„Никогаш не сме разговарале за пиротехника, само за репертоарот“ - сведочеше музичарот Тонев за пожарот во „Пулс“ - Канал 5

Македонија

„Никогаш не сме разговарале за пиротехника, само за репертоарот“ - сведочеше музичарот Тонев за пожарот во „Пулс“

 Музичарот Горан Тонев, кој настапувал со бендот ДНК, сведочеше за трагичната ноќ во дискотеката „Пулс“.

„Никогаш не сме разговарале за пиротехника, само за репертоарот“ - сведочеше музичарот Тонев за пожарот во „Пулс“

Тој објасни дека имал устен договор со клавијатуристот Филип Стефановски да биде надворешен соработник на бендот и да свири гитара на нивните настапи. Во неговиот исказ, сведочеше дека не забележал кој ја поставил и кој ја активирал пиротениката во дискотекта.

- Тоа беше период од година и три месеци, имав устен договор со Филип Стефановски, клавијатурист на бендот, да бидам надворешен соработник на бендот ДНК и да свирам гитара со нив. Тој нѐ организираше нас, музичарите во колку часот, каде да бидеме и не известуваше за настапите - рече Манев.

Според неговото сведоштво, вечерта во „Пулс“ пристигнал околу 22 часот заедно со тапанарот Ѓоко Ѓорѓиев.

- Таа вечер заедно со Ѓоко Ѓорѓиев, тапанарот, со неговото возило пристигнавме во 22 часот, во исто време пристигнаа и Филип Стефановски и Александар Ларов. Веднаш почнавме да ја внесуваме нашата музичка опрема и се местевме на бината каде што настапувавме. По некое време пристигнаа и Андреј, вокалот на групата, Сара, Ана и нашиот тон мајстор, Игор Велков. Направивме тонска проба и јас и Ѓоко Ѓорѓиев излеговме од локалот и се упативме кон хотелот Сити ин во Кочани, околу 11:30 часот. Се вративме после 1 часот, имаше некоја храна таму горе во една просторија, пици, каснавме и се упативме кон бината и почнавме да настапуваме - раскажа сведокот.

Тонев нагласи дека пиротехничките средства биле веќе поставени пред нивниот настап.

- Кога се качивме на бината пред да настапуваме тие веќе беа таму наместени - рече тој, додавајќи дека забележувал на други настапи, но не знае кој ги поставувал.

Околу 2:30 часот, според него, започнал пожарот, кога, како што рече, „Панчо кажа на микрофонот сите да излеземе надвор бидејќи плафонот почна да гори“

- Пожарот настана над бината, јас се симнав по скалите од бината, се упатив кон излезот, екстремно брзо се ширеше пожарот, од горе од сунгерот капеа капки, беше екстремно топло, имаше многу густ чад, не можев да дишам и тоа траеше многу време. Како што гореа сунгерите тие се топеа и кога погледнав нагоре огнот беше над мојата глава и капеа црни капки. Имам повреди и од нив. Сунгерот изгледаше како во музичките студија, беше во брановита форма - рече Тонев.

Сподели дека има изгореници на дишните патишта, десното уво, вратот, лицето и десната рака.

- Се лекував во Солун. Се уште не можам да ја извршувам својата функција како гитарист - дополни Тонев.

Дополнително, тој беше прашан за поставувањето на прскалките и пиротехниката.

- Го имам видено како Мартин околу нив ги поместува напред, назад, само тоа, не таа вечер, генерално,рече тој, додавајќи дека не му е познато дали тој се грижел за пиротехниката.

На прашање дали некој реагирал да ги отстрани прскалките пред пожарот, одговори: „Не, не сум видел такво нешто.“

Во вкрстените прашања од одбраната, бранителката на сопственикот на „Пулс“, Дејан Јованов, се обиде да заклучи дека пиротехниката била набавувана од групата ДНК. Тонев одговори: „Не знам, не сум видел“.

- Никогаш не сме разговарале во врска со пиротехника, секогаш разговаравме во врска со репертоарот и звукот. Не сум забележал кој ја активира - рече Тонев.

Истакна дека на околу 50 настапи со бендот, пиротехниката се користела на околу 15, но никогаш не видел кој ја носи или поставува.

- Во врска со светлата и другите работи, никој немаше контрола на тоа и немаме ние сценски настап, само излегуваме и свириме - додаде Тонев.

Одговарајќи на вкрстени прашања посочи дека забележал дека во 2025 година бината во дискотеката била потесна, плафонот понизок и имало повеќе лед ефекти, за разлика од 2024 година.

Претходно во својство на сведок исказ даде Ана Костадиновска, придружен вокал на групата ДНК и редовен професор во ДМБУЦ „Илија Николовски-Луј“ во Скопје. Таа истакна дека со години работи како придружен вокал со повеќе македонски изведувачи и дека не била постојан член на ДНК, исто како и нејзината колешка и пријателка Сара Пројковски.

Судењето продолжи со сослушување на сведоци на предлог на Обвинителството.

Судењето за случајот „Пулс“ се одвива под засилени безбедносни мерки, во присуство на обвинетите, роднини на жртвите и многубројни сведоци. Пожарот избувна на 16 март 2025 година за време на настап на групата ДНК во дискотеката во Кочани. Во трагедијата загинаа 63 лица, а над 200 беа повредени. Постапка се води против повеќе физички и правни лица за тешки дела против општата сигурност. Судењето го води судијката Дијана Груевска-Илиевска, а Обвинителството го застапува тим од 15 јавни обвинители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Линдзи Лохан сподели фотографии од одморот со сопругот и синот

Линдзи Лохан го завршува својот европското летување, а новите фотографии што ги сподели со обожавателите покажуваат дека го искористила максимално својот одмор.

Линдзи Лохан сподели фотографии од одморот со сопругот и синот

40-годишната актерка објавува детали од своето патување во последните недели, а во четврток сподели нови моменти од својот одмор на Инстаграм.

На фотографиите се нејзиниот сопруг Бадер Шамас и нивниот тригодишен син Луаи.

Таа сподели фотографии од својот одмор

„Ти благодарам, лето. Беше одлично“, напиша актерката која живее во Дубаи. „Благодарна сум за времето што го поминав со моите пријатели и семејство и за светот во кој живееме. Се чувствувам благословена.“ Покрај фотографиите од себе и пријателите, Лохан објави и неколку моменти со својот сопруг.

Парот, кој е во брак од април 2022 година, го поминал својот одмор на луксузен брод. Во претходните објави од нивниот одмор, таа откри дека била „некаде на море“ и се пошегува за својата „морска фризура“.

Иако Лохан ретко открива детали за животот на својот син, овој пат направи исклучок. Таа сподели неколку фотографии од Луаи како поминува време со својот татко додека пливаат и возат кајак.

„Следната деценија ќе биде поинаква“

Лохан неодамна се осврна на својот 40-ти роденден. Во објава на Инстаграм, таа го спомена своето минато и грешки и нагласи дека е благодарна за животните лекции и луѓето што останале покрај неа. Таа ја започна пораката со зборот „четириесет“ и се осврна на изминатите четири децении:

„Благодарна сум за секое поглавје што ме доведе до оваа точка. За лекциите, смеата, љубовта, неочекуваните пресврти и луѓето што беа со мене низ сето тоа. Оваа следна деценија се чувствува поинаку. Јас сум поприземјена, посвесна и посреќна. Ги славиме семејството, пријателството, новите почетоци и создавањето на најубавите спомени досега. Ви благодарам на сите за честитки за роденден.“

Извор: Индекс.хр

Тагови: Линдзи Лохан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Инстаграм го претстави „First Draft“

Функцијата ќе им се допадне на сите корисници на „Reels“.

Инстаграм го претстави „First Draft“

Инстаграм воведе нова опција за „Reels“ наречена „First Draft“, алатка што им овозможува на корисниците да креираат нови видеа со автоматско спојување на најдобрите клипови од постоечките снимки. Системот независно ги избира најинтересните делови и ги составува во првата верзија на видеото.

Автоматизирано креирање видеа

Новата функција работи со составување на работна верзија на нов „Reels“ врз основа на избраните видеа. Апликацијата ги извлекува најдобрите делови од секој клип и ги спојува во целина. „Само изберете ги вашите клипови и апликацијата ќе ги отстрани паузите и ќе ги скрати клиповите со еден допир. Ова ви дава основа за понатамошно уредување за само неколку секунди“, објасни Инстаграм.

Креаторите на содржини потоа можат да го уредуваат и прилагодуваат генерираниот нацрт според нивните сопствени преференции, што им олеснува да започнат со работа на нов проект. „Сè што генерира „First Draft“ може да се уредува подоцна. Корисниците можат да го прилагодат или преуредат кој било дел пред објавување“, соопшти компанијата, додавајќи: „Алатката го извршува почетното сечење на видеото, така што корисниците можат да се справат со помалку технички дел од продукцијата и побрзо да продолжат со креативната работа.“

Заштедете време и фокусирајте се на креативноста

Инстаграм верува дека оваа функција ќе го поедностави процесот на креирање содржина со тоа што ќе понуди клучни алатки на едно место. Корисниците позитивно реагираа на новината. „Ова заштедува огромно време на видеа каде што некој зборува во камерата“, коментираше еден корисник на „Treads“.

„Рачното отстранување на тишината трае цела вечност!“

Алатката е корисна затоа што им дава на креаторите почетна структура за нова содржина, користејќи материјали што веќе ги поседуваат. Нејзината важност се зголемува дополнително кога ќе се земе предвид дека гледањето „Reels“ сочинува приближно 50 проценти од вкупното време што корисниците го поминуваат на Инстаграм. Затоа интегрирањето на „Reels“ во редовното производство на содржини стана клучно.

Достапност и иден развој

Опцијата „First Draft“ моментално се воведува за корисниците на „iOS“ и се очекува наскоро да биде достапна и на „Android“. Корисниците можат да пристапат до неа директно од галеријата „Reels“ или преку камерата на „Instagram“. Некои корисници изразија желба да ја видат алатката интегрирана во посебната апликација „Instagram Edits“, што би можело да се случи во идно ажурирање.

Тагови: Инстаграм First Draft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Голем јубилеј: „BMW“ брои до два милиони!

„BMW“ достигна важна пресвртница во својата електрична офанзива - германскиот производител испорача два милиони целосно електрични автомобили.

Голем јубилеј: „BMW“ брои до два милиони!

Продадениот модел за јубилејот беше „BMW i5 M60 xDrive“, произведен во фабриката во Динголфинг и испорачан на клиент во Шпанија.

Вклучувајќи ги и „plug-in“ хибридите, „BMW Group“ вели дека продала околу 3,5 милиони електрифицирани возила од 2013 година. Во првата половина на 2026 година, повеќе од еден од четири автомобили продадени од компанијата ширум светот имале некаков облик на електричен погон.

Европа го предводи патот

„BMW“ бележи особено силен раст на европскиот пазар. Продажбата на целосно електрични модели на„ BMW“ во Европа се зголеми за 38 проценти во вториот квартал на 81.445 возила.

Целосно електричните автомобили учествуваа со околу 28 проценти од вкупната продажба на „BMW“ во Европа во првата половина на 2026 година.

Растот на електричните возила не е ограничен само на „BMW“. Речиси 1,5 милиони целосно електрични автомобили беа регистрирани низ цела Европа до крајот на јули, што е зголемување од 30 проценти во споредба со истиот период минатата година.

Само во јули, електричните автомобили учествуваа со 35 проценти од пазарот на нови автомобили во Франција и 29 проценти во Германија, додека Данска достигна дури 80 проценти.

Новиот „iX3“ веќе привлекува клиенти

„BMW “ сега смета на големиот успех на новиот модел „iX3“. Компанијата вели дека бројот на нарачки се приближува до 100.000, а од неговото лансирање, секое трето електрично „BMW“ нарачано во Европа е „iX3“.

Уште поинтересно е што дури половина од сите нарачки за модели од семејството „BMW X3“ на европскиот пазар веќе се однесуваат на целосно електричната верзија.

Овој резултат покажува колку брзо се менува европскиот пазар на автомобили, но и колку „BMW“ сега има корист од повеќе од една деценија развој на електрични модели, што започна со лансирањето на тогаш многу неконвенционалниот „BMW i3“.

Извор:Б92

Тагови: BMW

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер