„Мета“ ќе ги надградува своите модели со вештачка интелигенција во ЕУ со користење на објави - Канал 5

Технологија

„Мета“ ќе ги надградува своите модели со вештачка интелигенција во ЕУ со користење на објави

„Мета“ ќе ги надградува своите модели со вештачка интелигенција во ЕУ со користење на објави на полнолетни лица.

„Мета“ ќе ги надградува своите модели со вештачка интелигенција во ЕУ со користење на објави

Американската компанија „Мета“ најави дека нејзините онлајн платформите „наскоро“ ќе почнат со надградба на своите модели за вештачка интелигенција во Европа со користење на содржините што ги споделуваат нивните полнолетни корисници од Европската Унија.

Компанијата соопшти и дека корисниците на нејзините платформи, како „Фејсбук“, „Инстаграм“, „ВатсАп“ и „Месинџер“, ќе имаат право да се спротивстават на употреба на нивните податоци.

Според најавата, платформите од „семејството на Мета“ ќе ги употребуваат објавените содржини на нивните корисници, како објави и коментари, како и интеракциите со вештачката интелигенција, за да ги подобри своите модели за потребите на европските корисници.

Како што јави ДПА, овој потег следи откако Европскиот одбор за заштита на податоци потврди дека компанијата е усогласена со законските обврски на ЕУ, дозволувајќи и да продолжи со своите иницијативи поврзани со вештачката интелигенција, што беа блокирани лани поради „регулаторни грижи“. По ова „Мета“ минатиот месец ги воведе своите модели на вештачка интелигенција во Европа.

„Мета“ во соопштението посочува дека иницијативата ќе и помогне на нејзината вештачка интелигенција „подобро да ги сфати различните јазици, култури и дигитално однесување во Европа, почнувајќи од регионалните дијалекти, до специфичниот хумор и сарказам“.

Веќе од оваа недела корисниците во ЕУ ќе добиваат известувања преку апликациите и електронска пошта, со кои „Мета“ ќе ги информира за користењето на содржините, притоа нудејќи и формулар за забрана за нивна употреба.

„Мета“ потврди дека ќе ги почитува сите барања за забрана на користење, нагласувајќи дека во никој случај нема да се употребуваат приватни пораки и податоци на корисници помлади од 18 години.

Компанијата посочува дека со ваквиот потег има за цел да испорача „порелевантни и локализирани алатки за вештачка интелигенција“, при тоа почитувајќи ги строгите европски стандарди за заштита на податоците. „Мета“ инсистира дека целиот процес е транспарентен и дизајниран на тој начин што ќе се почитуваат правата на корисниците.

Тагови: „Мета“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Обновени игралишта во Дебар Маало и Капиштец, побарана засилена контрола од МВР

Општина Центар ги обнови детските игралишта кај „Зебра“ во Капиштец и кај КАМ маркет во Дебар Маало, при што дотраените и оштетени реквизити се заменети со нови за  да се обезбедат побезбедни и поквалитетни услови за игра и рекреација на децата.

Герасимовски: Обновени игралишта во Дебар Маало и Капиштец, побарана засилена контрола од МВР

Градоначалникот Горан Герасимовски упати апел за зачувување на урбаната опрема , нагласувајќи дека јавниот простор е заедничка одговорност.

„На барање на жителите побаравме засилено присуство на МВР на терен, особено во вечерните часови, кога има појава на вандализам и оштетување на детските игралишта. Во општината има околу 50 детски, спортски, маалски и училишни игралишта. Даваме сѐ од себе да ги одржуваме и унапредуваме, но за жал често се соочуваме со нивно оштетување, поради што повторно вложуваме средства за нивно санирање. Апелирам до граѓаните заеднички да водиме грижа за јавното добро и да ги чуваме содржините што се наменети за сите“, порача Герасимовски.

Тој потсети дека Општина Центар иницираше измени на повеќе закони со цел поефикасно справување со девијантното однесување кај младите, меѓу кои и воведување општокорисна работа за малолетните вандали и нивните родители.

