На ИФФК „Браќа Манаки“ претставен дел од тимот на македонскиот филм „Мајка“ - Канал 5

Култура

На ИФФК „Браќа Манаки“ претставен дел од тимот на македонскиот филм „Мајка“

Интернационалниот фестивал  на филмската камера „Браќа Манаки“ денеска во Битола претстави дел од тимот на македонскиот филм „Мајка“ кој синоќа го отвори најновото издание на фестивалот на кинематограферите.

На ИФФК „Браќа Манаки“ претставен дел од тимот на македонскиот филм „Мајка“

Филмот е баран насекаде и тоа е големо задоволство за тимот, истакна Лабина Митевска, која настапи во филмот „Мајка“.

-Фантастично е чувството да се има филм што толку многу и секојдневно го бараат за емитување. Навистина мене ми е задоволство и чест што тоа го постигнавме. Филмот е снимен со буџет од 4 милиони евра, а имавме 20 денови за снимање во Белгија и 12 денови во Калкута, Индија. Истовремено имавме филмска ѕвезда како што е Наоми Рапасе. Тоа што требаше да се сработи за нас беше како еден сон, а истовремено и кошмар за да се профункционира, но гледано од денешен аспект, успеавме, истакна Митевска.

Како што е познато, филмот „Мајка“ сведочи за периодот од 1948 година кога во Калкута, Мајка Тереза, настојничка на Манастирот на сестрите од Лорето, со нетрпение го чека писмото ѓто конечно ќе и овозможи да го напушти манастирот и да оформи нов ред како одговор на повикот што го добила од Бога.

-Сакав со моите технички инструменти, да ги преточам во слика сите барања на режисерката. Снимавме со голема ѕвезда, актерката Наоми Рапасе, а паралелно имав големи барања од режисерката, но знам дека успеавме бидејќи се што работевме пишував во мојот бележник. Има режисери кои работат конвенционално без да го користат својот потенцијал, но во овој случај тоа не беше така и јас имав можност да го презентирам целото мое искуство, да ги доловам сите чувства врзани со мајка Тереза и се прикажавме со техничките средства што ни беа на располагање, истакна кинематограферката Виржини Сен Мартан.

Филмот „Мајка“ на режисерката Теона Стругар Митевска е македонско-белгиска-шведска, индијска-данска копродукција и конкурира за главните фестивалски награди на ИФФК „Браќа Манаки“.

Тагови: Браќа Манаки мајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: СДС, ДУИ и Таравари не бараат одговорност од Валбон Лимани затоа што е нивен кандидат

Кога Валбон Лимани вели дека не чувствува никаква одговорност за скандалот со водата во Гостивар, СДС, ДУИ и Таравари молчат.

Петрушевски: СДС, ДУИ и Таравари не бараат одговорност од Валбон Лимани затоа што е нивен кандидат

Истите оние кои секојдневно зборуваат за отчетност и бараат оставки, денес не бараат ниту извинување, ниту политичка, ниту морална одговорност од својот кандидат Валбон Лимани.

Очигледно, за СДС, ДУИ и Таравари одговорност постои само кога се работи за политички противници. Кога се работи за нивните кадри, тогаш следуваат молк, оправдувања и заштита.

Дали Валбон Лимани има политичка заштита од СДС, ДУИ и Таравари? Или за нив е поважно да го заштитат својот кандидат отколку да им објаснат на граѓаните како дојде до скандалот со водата?

Граѓаните заслужуваат одговорност, а не молк. СДС, ДУИ и Таравари должат одговор дали стојат зад ставот на Валбон Лимани, дека никој не треба да понесе одговорност за она што му се случи на Гостивар.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Оливер Спасовски ќе гостува вечерва во Вести Плус

Вечерва во Вести Плус ќе гостува Оливер Спасовски

Оливер Спасовски ќе гостува вечерва во Вести Плус

Почитувани, вечерва во Вести Плус ќе гостува Оливер Спасовски

Кој ќе понесе одговорност по масовното труење во Гостивар?

Зошто институциите повторно потфрлија во заштитата на граѓаните?

Успеа ли СДСМ да се консолидира и да фунционира како конструктивна и силна опозиција?

Може ли земјава да напредува кон ЕУ без нови условувања, ќе најдат ли власта и опозицијата заеднички јазик?

Јана Јосифоска во Вести Плус со Оливер Спасовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Конституиран Советот на стопанственици во Општина Кисела Вода

На првата седница презентирани новите Владини мерки за поддршка на бизнисот и вработување на млади.

Конституиран Советот на стопанственици во Општина Кисела Вода

Денес, во просториите на Општина Кисела Вода се одржа конститутивната седница на новоформираниот Совет на стопанственици на Кисела Вода, на која присуствуваше и заменикот-министер за економија, Марјан Ристески и заменик директорката на Агенцијата за вработување Весна Пешова. Пред претставниците на локалната деловна заедница беа презентирани најновите мерки од Оперативниот план за вработување, креирани од Владата, со особен фокус на поддршката за младите и отворањето нови работни места.

Градоначалничката на Општина Кисела Вода Бети Стаменкоска Трајкоска истакна дека овој Совет претставува значаен мост помеѓу локалната самоуправа, централната власт и деловниот сектор.

-Вие сте гласот на бизнис секторот, но и најбрзиот канал преку кој корисните информации ќе стигнат до секој еден стопанственик во Кисела Вода. Изразувам голема благодарност до Владата за континуираните напори и креирањето реални мерки за поддршка на стопанството, како и до заменик-министерот Ристески и до заменик директорката на Агенцијата за вработување Пешова за денешното присуство и исцрпната презентација-порача градоначалничката во своето обраќање.

Во конструктивна дебата, пред присутните стопанственици, од страна на заменик министерот за економија Марјан Ристески и од заменик директор на Агенцијата за вработување Весна Пешова, беше детално презентирана подмерката „Вработување и раст на правни субјекти“, која располага со вкупен буџет од околу 5,4 милиони евра. Најголем акцент е ставен на младите луѓе до 29 години, за чие вработување компаниите можат да добијат неповратна финансиска поддршка од 250.000 денари.

Дополнително, мерката предвидува грантови од 160.000 до 220.000 денари за вработување на другите категории невработени лица, како и нов стимулативен бонус од 10% дополнителни средства за вработување на лица-повратници. Една компанија може да добие поддршка за вработување на најмногу 5 лица.

На средбата своја презентација имаше и извршниот директор на Шведско-македонската стопанска комора, Самуил Наумовски Викиус, кој воедно е и член на Совет на стопанственици на Кисела Вода. Седиштето на оваа Комора од неодамна е лоцирано токму во општина Кисела Вода.

Општина Кисела Вода апелира до сите претпријатија да ги искористат овие одлични поволности за финансиска инјекција и развој на своите бизниси.

Детални информации работодавачите можат да добијат во работните клубови на Центрите за вработување секој работен ден од 08:00 до 14:00 часот, на телефонскиот број 02/3111-850, како и на веб-страницата на Агенцијата за вработување на Република Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер