„Многумина мислат дека ми е дедо и ме нарекуваат „спонзоруша“, а тој е во пензија“ (фото)

Оваа жена има 28 г. додека нејзиниот сопруг има 70 г.

Џеки Епштајн и Дејвид се запознале преку Интернет, на една страница за запознавање, тогаш таа имала 21 г., а тој 63 г. Сепак меѓу нив се родила љубов.

Џеки Епштајн (28) е Филипинка која е во брак со Дејвид (70), Американец кој е 42 години постар од неа. Познато е дека на Филипините различно се гледа на односот меѓу помладите жени и многу постарите мажи, па во оваа егзотична земја тоа е речиси секојдневна појава. Од друга страна, пак, во Америка, парот често на социјалните мрежи се соочува со погледи на осуда и злобни коментари. Џеки е многу привлечна и витална жена, додека Дејвид изгледа прилично старо, па многумина кога ќе го видат парот помислуваат дека тој ѝ е дедо.

Барајќи ја љубовта на својот живот, парот се запознал преку сајт за запознавање во 2016 година. Откако се допишувале, Дејвид отпатувал на Филипините за да ја запознае Џеки, која тогаш имала само 21 г. Таму се виделе неколку пати, и тоа било доволно за овој Американец да се заљуби во неа. Откако се вратил дома, размислувал и донел одлука да ја запроси младата Филипинка. Бил воодушевен кога таа се согласила. Тие се во брак 5 години и се сакаат исто како првиот ден.

-Никогаш не зажалив што се омажив за Дејвид, тој е навистина добар човек. Тој ме сака и почитува. Што се однесува до разликата во години, немаме никакви проблеми со неа - објаснила Епштајн за медиумите, а за тоа пишуваше и Сан.

Парот честопати на социјалните мрежи објавува фотографии и видеа од нив споделувајќи ја нивната љубовна приказна со други парови кои имаат слична разлика во годините. Оваа млада жена истакнува дека иако секогаш има одреден број на непријатни коментари, мнозинството луѓе ја поддржуваат нивната врска.

-Оние што не нè поддржуваат коментираат дека јас сум „спонзоруша“, а Давид е мојот „спонзор“, но тоа навистина не е така. Тој е во пензија, живееме во Калифорнија, точно е дека тој плаќа најголем дел од сметките, но и јас работам во локалниот маркет, додека парите што ги заработувам ги испраќам на моето семејство на Филипините кои се во многу тешка финансиска ситуација. Дејвид и јас одлично функционираме - објаснува Џеки.

Коментарите беа поволни и за парот:

- Таа вели дека ја сака и почитува, а тоа е најмногу што мажот може да го направи за една жена.

- Ти посакувам среќа.

- Според изразот на вашите лица, се гледа дека се сакате. Навивам за вас.

- Реално, навистина изгледа како да ѝ е дедо, но ако таа има подобар живот со него, а тој со неа, зошто да не!

- Уште еден доказ дека годините се само бројка.

Пад на заболени од грип, вирусот најактивен во Кавадарци и Ресен

Во текот на седмата недела од 2024 година, од 12 до 18 февруари, во  Македонија се пријавени 1.384 случаи на групни пријави за заболени од грип - заболувања слични на грип. 

Тоа претставува 26,2 отсто помалку во споредба со претходната недела. Бројот на пријавени лица оваа недела, споредено со седмата недела од минатата сезона, е зголемен за 1,7 пати, се наведува во најновиот извештај на Институтот за јавно здравје.

- Заболените се пријавени од 30 ЦЈЗ/ПЕ, во Кавадарци - 302, Струмица - 177, Скопје - 151, а во останатите, бројот на пријавени е помал или еднаков на сто. Во девет извештајни единици што пријавија случаи во текот на оваа недела, се регистрира многу ниска, во 11 сезонска, во пет средна, во Дебар, Крушево и Кратово - висока и во Кавадарци и Ресен - многу висока активност на вирусот на грип, пишува во извештајот.

Во однос на возрасната дистрибуција, 781 лице се на возраст од 15 до 64 години, 341 се деца на возраст од пет до 14 години, 143 се лица на возраст над 65 години и 119 се деца на возраст до четири години. Највисока инциденца се регистрира кај децата на возраст од пет до 14 години.

Во сезоната 2023 - 2024, вкупниот број случаи на грип - заболувања слични на грип, изнесува 11.921, што во споредба со истиот период од минатата сезона, бројот на пријавени случаи е зголемен за 62,8 отсто, а во однос на моделот од последните 13 сезони, има намалување од 10,0 проценти.

Во досегашниот тек на сезоната на грип, регистрирани се девет починати лица асоцирани со грип.

Заклучно со седма недела, во државата вакцинирани се вкупно 61.702 лица со бесплатна или комерцијална вакцина против грип.

Новите корисници на ученички и студентски стипендии ги добија средствата со месец февруари

Новите корисници на ученички и студентски стипендии ги добија средствата заклучно со месец февруари

Министерството за образование и наука информира дека исплатени се ученичките и студентските стипендии на сите нови корисници, кои доставиле договор за стипендија во предвидениот рок. Станува збор за 3300 ученици и 3000 студенти, нови корисници на кои исплатени им се средства заклучно со месец февруари 2024 година.

Одбиените кандидати за стипендија ќе имаат можност за жалба, откако електронски ќе го добијат решението во кое ќе биде наведена причината поради која апликацијата не е прифатена. Електронската испорака на решенијата се врши преку порталот https://e-uslugi.mon.gov.mk и документот се доставува директно на профилот на ученикот, односно студентот. Ова е новина која за прв пат се воведува годинава.

Роковите за жалба ќе течат од моментот кога ученикот/студентот ќе го прими решението. Изработката и испраќањето на решенијата се одвива етапно, по групи на стипендии и сите апликанти за стипендија ќе добијат решение.

Министерство за образование и наука

Лозановска: ВМРО-ДПМНЕ нема да дозволи никогаш повеќе да се прави пиар со болни како со Леонид

ВМРО-ДПМНЕ нема да дозволи никогаш повеќе да се прави пиар со болни како што е случајот со Леонид, а пари за лекување нема затоа што СДС и ДУИ седум години само местеа тендери и крадеа.

ВМРО-ДПМНЕ нема да дозволи никогаш повеќе да се прави пиар со болни како што е случај со Леонид, а пари за лекување нема затоа што СДСМ и ДУИ, седум години само местеа тендери и крадеа.

Владеењето на СДС и ДУИ многу ги чини граѓаните, цената на чинење често во овие седум години се покажа дека е и во човечки животи.

Последен случај е оној со младиот Леонид Индов со кој се сликаа и наводно го пратија на лекување на 6 февруари, но за две недели веќе му рекоа нема да се плати лекувањето.

Фондот за здравствено осигурување вели барањето за Леонид било за извршување медицинска услуга-рехабилитација, а не упатување на лекување, односно законот познавал само лекување, а не и услуги.

Прво, зарем рехабилитацијата не е лекување, а второ, ако треба да се прецизира во закон што правеле седум години.

Дополнително на ова на страна 142 од програмата на СДСМ за парламентарните избори во 2016 година насловена како План за живот, ветуваа Фонд за лекување во странство на деца до 18 години.

Леонид има 18 години, ама Фондот ветен за лекување во 2016 го нема.

Во целиот овој случај, како и во сите други кога станува збор за лекување, поентата е да се делува, да се лекува, а не менаџерите во здравството да се фотографираат со пациентот.

На сите им е јасно дека пари за лекување нема затоа што оваа ненародна власт само крадеше седум години, местеше тендери. Затоа сведочевме на случајот Онокологја, местење на тендери како последниот за РЕК Битола.

Нема да дозволиме наместо Фондот за здравство да обедзбедува средства за лекување, тоа да го прават граѓаните.

ВМРО-ДПМНЕ во иднина нема да дозволи вакви злоупотреби на болни лица. Нема да дозволиме никогаш повеќе да се прави пиар од болни лица.

ВМРО-ДПМНЕ ќе направи се за да се обезбедат средства за лекување, а не да го краде народот како што тоа се случуваше седум години.

Олга Лозановска, член на ИК на ВМРО-ДПМНЕ и пратеник

Центар за комуникации на ВМРО-ДПМНЕ

притисни ентер