„МЕЧОТ НА НЕДЕЛАТА“ Македонскиот „Пелистер“ го победи унгарскиот „ПИК Сегед“ во среде Битола! - Канал 5

Ракомет

„МЕЧОТ НА НЕДЕЛАТА“ Македонскиот „Пелистер“ го победи унгарскиот „ПИК Сегед“ во среде Битола!

Македонскиот ракометен првак Еурофарм Пелистер во „мечот на неделата“ според ЕХФ на домашен терен во преполната сала „Боро Чурлески“ во Битола го победи фаворизираниот ПИК Сегед од Унгарија  со минимални „но големи“ 25-24.

„МЕЧОТ НА НЕДЕЛАТА“ Македонскиот „Пелистер“ го победи унгарскиот „ПИК Сегед“ во среде Битола!

Дуелот по голема борба и во неизвесен финиш заврши со ртриумф на Пелистерци од 25-24. За шампионот на Макеоднија, Е. Пелистер ова беше втора победа во елитното друштво по онаа со Загреб исто така пред домашната публика и сигурно е дека ќе биде мотив за понатаму.

„Зелените“ водени од публиката спектакуларно го отворија мечот. Во најдобриот старт оваа сезона во елитното друштво, Еурофарм Пелистер обезбеди предност од 5-0 во однос на ПИК Сегед и го задржа ривалот скоро десет минути без гол од игра. Голем удел во тоа имаа и голманите Митревски и Хаидаридад, кои одбранија неколку топки.

ПИК Сегед брзаше и бркаше резултат, а гостинот од Унгарија се врати во мечот откако домашниот тим промаши напад за плус од шест гола. Од тој момент, 23. минута, нападот на македонскиот шампион влезе во криза, а ПИК Сегед до полувремето дојде на 11-8. Потоа следеше израмнување на 12-12, за комплетирање на серијата од 2-7 на гостинот. Во продолжението од дуелот во салата „Боро Чурлевски“, гледавме вистинска драма. Пелистер водеше, ПИК Сегед потоа исто така поведе со 13-14 за првпат, двата тима си го предаваа водството, а главен фактор во македонскиот тим беше пивотот Пешевски преку кого почна да се игра и врза три гола во низа. И од 20-20, следеа две одбрани на Никола Митревски, а Еурофарм Пелистер по долго време пак имаше „плус два“ (22-20).

На спротивната страна Бодо ја прекина кризата (22-21), следеше и уште еден гол на Сегед за израмнување на 22-22, на пет минути до крајот на семафорот во Битола. Калараш по кошкање со Манасков ја запали публиката, потоа даде и гол за 22-23, па Пешевски реализира за 24-24 на 100 секунди пред крајот и имаше драма. Годфридсон на минута пред крајот напраби пробивање, а на спротивната страна, Кузмановски изнуди пенал кој го реализира Богдан Радивојевиќ. Тој беше доволен за голема победа.

Жарко Пешевски имаше фантастичен меч со седум постигнати гола, пред Филип Кузмановски со четири гола, додека кај ПИК Сегед, Алустиза Гарсијандиа даде шест, а Себастијан Фримел погоди пет пати.


YouTube video

Извор: ГОЛ.МК

Тагови: еурофарм пелистер ракомет спорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кетрин Зета-Џонс: Бракот со Даглас ќе пропаднеше ако престаневме да работиме

Кетрин Зета Џонс (56) откри дека нејзиниот брак со Мајкл Даглас (81) е успешен веќе 26 години. Клучот, тврди, е што времето го поминуваат одделно, посветено на кариерата. 

Кетрин Зета-Џонс: Бракот со Даглас ќе пропаднеше ако престаневме да работиме

Холивудската двојка се заљубила пред речиси три децении, а Даглас наводно и рекол на првата средба: „Јас ќе бидам татко на твоите деца“.

Двојката која има две деца Дилан (26) и Керис (23) исто така помина низ тешки времиња. Тие накратко се разделија во 2013 година, кога на Даглас му беше дијагностициран рак на грлото, а Зета-Џонс се справуваше со биполарно растројство. Набрзо се смириле, а актерката за „The Sunday Times Culture“ објаснила како опстанала нивната врска.

„Мајкл ми вели: „Прифати ја работата, супер е“. Потоа може да лета и да ме посети. Многу е подобро отколку да се разбудите со прашањето: „Што сакаш за појадок, душо?“ Мислам дека нашиот брак немаше да опстане ако изгледаше така“, рече таа.

Посветеност на работата и семејниот живот

Додека Даглас се повлече од актерството во 2022 година по речиси 60-годишна кариера и рече дека ќе се врати само за „специјална“ улога, Зета-Џонс продолжува да работи. По успехот на серијата на Нетфликс „ Wednesday“, нејзиниот следен проект е главната улога во серијата „Kill Jackie“. Кога не снимаат, парот живее во Њујорк, каде што се преселиле откако живееле на Бермуди десет години.

Нивните деца, Дилан и Керис, исто така градат актерска кариера по завршувањето на факултетот. „Тие се обидуваат. Мора да ја следите вашата страст“, ​​рече Зета-Џонс.

Театарско деби на ќерката Керис

Керис, која дипломираше на Универзитетот Браун минатата година, дебитираше во театарот во Њујорк во јули. Таа глумеше во претставата на Чехов „Галеб“, која беше одиграна на крајот на јуни во Бруклин, а видеото од нејзиниот настап стана вирално на социјалните мрежи.

Семејна пријателка потврди дека нејзините родители се „многу горди“ на нејзиниот успех. Самата Керис зборуваше за списанието „People“ за нејзината желба да продолжи да глуми. „Пораснав во театар. Не студирав глума, но среќна сум што сум во креативна средина и се надевам дека ќе продолжам по тој пат“, вели таа.

Во 2018 година, таа го опиша растењето со познати родители за „Town & Country“: „Ме држат приземјена и ме потсетуваат: „Погледни околу себе. Животот што го имаш е извонреден“.

Извор: Индекс.хр

Тагови: Кетрин Зета-Џонс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Објавена е листа на 10-те најдобри европски дестинации за есен

Европа нуди долга и разновидна есен, со пејзажи кои се движат од планински долини и шуми до лозја, од кои сите добиваат препознатливи сезонски бои.

Објавена е листа на 10-те најдобри европски дестинации за есен

Европа може да биде навистина убава за време на есента, па затоа е објавена листа од десет европски дестинации во кои навистина може да се ужива по летото.

10 европски дестинации за посета за време на есента:

1. Езерото Блед, Словенија

2. Баварските Алпи, Германија

3. Езерскиот округ, Англија

4. Трансилванија, Романија

5. Пертшир, Шкотска

6. Доломити, Италија

7. Долина на Лоара, Франција

8. Лапонија, Финска

9. Долина Дуро, Португалија

10. Национален парк Плитвички Езера, Хрватска

Извор: Индекс.хр

Тагови: Европа есен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод нападнат во близина на оманскиот брег, морнар исчезнат

Индија соопшти дека 13 членови на екипажот се спасени, додека едно лице сè уште се води како исчезнато по нападот врз брод во близина на оманскиот брег во Ормузскиот теснец.

Брод нападнат во близина на оманскиот брег, морнар исчезнат

Осудувајќи го нападот врз трговскиот брод МТ Ел Гаја, индиското министерство за надворешни работи соопшти дека 14 индиски членови на екипажот биле на бродот во времето на нападот, а еден сè уште се води како исчезнат.

„Нашата амбасада во Оман внимателно ја следи ситуацијата и проактивно се координира со оманските власти во тековната операција за пребарување и спасување. Им благодариме на оманските власти за нивната поддршка во спасувањето на нашите државјани“, соопшти министерството.

Повикувајќи на „итна деескалација и дијалог и дипломатија за да се донесе мир во регионот“, Њу Делхи рече дека „таргетирањето на трговските бродови, морнарите, цивилите и цивилната инфраструктура во регионот е неприфатливо“.

Ситуацијата во теснецот не се смирува

„Исто така, повикуваме на итно враќање на слободната и безбедна пловидба и протокот на трговија преку меѓународните водни патишта во регионот“, соопшти министерството.

Британскиот орган за поморски трговски операции (UKMTO) соопшти рано во неделата дека брод што минувал низ Ормускиот теснец бил погоден од неидентификувана муниција.

Во соопштението објавено на интернет се вели дека нема достапни информации за состојбата на екипажот, обемот на штетата или потенцијалното влијание на бродот врз околната средина.

Поморскиот орган соопшти дека е во тек истрага и им советува на бродовите да продолжат да пловат со претпазливост и да пријавуваат каква било сомнителна активност.

Сообраќајот низ критичниот Ормуски теснец останува далеку под нивоата забележани пред почетокот на војната меѓу САД и Иран во февруари оваа година, поради тековните безбедносни ризици и нападите врз трговски бродови што минуваат низ регионалните води.

Извор: Индекс.хр

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер