„Не го нареков „тато“- Руте се правда по гафот со Трамп и предизвика бура коментари (ВИДЕО) - Канал 5

Свет

„Не го нареков „тато“- Руте се правда по гафот со Трамп и предизвика бура коментари (ВИДЕО)

Генералниот секретар на НАТО, Марк Руте, очигледно бил принуден да ја промени својата приказна и да ги повлече своите зборови откако предизвика бура со коментар во кој го нарече американскиот претседател Доналд Трамп „тато“.

„Не го нареков „тато“- Руте се правда по гафот со Трамп и предизвика бура коментари (ВИДЕО)

За време на состанокот на лидерите на НАТО во Хаг, Руте и Трамп се сретнале веднаш откако американскиот претседател дал контроверзна изјава за војната меѓу Иран и Израел.

„Имаме две земји кои се борат толку долго и толку силно што веќе не знаат што прават“, рекол Трамп, користејќи пцовка во свој стил, објавува „Дејли меил“.

На ова, Руте коментирал: „Тато мора да користи силни зборови за да ги вразуми“, алудирајќи на употребата на суровата реторика од страна на Трамп за да ги доведе Израел и Иран до прекин на огнот.

Трамп се согласил и додал: „Мора да користите силни зборови. Од време на време, мора да се користи одреден збор“.

Забелешката на Руте, сепак, предизвика реакции низ целиот свет, а поранешниот холандски премиер брзо се обидел да ја ублажи својата изјава, тврдејќи дека буквално не го нарекол американскиот претседател „тато“.

„Не, не го нареков тато. Она што го кажав е дека понекогаш европските земји велат: „Еј Марк, дали САД ќе останат со нас?“ И реков дека звучи како дете кое го прашува својот татко: „Дали ќе останеш во семејството?“ Па го употребив терминот „тато“ во тој контекст, не мислејќи директно на претседателот Трамп“, објасни Руте.

Трамп, сепак, се чинеше дека доста се забавува од коментарот. На прес-конференцијата на крајот од самитот, еден новинар го праша како се чувствува кога Руте го нарече „тато“.

„Мислам дека му се допаѓам! Ако не му се допаѓам, ќе ти кажам и ќе се вратам и ќе го удрам силно, во ред?“, одговори Трамп со насмевка.

До него стоеше државниот секретар Марко Рубио, поранешен сенатор од Флорида, кој не можеше да не се смее и видливо се насмевна за време на разговорот.

Ова не е прв пат Трамп јавно да користи несоодветен јазик. Тој употреби пцовка за време на претседателската кампања во 2016 година, а претходно оваа година го употреби зборот „сра*е“ во јавно обраќање.

За време на средбата со Руте, Трамп изрази увереност дека прекинот на огнот меѓу Иран и Израел ќе се одржи.

„Тие повеќе нема да се борат, доста им е. Како две деца на училишно игралиште, кои се борат додека не ги оставите да се истрошат две или три минути, а потоа лесно можете да ги разделите“, рече американскиот претседател.

Метафората на Трамп за „двор“ и „деца“ го натера Руте да го употреби терминот „тато“, што подоцна предизвика дополнителни прашања од новинарите: „Дали Трамп навистина ги гледа сојузниците на НАТО како некакви деца?“

Порано во текот на денот, членките на НАТО се согласија со долгогодишното барање на Трамп за значително зголемување на трошоците за одбрана.

Повеќето од 32-те членки на НАТО се согласија со формулата дека „Сојузниците ќе инвестираат пет проценти од БДП годишно за основни трошоци за одбрана и сродни безбедносни трошоци до 2035 година“.

Сепак, Шпанија се спротивстави на обврската, велејќи дека ќе ги зголеми своите трошоци само на два проценти, потег што Трамп остро го критикуваше, најавувајќи воведување високи царини за шпански стоки.

„Не знам во што е нивниот проблем. Тоа е неправедно кон другите членки. Тие сакаат да добијат бесплатен превоз, но ќе мора да го надоместат тоа преку трговија“, рече Трамп.

Иако Шпанија е дел од Европската унија, која води трговски преговори во име на сите 27 членки, Трамп рече: „Ќе преговарам директно со Шпанија. Ќе го направам тоа сам.“

Конечно, на прашањето дали Европа може да се одбрани без САД, Трамп одговори: „Прашајте го Марк, мора да го прашате Марк, во ред?“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче дебело профитираа за време на кризите

Денес Владата на ВМРО ДПМНЕ е со конкретни мерки за горивата и заштита на стандардот на граѓаните.

ВМРО-ДПМНЕ: СДС и Филипче дебело профитираа за време на кризите

Кога СДС нема што да понуди им останува само политичката критика но веќе им е познато на граѓаните дека на СДС се им смета па дури и конкретни мерки за заштита на стандардот како мерките кои ги превзема Владата на ВМРО ДПМНЕ за горивата.

СДС 7 години го крадеа народот, ја распродаваа и омаловажуваа државата и ги понижуваа граѓаните. СДС и Филипче во време на криза профитираа за денес да се луксузираат на јахтите со Заев по Егејот.

За разлика од СДС и ДУИ денес нема фудбалчиња по канцелаарии, нема банди по улиците, нема марихуана економија, нема распродавање на државните интереси.

Денес Владата се грижи за животниот стандард на граѓаните и превзема конкретни мерки. Во однос на горивата мерки веќе има, намелени акцизи, и ќе се донесат и нови мерки со што наместо зголемување ќе има намалување на цената на горивото.

Владата на ВМРО ДПМНЕ продолжува да го штити стандардот на граѓаните.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер