Македонските ракометари одиграа нерешено со Исланд во Скопје - Канал 5

Ракомет

Македонските ракометари одиграа нерешено со Исланд во Скопје

Македонската ракометна репрезентација беше на чекор до победа , кога во последната минута од мечот изигра нереѓено против Исланд 24: 24 во преполната сала ,,Борис Трајковски”.

Македонските ракометари одиграа нерешено со Исланд во Скопје

Уште еден инфаркт натпревар одиграа македонските репрезентативци против Исланд и во последната минута од мечот изиграа нерешено. Во првото полувреме нашите ракометари успеаја да направат предност од два гола 10:8, но на полувремето заминаа со негатива од еден гол 10:11.До 36. минута Исланд успеа да се одлепи на три гола разлика 12:15. Но, македонските ракометари успеаја да израмнат во 47. минута од натпреварот на 18:18, а веднаш потоа преку капитенот Кире Лазаров и да поведат со 19:18 .

На пет минути до крајот Исланд успеа да израмни на 22:22, а во следниот напад и да поведе со 22:23. Но, „црвено – жолтите“ веднаш возвратија со серија од 2:0 и пак го презедоа водството на неполни две минути до крајот – 24:23.

До крајот на мечот Македонија не успеа да реализира за два разлика, а тоа го искористи Исланд за да си замине со бод од Скопје и да го ублажи поразот од првиот натпревар на домашен терен.

Сепак и овој резултат беше доволен за македонските ракометари да се пласираат на Европското првенство во 2020 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најмалку 13 жртви во украински напад на руската Република Татарстан

Најмалку 13 луѓе загинаа, а 70-на се повредени во украински напад со дронови врз руската Република Татарстан, што се смета за еден од најсмртоносните украински напади врз Русија од почетокот на војната.

Најмалку 13 жртви во украински напад на руската Република Татарстан

Главна мета на нападите бил индустрискиот град Нижне-Камск, оддалечен 1.100 километри од Украина, каде што според руските власти, цел биле и цивилни и индустриски објекти.

Дел од руските медиуми пишуваат дека била погодена петрохемиска фабрика, а меѓу жртвите имало и дете. Украинската војска потврди дека стои зад нападите и соопшти дека ја погодиле рафинеријата танеко, во која избил пожар.

Москва нападите ги оцени како директни терористички напади и соопшти биле пресретнати 450 украински беспилотни летала над Русија и Крим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ерупцијата на Етна ги приземји летовите на аеродромот во Катанија

Високата вулканска активност на Етна предизвика нарушувања на авиосообраќајот во Сицилија, додека најактивниот вулкан во Европа продолжува да исфрла големи количества лава и пепел.

Ерупцијата на Етна ги приземји летовите на аеродромот во Катанија

Според Националниот институт за вулканологија, густи текови лава истекуваат од два отвора на надморска височина од над две илјади метри.Поради потенцијалната опасност за воздушниот сообраќај, сите слетувања на аеродромот во источна Сицилија во Катанија се прекинати до 17 часот, соопшти операторот.

Погодени се и летовите од Сицилија, поради што туристите морале да го користат аеродромот во Палермо, главниот град на островот или да патуваат со воз.

Во моментов е во сила највисокото, црвено ниво на тревога. Тоа значи дека ерупција проследена со значителен облак од вулкански пепел е неизбежна или веќе е во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Џеф Безос со партнери купуваат една третина од Ливерпул

Конзорциум, во кој е вклучен и основачот на „Амазон“, мулти-милијардерот Џеф Безос, е блиску до договор за купување на околу една третина од сопственичкиот удел во славниот фудбалски клуб „Ливерпул“. 

Џеф Безос со партнери купуваат една третина од Ливерпул

Мнозинскиот сопственик на клубот, „Фенвеј спортс груп“ (FSG), кој управува со „Ливерпул“ од 2010 година, се подготвува да објави трансакција што би можела да се реализира уште оваа недела.

Детали за инвестицијата Доколку дојде до склучување на договорот, Безос ќе му се придружи на Едуардо Саверин, еден од коосновачите на „Фејсбук“, во инвестициската група.

Групата ја предводи Амит Батија, зет на индустријалецот Лакшми Митал и до неодамна акционер во клубот „Квинс Парк Ренџерс“.

Според еден извор, објавувањето на веста се очекува во наредните денови, но постои можност тоа да се одложи за следната недела.

Со влезот на овој конзорциум во сопственичката структура, некои од најбогатите луѓе во светот ќе станат косопственици на „Црвените“ од Енфилд.

„Форбс“ го проценува богатството на Безос на повеќе од 280 милијарди долари, а она на Саверин на повеќе од 32 милијарди долари.

Со оваа инвестиција, вредноста на клубот би се проценила на шест милијарди долари, со што договорот би се вброил меѓу најскапите во историјата на спортот.

Иако Безос претходно не се поврзувал со бизнисот во фудбалот, неговото можно вклучување во конзорциум за Ливерпул потврдува дека инвеститорите сè повеќе го гледаат спортот како посебна класа на средства.

Во 2022 година, Саверин (44) беше дел од конзорциум што неуспешно се обиде да го купи Челзи на аукција организирана по руската инвазија врз Украина. Извор запознаен со преговорите укажува дека договорот би можел да биде поголем од првично објавеното и потенцијално да вклучува удел поголем од 30 проценти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер