Технологија

„Мета“ ќе ги надградува своите модели со вештачка интелигенција во ЕУ со користење на објави

„Мета“ ќе ги надградува своите модели со вештачка интелигенција во ЕУ со користење на објави на полнолетни лица.

Американската компанија „Мета“ најави дека нејзините онлајн платформите „наскоро“ ќе почнат со надградба на своите модели за вештачка интелигенција во Европа со користење на содржините што ги споделуваат нивните полнолетни корисници од Европската Унија.

Компанијата соопшти и дека корисниците на нејзините платформи, како „Фејсбук“, „Инстаграм“, „ВатсАп“ и „Месинџер“, ќе имаат право да се спротивстават на употреба на нивните податоци.

Според најавата, платформите од „семејството на Мета“ ќе ги употребуваат објавените содржини на нивните корисници, како објави и коментари, како и интеракциите со вештачката интелигенција, за да ги подобри своите модели за потребите на европските корисници.

Како што јави ДПА, овој потег следи откако Европскиот одбор за заштита на податоци потврди дека компанијата е усогласена со законските обврски на ЕУ, дозволувајќи и да продолжи со своите иницијативи поврзани со вештачката интелигенција, што беа блокирани лани поради „регулаторни грижи“. По ова „Мета“ минатиот месец ги воведе своите модели на вештачка интелигенција во Европа.

„Мета“ во соопштението посочува дека иницијативата ќе и помогне на нејзината вештачка интелигенција „подобро да ги сфати различните јазици, култури и дигитално однесување во Европа, почнувајќи од регионалните дијалекти, до специфичниот хумор и сарказам“.

Веќе од оваа недела корисниците во ЕУ ќе добиваат известувања преку апликациите и електронска пошта, со кои „Мета“ ќе ги информира за користењето на содржините, притоа нудејќи и формулар за забрана за нивна употреба.

„Мета“ потврди дека ќе ги почитува сите барања за забрана на користење, нагласувајќи дека во никој случај нема да се употребуваат приватни пораки и податоци на корисници помлади од 18 години.

Компанијата посочува дека со ваквиот потег има за цел да испорача „порелевантни и локализирани алатки за вештачка интелигенција“, при тоа почитувајќи ги строгите европски стандарди за заштита на податоците. „Мета“ инсистира дека целиот процес е транспарентен и дизајниран на тој начин што ќе се почитуваат правата на корисниците.

Тагови: „Мета“

Фудбал

Фабрегас би можел да ја преземе Рома

Тренерот на Комо, Цеск Фабрегас, би можел да ја преземе функцијата менаџер на Рома, пишува „Sky Sport“.

Управата на „Римската волчица“ го вклучила 37-годишниот Шпанец во потесниот круг на можни замени за Клаудио Раниери, кој ќе работи со тимот до крајот на сезоната.

За место во Рома се борат и поранешниот тренер на Милан, Стефано Пиоли, Франческо Фариоли (Ајакс) и Патрик Виеира (Џенова).

Фабрегас е на чело на Комо од летото 2024. Под негово водство дебитантот во Серија А се наоѓа на 11. место во поредокот со 42 бода по 34 кола.

Рома со 60 освоени бода во моментов е на шестата позиција во Италијанското фудбалско првенство. /МИА

Тагови: Рома Фабрегас

Забава

„Женкар” заврши со снимање и емитување во Турција!

Излегоа и првите информации за заработката на продукцијата од целиот проект.

Приказната за „Златното момче” и официјално е завршена, последната епизода од серијата, премиерно во Турција се емитуваше на 04.04.2025 г. а како завршува нашата омилена серија, ние ќе дознаеме кон крајот на мај.

Целиот проект оствари значаен комерцијален успех, како на домашниот така и на меѓународниот пазар.

Продукциската куќа, од емитување на 37 епизоди од серијата, заработи просечен приход од околу 2,2 милиона долари. Од меѓународна продажба серијата постигна рекордни цифри од околу 600 000 долари по епизода, додека пак од официјалниот You Tube канал имаат просечна, месечна заработка од 49 100 долари и вкупен број на прегледи кој надминува 5,1 милијарди.

Според овие податоци „Женкар” е една од најуспешните турски, серии во изминативе години, со силно прсуство и влијание како на телевизијата така и на дигиталните платформи.

Се ближи денот за збогување со нашите омилени ликови кои го освоија светот, не ги пропуштајте новите епизоди од „Женкар”, ќе се отворат многу врати, ќе се откријат многу тајни, многу од нашите драги ликови ќе си го покажат вистинското лице и најважно од сè, ќе дознаете како ќе заврши љубовната пиказна на Ферит и Сејран.

Живот

Од 2 мај ќе се наплаќа за влез со кола во националниот парк „Шар Планина“

За влез во природа, паричен надомест. Од 2 мај, Националниот парк „Шар Планина“ започнува со систем за наплата на влез на моторни возила на територијата на паркот.

Доколку возите автомобил или мотор, ќе треба да платите 150 денари. 100 денари повеќе ќе ги чини превозниците на комбиња или минибуси до 20 седишта, додека пак 450 денари ќе треба да платат автобусите и тешките моторни возила. Оваа цена како што соопштија од паркот, ќе важи за цел ден.

Ослободени од наплата пак, ќе бидат жителите на селата во рамките на паркот, сопствениците на приватни имоти и хотелски објекти.

Системот за наплата како што велат од паркот, ќе се развива во неколку фази, а првично истиот ќе важи само за недопрените предели на Шара. Туристите пак, кои одат до Попова Шапка, засега не се обврзани да платат влез.

Една од најголемите причини за воведувањето на наплата во паркот се возачите на четирицикли, кои во неколку наврати ги уништуваа патеките низ планината. Пред неколку дена, вработени во Националниот парк поставија дрвена заштита со цел да се спречи движењето на четирициклите над селото Бозовце.

Тагови: Шар Планина