За 2026 година, Општина Центар има издвоено 12 милиони денари за обнова и реконструкција на детските и спортските игралишта на својата територија.

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: ДКСК да го истражи скандалот со Јанушев и поврзаноста со бугарска фирма

Денеска сме пред Државната комисија за спречување на корупцијата затоа што јавноста дозна за уште еден сериозен скандал кој директно го засега највисокиот врв на Владата на Мицкоски.

Кузеска: ДКСК да го истражи скандалот со Јанушев и поврзаноста со бугарска фирма

Според документи објавени во медиуми, генералниот секретар на Владата, Игор Јанушев, е поврзан со компанија регистрирана во Бугарија.

Бугарски капитал, фрима или ваква поврзаност не е наведена во неговите анкетни листови доставени до ДКСК.

ДКСК не смее да биде нем набљудувач на скандалите на власта.

ДКСК мора веднаш да отвори предмет, да ги провери сите факти, да ги побара сите документи и без одлагање да ја информира јавноста.

Дали Игор Јанушев пријавил сѐ што бил должен да пријави согласно закон или криел?

Законот предвидува и законска казна доколку се докаже дека криел удел во фирма и ќе мора да одговара.

Бидејќи Јанушев го нема втор ден институциите се должни да ги дадат одговорите.

Овој скандал го открива целото лицемерие на Мицкоски и ВМРО, целиот нивни лажен наратив.

Тераат бизнис интереси во Бугарија, не чекаат како граѓаните со часови на граници а во исто време ја блокираат европската интеграција на Македонија и ги блокираат парите од ЕУ преку фондовите.

Дали сега Јанушев, како генерален секретар на Владата, ќе поднесе оставка додека трае истрагата за неговата компанија во Бугарија?

YouTube video

Богданка Кузеска – портпаролка и членка на Извршниот одбор на СДСМ

Тагови: Богданка Кузеска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Градоначалничката Стаменкоска Трајкоска ги пречека шампионите од ФК “КУЛ”

Градоначалничката на Општина Кисела Вода, Бети Стаменкоска Трајкоска, денес оствари средба со фудбалерите и претставниците на Фудбалскиот клуб ”КУЛ”, по повод нивните одлични спортски резултати остварени во изминатата натпреварувачка сезона. 

Градоначалничката Стаменкоска Трајкоска ги пречека шампионите од ФК “КУЛ”

Повод за средбата беше двојниот успех на клубот - шампионската титула во младинската категорија и пласманот на сениорската екипа во Третата фудбалска лига.

Фудбалскиот клуб КУЛ ја одбележа сезоната со исклучителен успех на својата генерација 2010. Тимот на помладите пионери го освои првото место во Втората младинска лига. На средбата беше истакнато дека овој резултат претставува директна потврда за квалитетот, дисциплината и континуираната работа со младите категории кои се негуваат во клубот.

Покрај успехот на младинците, ФК КУЛ ја заокружи сезоната со уште еден значаен шампионски трофеј. Сениорскиот тим на клубот го освои првото место во својата лига, со што и официјално обезбеди пласман за натпреварување во третата лига од следната сезона.

Упатувајќи искрени честитки до сите играчи и тренери за остварените успеси, градоначалничката Стаменкоска Трајкоска потенцираше дека Општина Кисела Вода секогаш ќе биде искрен поддржувач на спортските таленти.

-Овој клуб е вистински пример за успешен развој на млади таленти кои со своите игри го потврдуваат квалитетот на македонскиот младински фудбал. Постигнатите резултати верувам дека се само почеток на нови спортски предизвици и уште поголеми достигнувања во иднина. Општина Кисела Вода секогаш стои зад вистинските спортски вредности и тука сме за да ги мотивираме младите да се насочат кон спортот и континуирано да напредуваат- порача градоначалничката Стаменкоска Трајкоска.

Тагови: Стаменкоска Трајкоска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер