,,Ми се закануваа дека ќе ме убијат , но за Божик сум слободен” – најпознатиот турски НБА играч откри зошто зборувал против Турција

,,Нема ништо за мене што повеќе би сакал да го правам отколку да играм кошарка. Тоа е мојата животна страст и моето бегство. “

,,Секојпат кога доаѓам да играм во нов град, јас сум понизен и инспириран од неверојатните фанови, кои ме охрабруваат да бидам тој што сум. Но, не можев да одам во градови надвор од САД. Мојот тим мораше да патува без мене, што е тешко да се прифати за некој како мене, некој кој го цени пријателството и тимската солидарност. Причината - зборував против турската држава, вели во интервјуто за „ The Globe And Mail “кошаркарот на Бостон Селтикс, Енес Кантер.

,,Десетици илјади невини Турци, вклучително и деца и бремени мајки, беа затворени во 2016 година по неуспешниот удар врз авторитарниот турски лидер Реџеп Таип Ердоган. Според него, тоа било „дар од Бога“ што му помогнало да ја уништи опозицијата, да ја прочисти армијата и да ја трансформира целата земја според неговата желба. И како да не беше доволно, повеќе од сто турски дисиденти кои бараат прибежиште во други земји, вклучувајќи го и Балканот, беа киднапирани и испратени во затворите во Турција. Благословен сум што сум во САД, а не во влажна затворска ќелија.

Владата на Ердоган стана толку моќна што може да ги стигне своите противници преку границите. Владата ми беше толку лута за моите постапки против злоупотребите на човековите права, што издаде црвено барање за мое апсење преку Интерпол, па дури и испрати насилници да ме малтретираат на улиците во Бостон. Еден турски министер замина за Њујорк за да ги охрабри приврзаниците на Ердоган да ги ограничат моите активности и слободата во САД. Секојпат кога ќе се сретнам со јавна личност или политичар, турските дипломати интервенираат, заканувајќи се и ги обесхрабруваат повторно да ме сретнат.

Примам смртни закани скоро секој ден. Веќе преживеав обид за киднапирање во Индонезија. Не знам што ме чека секој пат кога патувам некаде. Поради тоа, принуден сум да пропуштам некои натпревари, како оној во Лондон на почетокот од оваа година. Само затоа што тоа го сака автократ на 5000 милји далечина. Прашање е дали можам да патувам во Торонто и да играм против Рапторс на Божиќ.

Немав илузии дека мојот активизам ќе помине без последици. Но, непропорционалната одмазда на турската влада поради тоа, имаше огромна цена за мојот личен живот, моето семејство и секој што ме поддржуваше.

Постојат јавни личности кои завршуваат во затвор само за пораки со мене. Има навивачи кои, наводно, се под истрага за тоа што го имаат мојот автограм или се сликале со мене. Сестра ми, која е доктор, не може да добие работа затоа што го има истото презиме како моето. Татко ми, добро образован човек, беше отпуштен од работа и уапсен, а мајка ми со години не комуницира со мене од страв дека може да се најде во неволја. Сите ова се обиди да ме замолчат.

Сепак, западниот свет не треба да му дозволи на Ердоган да малтретира дисиденти кои избегаа и бараат засолниште.

Кој е Русинот , од чиј брод се истовари ѓубривото што експлодира во Бејрут?

Игор Гречушкин, руски државјанин со наводно место на живеење на Кипар, е сопственик на бродот што ја превезувал опасната стока што експлодирала во Бејрут.

Станува збор за 2.750 тони амониум нитрат, хемиско соединение што нормално се користи како вештачко ѓубриво, но во одредени ситуации може да се користи и како експлозив - или ненамерно да предизвика експлозија, како што, за жал, се случи во пристаништето во Бејрут.

Имено, ѓубривото се чувало во хангар во пристаништето од 2014 година до денес, без мерки за безбедност кои би ја спречиле катастрофата што се случи.

Со тој товар, бродот под молдавското знаме „МВ Розус“ се заглавил во пристаништето во Бејрут. Сепак, неговата дестинација не бил Либан, туку Мозамбик.

Капетанот Борис Прокошев, наводно, го запрел брод во Грција за да наполни гориво кога неговиот сопственик Гречушкин, наводно директорот на „ Teto Shipping “, јавил дека компанијата снемала пари и ќе мора да собере дополнителен товар во Бејрут за да ги покрие патните трошоци.

Рускиот портал Сибирјан Тајмс пишува дека бродот запрел во Бејрут поради дефект.

Во секој случај, кога бродот се вкотвил во Бејрут, локалните пристанишни власти го притвориле поради „груби прекршувања во управувањето со бродот“, т.е. „недостаток на документи и услови потребни за превоз“, неплатени пристанишни такси и поплаки од рускиот и украинскиот екипаж.

Екипажот од осум Украинци и двајца Руси бил принуден да остане на бродот, а сопственикот Гречушкин прогласил банкрот и едноставно „го напуштил бродот“. Либанските власти на крајот ослободиле шест од десетте членови на екипажот, а четворица останале заробени на бродот полн со експлозивен товар скоро една година.

„Тој ни рече дека банкротирал и, иако не му верувам, најважно е што ги крена рацете и од својот екипаж и од неговиот товар“, изјави еден од работниците.

"Морнарите беа на бродот 11 месеци. Имавме малку потрошен материјал. Му пишував на Путин секој ден. На крајот, моравме да продаваме гориво за да ангажираме адвокат со тие пари. Сопственикот не ни обезбеди храна или вода", рече капетанот Прокошев.

Гречушкин не одговори на прашањата на новинарите.

Според е-пораките разменети меѓу Прокошев и неговиот адвокат Шарбел Дагуер, амониум нитратот бил растоварен во пристаништето во Бејрут до ноември 2014 година и оставен во магацин. Властите тогаш го држеле таму шест години, и покрај предупредувањата од либанскиот царински директор Бадри Дахер дека станува збор за „исклучително опасен“ товар.

Си-Ен-Ен доби документи кои покажуваат дека Дахер и неговиот претходник Мерхи во повеќе наврати се обратиле до судовите во Бејрут со цел да се обидат да го складираат опасниот товар на друго место.

Дахер, кој залудно предупредувал дека товарот е еквивалентен на „лебдечката бомба“, потврди за Си-Ен-Ен дека неговата канцеларија испратила „шест писма до правните тела“, но дека властите никогаш не одговориле на ниту еден од нив.

Западна Европа ја очекува рекордно топол период

Западна Европа се подготвува за силен топлотен бран што ќе донесе екстремни температури веќе втор викенд по ред, пишува Си-Ен-Ен.

Англија утре ќе се приближи до највисоката температура оваа година, што беше измерена за време на минатонеделниот топлотен бран . Највисоката температура во петок ќе се приближи до историскиот рекорд од 38,7 степени, што е забележано во јули минатата година, покажува прогнозата на британската метео служба.

Канцеларијата Мет веќе издаде предупредување за делови од Англија каде температурите ќе се искачат на скоро 37 степени овој викенд. Но, овој пат топлотниот бран во Лондон и околните области се очекува да трае најмалку седум дена, пренесува Си-Ен-Ен.

"Додека овој топлотен бран можеби нема да донесе толку високи температури како минатата недела, топлината ќе трае значително подолго. Минатата недела топлината беше проблематична само за еден или два дена. Овој топлотен бран ќе трае во оваа област најмалку пет дена и во градовите како Париз ќе има температури над 36 степени секој ден од петок до понеделник “, рече метеорологот на Си-Ен-Ен Тејлор Вард.

За францускиот главен град се предвидува дека температурата ќе биде повисока од 32 степени секој ден за целата наредна недела. Во Белгија ќе биде до 14 степени потопло од просекот на некои места, со највисоки температури над 32 степени. Во текот на викендот ќе биде 34 или 35 степени во Брисел. Во Амстердам и другите делови на Холандија може да достигне до 32 степени во текот на викендот. Над просечната температура може да остане во Западна Европа следните девет дена.

"Кога топлотниот бран трае долго, ефектите може да се мултиплицираат . Многу домаќинства во овој регион немаат климатизација и кога температурите се искачуваат на околу 35 степени, зградите повеќе не можат да се ладат, ставајќи ги во опасност луѓето, особено постарите и оние со здравствени проблеми“, заклучи Вард.

На „Блато" запленети се вкупно 370 килограми марихуана

Албанската полиција доцна вечерва соопшти дека количината на запленетата марихуана на граничниот премин „Блато" на албанско-македонската граница кај Дебар е многу поголема од количината за која информираа медиумите.

– По целосното мерење на запленетата дрога утврдено е дека во камионот кој беше контролиран на преминот „Блато" откриена е количина од 370 килограми. Дрогата беше откриена при излез од албанска територија во камион марка „мерцедес" со албански сообраќајни ознаки, со лого на производител на мебел, управувано од лицето Флориан Алимани(26) од пограничното село Долно Ѓурица. Крајната дестинација била Северна Македонија, стои во вечерашното соопштение од полицијата.

Оттаму информираат дека истрагата продолжува во соработка со македонската полиција со цел да се идентификуваат сите лица вмешани во трговијата со дрога од двете страни на границата.

Дрогата е откриена при втората контрола, а била скриена во посебен простор поставен над подот на возилото. Била натоварена во Пешкопеја.

Според полицијата, успешната акција е резултат на засилените контролни мерки со цел спречување секаков обид за шверц на дрога и спречување на било какви меѓугранични криминални дејствија.

Ова е најголема количина на дрога запленета на двете страни од овој граничен премин./MИА

притисни ентер