3Бесплатни превентивни прегледи на простатата и уринарниот тракт во „13 нoември“ по повод месецот на машко здравје
Македонија„Независни граѓански иницијативи“: Бараме итно носење на измените во Изборниот законик Бараме итно носење на измените во Изборниот законик за намалување на прагот за поднесување независни кандидатски листиИтни измени во Изборниот законик што во моментот не ги вклучува можностите за независните кандидати и кандидатски листи на претстојните локални избори побараа денеска претставници на „Независни граѓански иницијативи“: „Зелен хуман град“,Град Скопје, „Шанса за центар“, „Независни за Карпош“, „Поинаку“, Битола, „Зелените“ од Гази Баба, „Подобро за Тетово“ и „Стига“ од Струмица, Босилово и Ново Село. Бараат да бидат вклучени во работната група на Собранието за носење на законските измени, поднесени до Министерство за правда, Собрание на Република Северна Македонија и до координаторите на сите пратенички групи во Собранието. - Нашите барања се однесуваат на правната празнината што настана со укинување на членот од изборниот законик, со кој се подигна прагот за собирање потписи за независни листи на 1 посто, што уставниот суд го оцени како неуставен, а ние како граѓани веќе имаме искуство кандидирање на независни и со учество на истите во советите. Мислам дек анезависните прикажаа интегритет, поинакво водење политички дискусии, го подигнаа нивото на транспарентност во општините во кои делуваат, во поголема соработка се со граѓаните и пореспонзивни се на барањата на граѓаните. И тоа што веднаш пред парламентарните избори се подигна прагот на толку високо ниво, на праг што оневозможува, тоа покажува дека имаат некаков зтрав од независните. И она што кај нас е карактеристично е што политичките партии тешко постигнуваат консензус за некакви политички и државни прашања, а за оневозможување на учество на независните, брзо успеаја да го постигнат тој чекор и таа измена беше направена со заеднички барања од неколку политички партии, изјави претставничката од независните иницијативи. Според нив, Северна Македонија со ова е на листата држави кои не покажуваат никакви демократски капацитети. - Сметам дека на овој начин ги браниме Европските можности за активен плурализам. Сведоци сме дека политичките партии секојдневно го губат бројот на гласачи на сите избори, едвај стигнуваат до 50 % од гласачите, што е показател дека го губат кредибилитетот. Тоа треба да им биде сигнал за измени, но не за оневозможување на другите, туку за промени и внатрешни реформи. Со овие измени бараме да се пополни таа правна празнина на следните избори да ни се овозможи учество на што поголем број независни кандидати на листите, да имаме чисти и јасни услови со кои ќе настапиме. Бараме да се донесе ново законско решение. Од Министерство за правда и до Собранието бараме да не вклучат во работната група за носење на законот, бидејќи имаме искуство и знаења и сме заинтересирани. Бараме дополнително, по искуство од претходните локални избори, на кои не дозволија нашите имиња, имињата на групите да стојат на ливчето. Да бидат вратени и имињата на групите до имињата на кандидатите, додаваат од „Независни граѓански иницијативи“. Бараат пристап до медиумскиот простор, почитување на независните листи и кандидати, како и ДИК да ни овозможи увид во избирачкиот список. Барањата се со 50-тина потписи да се настапи на кандидатска листа, за да може да се овозможи учество и во помалите општини, зашто, велат, единствената канцеларија на ДИК во помали, рурални општини, не е секогаш пристапна за сите жители што се дисперзирани низ населените места и ги оневозможува и обесхрабрува независните кандидати да соберат потписи. Побараа законските измени да се донесат во најбрз рок, бидејќи во јули месец изборите ќе бидат распишани. Горјан Јовановски од „Зелен хуман град“ рече дека доколку не се донесат измени, мора да биде отворена, не затворена можноста за учество на независни. - Ако не се донесат нови услови, може да се примени постоечкиот закон, секој кандидат со своја изјава и пријава да може да се смета како кандидат, се зависи од толкувањето на законот од страна на Собранието и ДИК. Круцијално е да се има единствен пристап и клучно е да се донесат измените. За нас е прифатливо со 50-тина потписи за да може да се кандидира независна листа, по Европски тренд е, Европски стандарди кадешто се отвора а не се затвора слободата во кандидирањето. Ставањето бројки и проценти ќе овозможи слобода во кандидирањето само во мал број општини. Според она што го поништи Уставен суд и се накачува бројот од 1000 на 4500 потписи, е 4.5 пати пати повеќе од потребните потписи за основање партии. Како може да бидат многу поголеми услови за независните од партиите и од што се плашат партиите зад нас? Бараме да има минимален праг 50 – тина потписи, стоиме на тоа и да се овозможи уставното право секој да може да се кандидира и да учествува во работата на локалната и националната самоуправа, додаде Јовановски. Порача дека како независни, секогаш се сполотени и дејствуваме заедно за многу горливи теми што ги засегаат, како и денес. Целта е, рече, не само дали ние ќе можеме, туку законските измени да овозможат секој да може во иднина да се кандидира.Тагови: избори Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
БалканПред 31 година, на денешен ден, беше парафиран Дејтонскиот договор за мир во Босна и Херцеговина На денешен ден во 1995 година, во воздухопловната база „Рајт-Патерсон“ во Дејтон, САД, беше парафиран Општиот рамковен договор за мир во Босна и Херцеговина. На денешен ден во 1995 година, во воздухопловната база „Рајт-Патерсон“ во Дејтон, САД, беше парафиран Општиот рамковен договор за мир во Босна и Херцеговина – заедно со неговите 12 анекси – со што заврши војната во Босна и Херцеговина и се воспостави нејзиниот уставен и правен поредок. Овој договор, пред 31 година, ја воспостави државната заедница БиХ, составена од два ентитета – Република Српска и Федерацијата БиХ – кои се и потписници на сите анекси. По тринеделни преговори, Дејтонскиот договор беше парафиран на 22 ноември 1995 година од страна на тогашните претседатели: Слободан Милошевиќ од Србија, Алија Изетбеговиќ од таканаречената Република БиХ и Фрањо Туѓман од Хрватска. Договорот беше парафиран во присуство на тогашниот државен секретар на САД, Ворен Кристофер, покрај него, клучни американски посредници беа Ричард Холбрук и генералот Весли Кларк. Дејтонскиот договор беше официјално потпишан на 14 декември 1995 година во Елисејската палата во Париз.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПротестен марш во Охрид против насилството врз жените по случајот со 26-годишната Сара 15:00Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33МВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08
Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33
Нови пријави за сексуално насилство врз деца: Дали казните и законските рокови ги штитат жртвите?15:08
СветУкраина изоставена од декларацијата на Трамп, Путин и Си, потегот бил направен зад затворени врати Финскиот претседател Александар Стуб откри дека декларацијата на американскиот претседател Доналд Трамп, рускиот лидер Владимир Путин и кинескиот претседател Си Џинпинг требало да содржи дел посветен на Украина, но ...Финскиот претседател Александар Стуб откри дека декларацијата на американскиот претседател Доналд Трамп, рускиот лидер Владимир Путин и кинескиот претседател Си Џинпинг требало да содржи дел посветен на Украина, но дека Америка побарала тој да биде отстранет. Стуб за финскиот весник „Хелсингин саномат“ изјави дека првата верзија на декларацијата содржела став за Украина, но дека Вашингтон не бил задоволен од неговата содржина и одлучил да го отстрани. „Формулацијата не беше добра, па Соединетите Американски Држави ја отстранија. Мислам дека тоа беше добро“, рече Стуб, коментирајќи ја одлуката на американската администрација да не ја спомнува Украина во заедничката декларација. Финскиот претседател не откри што точно пишувало во избришаниот дел од документот, ниту кој ја предложил неговата содржина. Тој наведе дека деталите за подготовката на декларацијата станале познати за време на разговорите зад затворени врати во Берлин. На 19 ноември таму се состанаа претставници на таканаречената „Коалиција на подготвените“ – група европски и други земји кои ја поддржуваат Украина. Главни теми на разговор беа продолжувањето на помошта за Киев и можноста за завршување на војната. Трамп им се јавил на европските лидери од авионот. Стаб, исто така, потврди дека Трамп, откако ја напуштил Кина, ги повикал учесниците на состанокот во Берлин од претседателскиот авион „Ер форс уан“ (Air Force One). Притоа, тој им ги пренел деталите од разговорите со Путин и Си. Според финскиот претседател, Трамп изјавил дека војната во Украина мора да заврши, за Европа да може да ги насочи средствата кон други потреби. Стаб, сепак, нагласи дека тоа не претставува повик за прекин на помошта за Украина. „Според тоа, немаше повик да се престане со поддршката за Украина“, изјави финскиот претседател, отфрлајќи ги толкувањата дека американскиот лидер побарал од европските сојузници да ја намалат или да ја прекинат поддршката за Киев. Трамп, Путин и Си се сретнаа на 19 ноември во кинескиот град Шенжен. По средбата, тие објавија заедничка декларација за меѓународниот мир и безбедност, во која не се споменува руската инвазија врз Украина. Документот опфаќа реформи во Обединетите нации, намалување на нуклеарните ризици, зголемување на понудата на нафтени деривати, како и почитување на имунитетот на државните функционери пред меѓународните судови. Во декларацијата се упатува повик до Меѓународниот кривичен суд да не ги злоупотребува своите овластувања Инаку, во 2023 година, тој суд издаде налог за апсење на Путин поради сомневање за незаконска депортација на украински деца во Русија. Иако тројцата претседатели разговараа за Украина, нивната средба не доведе до договор за прекин на огнот.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПротестен марш во Охрид против насилството врз жените по случајот со 26-годишната Сара 15:00Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33МВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08
Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33
Нови пријави за сексуално насилство врз деца: Дали казните и законските рокови ги штитат жртвите?15:08
НаукаВештачката интелигенција можеби го решила еден од најголемите математички проблеми на сите времињаМатематичарот Левент Алпоге, кој работи за американската компанија за вештачка интелигенција „Антропик“ (Anthropic), тврди дека ја решил Римановата хипотеза – еден од најпознатите нерешени математички проблеми во светот.Математичарот Левент Алпоге, кој работи за американската компанија за вештачка интелигенција „Антропик“ (Anthropic), тврди дека ја решил Римановата хипотеза – еден од најпознатите нерешени математички проблеми во светот – со помош на системот за вештачка интелигенција на компанијата, „Клод“ (Claude). Доколку неговото откритие се потврди, тоа би претставувало голем пробив во математиката, како и доказ дека вештачката интелигенција може да помогне во решавањето на проблеми што со децении им задаваат главоболки на врвните светски научници. Во петокот, Алпоге објави документ од четири страници во кој објаснува како дошол до потенцијалното решение користејќи го „Клод“. Засега, неговите тврдења сè уште не поминале низ целосна, независна проверка од страна на математичката заедница. Римановата хипотеза била предложена од германскиот математичар Бернхард Риман во 1859 година. Таа се однесува на распределбата на простите броеви – односно, броевите што се делливи само со еден и со самите себе. На пример, 2, 3, 5, 7 и 11 се прости броеви. Иако тие се појавуваат според одредени математички правила, нивната распределба меѓу сè поголемите броеви останува нецелосно објаснета. Римановата хипотеза поставува одредено математичко правило поврзано со оваа распределба. Во текот на децениите, научниците собрале многу докази во нејзина полза, но сè уште никој не успеал да докаже дека таа секогаш важи. Алпоге откри дека со месеци соработувал со „Клод“ (Claude) на различни математички проблеми. Тој тврди дека вештачката интелигенција одиграла особено клучна улога во завршните фази од работата на Римановата хипотеза. „Јас и ’Клод‘ одлично се забавувавме во текот на изминатите неколку месеци, работејќи на најразлични проблеми, но овој пат, токму пред самата цел, ’Клод‘ значително ме надмина“, напиша Алпоге во документ објавен на неговата веб-страница. „Не, ’Клод‘ лебдеше, танцуваше и блескаше токму на самата цел“, додаде математичарот, опишувајќи ја улогата на вештачката интелигенција во пронаоѓањето решение за проблем што математичарите се обидуваат да го решат повеќе од век и половина. Доказот се состои од 17 милиони линии компјутерски код. Алпоге го објави наводниот доказ во форма на приближно 17 милиони линии код, напишани во програмскиот јазик „Лин“ (Lean). Станува збор за систем што му овозможува на компјутерот чекор по чекор да ги проверува математичките докази. За разлика од конвенционалните академски трудови, во кои математичарите ги објаснуваат своите заклучоци користејќи формули и текст, најголемиот дел од овој доказ е напишан во формат што може да биде проверен од компјутерска програма. Алпоге изјави дека соработката со вештачката интелигенција резултирала со повеќе од 250.000 страници математички материјал. Тој исто така призна дека сè уште не го разгледал целосно секој дел од обемниот доказ што го објавил. Компјутерот го прифаќа доказот, но експертите бараат верификација Алекс Конторович, професор по математика на Универзитетот „Ратгерс“, објасни дека математичарите обично мораат да го прочитаат секој дел од еден доказ и да потврдат дека сите заклучоци се точни. Во овој случај, голем дел од таа работа ја врши компјутер. Конторович истакна дека иако компјутерскиот систем го прифаќа претставениот доказ, тоа не значи дека тој лично го разбрал. Тој нагласи дека научниците мора детално да го проучат математичкото расудување. „Дали тоа значи дека го разбирам? Сè уште не. Но, компјутерот е исклучително прецизен – многу повеќе од мене – па ако успеете да го задоволите компјутерот, голема е веројатноста дека ќе ме задоволите и мене“, рече Конторович. Римановата хипотеза е еден од седумте главни математички проблеми за кои Институтот за математика „Клеј“ во 2000 година понуди награда од еден милион долари за секое докажано решение. Неколку часа по објавата на Алпоге, Институтот сè уште ја наведуваше Римановата хипотеза како нерешена на својата веб-страница. За еден доказ официјално да биде прифатен, потребна е темелна стручна рецензија. Претседателот на Институтот, Мартин Бридсон, изјави дека оваа објава би можела да биде од историско значење и да го промени нашето разбирање за можностите на вештачката интелигенција. Сепак, тој предупреди дека пред математичарите сè уште претстои многу работа.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook