„Мажот ми загина, а 15 месеци подоцна родив негово бебе“

- Еве како останала бремена!

Љубовната приказна добила среќен исход по ненадејната загуба.

Елиди Пулин е австралиска манекенка која претрпела незамислива загуба пред две години кога нејзиниот сопруг сноубордерот Алекс Пулин се удавил додека нуркал. Таа во еден подкаст открива како се соочила со големата болка и како продолжила да живее без „Чамп“ како што го нарекувале.

Манекенката била во врска со него десет години и не ни сонувала дека животот целосно ќе ѝ се сруши само неколку часа по нивното последно видување.

- Беше обичен ден. Се разбудивме како и секој друг ден, сонцето сјаеше, навистина беше прекрасен ден. Ме праша дали да оди на сурфање или да нурка – открива таа во својата исповед.

Бидејќи Елиди повеќе сакала да прошета, се договориле подоцна да се најдат во локалното кафуле. Тоа утро го шетала нејзиното куче без да биде свесна дека за последен пат ја гледа својата сакана личност. Еден сосед набргу ја известил за неговата смрт.

Кога ја видела веста за пронајденото тело на социјалните мрежи, одбивала да поверува дека е тој.

-Го видов тоа утро, тогаш имаше само 32 години, се удавил откако се обидел да го задржи здивот под вода.

Нејзиниот сопруг се натпреваруваше во 2010, 2014 и последен пат 2018 година на Зимските олимписки игри. На својата земја ѝ донесе медал, а неговата ненадејна смрт го потресе светот. Со оглед на тоа што парот силно посакувал да има бебе, пријателите на Елиди и нејзиното семејство разговарале за посмртно вадење сперма. Дванаесет часа по неговата смрт, манекенката се согласила на таа процедура, иако сè уште не можела да се соземе од шокот.

По два обида за вештачко оплодување, манекенката ја родила Мини Алекс во октомври 2021 година, а девојчето неверојатно личи на својот покоен татко.

Манекенката споделила трогателна снимка на Инстаграм покрај која напишала: „Татко ти и јас те сонувавме со години, душо“.

Елиди во поткастот проговорила за нејзината емотивна борба, истакнувајќи дека секојдневно оди на плажа и „ја убива“ тоа кога гледа како мажи ги шетаат своите деца.

- Имавме среќа што спермата беше здрава. Мислам дека сè се поклопи и Чамп го виде тоа – открила таа.

По смртта на Алекс, манекенката започнала подкаст со една своја пријателка која исто така доживувала тешка животна борба. Тие двете меѓусебно си биле огромна поддршка и сфатиле дека треба да „блескаат“ во светот кој понекогаш може да изгледа како осамено и мрачно место.

Извор: srecna.republika.rs

Човек уживал додека јадел сладолед, кога наеднаш се шокирал- во него имало отсечен човечки прст

Бизарна приказна доаѓа од Мумбаи, каде Орлем Брендон Серао тврди дека пронашол дел од отсечен прст во сладолед.

Неговата сестра нарачала три корнети од позната марка, кои и биле доставени на домашна адреса на 13 јуни, пишува Дејли мејл.

Орлем едвај чекал да се разлади со вкусното уживање.

„Изедов половина од сладоледот и почувствував нешто тврдо во устата. Мислев дека е орев или парче чоколадо, но сепак го исплукав“, рекол тој.

Човекот истакнува дека работи како лекар и знае „како изгледаат делови од човечкото тело“.

„Погледав внимателно за што се работи и јасно ги видов ноктот и отпечатокот на јаболчната коска. Се чини дека е палец“, тврди Орлем.

„Чудната работа“ ја спакувал во најлонска кеса и заедно со пријавата ѝ ја предал на полицијата.

„Примерокот е испратен на вештачење за дефинитивно да се утврди неговото потекло“, соопштија надлежните.

Локалните медиуми јавуваат дека е покрената истрага во компанијата што го произведува ледениот десерт.

Морбидно: Жена украла погребално возило заедно со покојникот, го оставила на необично место

Жена од Тексас е уапсена оваа недела бидејќи наводно украла погребна кола пред болница, во која се наоѓало тело на починатиот.

Валери Треглор-Елис (36) од Ајсл, рурално предградие на Форт Ворт, е обвинета за кражба на автомобил и злоупотреба на труп, според полицискиот оддел во Форт Ворт, пренесува Law&Crime.

Инцидентот се случил во вторникот вечерта околу 19 часот, кога полицијата првпат добила дојава за украдено возило од еден од бројните паркинзи на блиската болница, позната по итните служби и психијатриските служби.

Кога полицајците пристигнале, дознале дека возачот на погребната кола го оставил своето возило - и починатиот - за да извадат друго тело од болницата, се вели во полицискиот извештај. Меѓутоа, кога се вратил, и возилото и починатиот внатре ги немало.

„Додека возачот бил во болница, осомничената, возрасна жена, влегла во возилото без возачка дозвола и побегнала од паркингот“, изјави за Law&Crime портпаролот на полицијата во Форт Ворт.

Возилото било пронајдено набргу потоа на околу две милји западно на долга, стрмна и ридска споредна улица што формира голем дел од источната граница на огромната зоолошка градина Форт Ворт од 64 хектари.

„Украденото возило и телото на починатиот подоцна се пронајдени и вратени недопрени, без оштетувања“, соопшти полицијата.

Наводно, безбедносните камери ја покажале осомничената како излегува од возилото и бега.

„Осомничената набрзо е пронајдена и без инциденти приведена и пренесена во градскиот затвор“, соопштија од полицијата.

„Возилото и починатото лице се вратени на возачот на погребалното.“

Мотивот за инцидентот засега е непознат, а органите на прогонот јавно не шпекулираат за наводната кражба, наведува овој портал.

Чудо во Тајланд: Слоница роди близнаци (ВИДЕО)

Азиски слон во централниот дел на Тајланд роди близнаци, што вработените го опишаа како чудо.

Никој не очекуваше дека мајката, 36-годишната Чамчури, ќе роди близнаци, а кога минатиот петок таа првпат роди машко младенче, вработените во палатата за слонови Ајутаја и фармата за слонови Крал Краал сметаа дека раѓањето завршило, објави Би-Би-Си.

Додека го чистеле првото младенче и му помагале да стане, слушнале силен удар и виделе дека Чамчури родила второ младенче, овој пат женско. По второто раѓање, персоналот морал да ја спречи мајката да не го згази женското младенче, откако ја фатила паника и повредила негувателка.

Близнаците се случуваат само кај еден процент од раѓањата на слонови, а паровите близнаци машко-женски се уште поретки, според истражувачката организација „Спасете ги слоновите“.

„Отсекогаш сакавме да видиме близнаци слонови, но не секој може да го види тоа бидејќи тоа не се случува често“, изјави за Би-Би-Си ветеринарот Лардтонгтар Мипан, која пораснала на оваа фарма за слонови и самата е мајка на близнаци.

Шарин Сомванг, 31-годишна негувачка на слонови, т.н махут, ја скршила ногата додека го задржувала слонот.

„Бев толку среќна што дури и не почувствував никаква болка“, изјави таа за Би-Би-Си, додавајќи дека степенот на повредите го сфатила дури кога била пренесена во болница.

Слоновите се сметаат за свети во Тајланд, каде што мнозинството од населението се будисти. Тие се и национален симбол. На посетителите на паркот, вклучувајќи ги и децата, им е дозволено да ги видат близнаците, но само откако ќе им ги дезинфицираат чевлите и рацете.

Младенчињата ќе бидат именувани седум дена по раѓањето, во согласност со тајландските обичаи. Со тежина од 55 килограми, женското слонче е малку помало од вообичаеното и мора да стои на столче додека се храни од мајка си. Нејзиниот брат со 60 килограми е потежок.

притисни ентер