит.

Судските документи, исто така, забележуваат дека Џоли е светски позната актерка која заработила 33 милиони долари само за нејзината улога во филмот *Maleficent* - бројка што го наведе *Forbes* да ја именува за најплатена актерка во светот во тој период.

Тагови: Анџелина Џоли Бред Пит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германски министер: AfD не смее да добие пристап до доверливи информации

Германскиот министер за одбрана Борис Писториус сака да ја спречи крајно десничарската партија Алтернатива за Германија (AfD) да добие пристап до класифицирани информации доколку тој влезе во владата.

Писториус ги наведе блиските врски на партијата со Русија како причина. Во неделното издание на весникот „Билд“ со голем тираж, тој рече дека блискоста на партијата со рускиот претседател Владимир Путин е неоспорна. Чувствителните информации не смеат да паднат во погрешни раце, рече Писториус.

„Длабоко разгледуваме кого можеме да овластиме да има пристап до класифицирани информации. Веќе го правиме тоа. Имаме обврска да го сториме тоа бидејќи се однесува на безбедноста на нашата земја.“

AfD, најголемата опозициска партија во Германија, е под истрага на домашните разузнавачки агенции во некои федерални покраини поради нејзините екстремистички антиимигрантски ставови. Сите големи партии во Германија одбиваат да соработуваат со AfD, политика позната како „заштитен ѕид“.

Канцеларот Фридрих Мерц постојано ја отфрла соработката со партијата. AfD се надева дека ќе освои апсолутно мнозинство на регионалните избори во септември во федералните покраини Саксонија-Анхалт и Мекленбург-Западна Померанија, што би можело да ѝ овозможи за прв пат да управува со германска федерална покраина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.