„Македонскиот учесник на „Евровизија“ е бугарски државјанин“ јавуваат медиуми од Бугарија - Канал 5

Македонија

„Македонскиот учесник на „Евровизија“ е бугарски државјанин“ јавуваат медиуми од Бугарија

Пред неколку седмици „преговарачот“ Бучковски, ни ја „смести“ Бугарската Државна Телевизија на која се емитуваат антимакедонски документарци, а сега ние си даваме „гол со пета“, што би кажал покојниот Амди Бајрам

„Македонскиот учесник на „Евровизија“ е бугарски државјанин“ јавуваат медиуми од Бугарија

Бугарската Национална ТВ, која ни ја „договори“ да се реемитува во Македонија од страна на екс премиерот Бучковски, при тоа не доби гаранции дека сателистскиот канал на МРТ ќе добие реципроцитет во Бугарија, ниту пак му паднало на памет да провери зошто Канал 5 и другите македонски приватни национални станици, членки на асоцијацијата ММА , нелегално се реемитуваат во Бугарија, ниту пак да реагира на страшниот говор на омраза експониран од страна на бугарски граѓани ( тука не го вбројуваме нашиот „двостран“ Евровизиски претставник - Васил Гавранлиев ) - како да „повлече нога“.
Сега Бугарите доживуваат патриотска „екстаза“ и сериозен потсмев ( кој најверојатно и си го заслужуваме во овој случај ) па нивните портали, вклучително и оној на Бугарска национална телевизија - БНТ, телевизија која ни ја „смести“ Бучковски, се преполни со наслови дека - во некоја рака Бугарија годинава ќе си има двајца претставници на Евросонг.
Да се разбереме, не е проблем што Васил Гавранлиев има и Бугарско државјанство , затоа што „Струмица била блиску до Бугарија“, момчето не повредува ниту еден од позитивните законски прописи во Македонија.
Но етичкии проблем дефинитивно постои. Зарем мораше ова момче , токму во ова време на најтешките напади кои доаѓаат од лажните ни „браќа“, или што би рекол премиерот Заев - лажни татковци , да биде претставник на Македонија ? Зарем мораше да имаме претставник кој има државјанство на земја која тврди дека сме измислена нација со измислен јазик, и која не дозволува да започнеме преговори со ЕУ? Има ли „маж“ во Македонија, кој ќе го анулира овој во некоја рака за нас, срам?

Што ако победи Васил Гавранлиев ? Бугарите ќе имаат сосема легитимно „право“ наредниот Евросонг да го славиме, пардон, да го организираме заеднички.

Еден од бугарските портали , повикувајќи се на Бугарската државна ТВ вели:
„Македонскиот претставник за „Евровизија“ Васил Гарванлиев, кој веќе ја испровоцира јавноста во својата татковина со боите на бугарското знаме во своето видео за натпреварот, е бугарски државјанин. Тој ова ГОРДО го призна во едно ТВ-интервју во кое зборуваше на англиски јазик, пренесува БНТ. “
Quo vadis Macedonia, Quo vadis Mr. Buchkovski?
„Вториот“ претставник на Бугарија на Евросонг ќе биде бугарска пејачка Викторија Георгијева.
Погледнете ги скриншотовите од бугарските портали и интервјуто со „гордиот“ Бугарин според бугарската државна телевизија и портали , инаку македонски претставник на годинешниов Евросонг.

Интервјуто на Васил Гарванлиев кое датира од пред една година

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер