Мајмунски сипаници во Македонија – како да се заштитиме од заразата? - Канал 5

Здравје

Мајмунски сипаници во Македонија – како да се заштитиме од заразата?

Двајца мажи на воздраст од 40 и 45 години се двајцата пациенти кај кои вчера беа потврдени мајмунски сипаници, потврди денеска директоркта на Институтот за јавно здравје. 

Мајмунски сипаници во Македонија – како да се заштитиме од заразата?

Пациентите иако во ист ден побаале лекарска помош, не се познаваат меѓусебе. Едниот од пациентите е хоспитализиран на Инфективната клиника во Скопје а другиот сѐ уште не е хоспитализиран.

Дел од примероците од нивните анализи се испратен во Холандија за подетално испитување.

Заменик-министерот за здравство Јовица Андовски апелира до граѓаните да не се шири паника. Нагласува дека иако ова заболување за прв пат е забележано во Македонија, сепак не е ново и веќе има протокол за лекувањето. Направена била и епидемиолошка анкета, при што веќе се познати и блискиот круг на луѓе со кои овие пациенти биле во контакт.

Директорот на инфективна клиника, пак вели дека пациентот кој се наоѓа на клиниката е во добра општа состојба, а за мајмунските сипаници вели дека нема конкретен лек, туку користат антивирусна терапија.

Попладнево ќе заседава Комисијата за заразни болести, но конкретни мерки не се предвидуваат. Епидемиологот Драган Кочински на прес конференцијата нагласи дека вакцината за мали сипаници, не штити од мајмунските сипаници, но додаде дека во споредба со корона вирусот, за ширење на мајмунските сипаници, потребно е долг заеднички контакт или делење на иста постела.

Симптомите се температура, главоболка, кожен осип, и болки во мускулите.

YouTube video

Тагови: Мајмунски сипаници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер