„Мадам Батерфлај“ не е само опера. Ова е приказна што ја паметите со денови! - Канал 5

Култура

„Мадам Батерфлај“ не е само опера. Ова е приказна што ја паметите со денови!

На 20 мај, во рамки на 54.Мајски оперски вечери, ќе имате можност да ја доживеете „Мадам Батерфлај“ во изведба што публиката долго ќе ја памети.

„Мадам Батерфлај“ не е само опера. Ова е приказна што ја паметите со денови!

Постојат претстави што се гледаат. И постојат претстави што се чувствуваат.

„Мадам Батерфлај“ е една од тие приказни што не завршуваат кога ќе се спушти завесата.

Во време кога луѓето ретко чувствуваат нешто вистински длабоко, оваа опера потсетува колку љубовта, надежта и жртвата можат да бидат моќни. Многумина денес бараат „нешто различно“.

Нешто што ќе ги оттргне од секојдневните грижи и проблеми. Но, најчесто добиваат брза забава која се заборава за неколку часа.

И токму затоа, „Мадам Батерфлај“ со децении останува една од најизведуваните и најемоционални опери во светот.

Приказната за Чо-Чо-Сан не е само љубовна приказна.

Тоа е приказна за доверба, чекање, надеж… и моментот кога срцето одбива да ја прифати реалноста.

А кога музиката на Пучини ќе започне…заборавате на сè друго.

На 20 мај, во рамки на 54.Мајски оперски вечери, ќе имате можност да ја доживеете „Мадам Батерфлај“ во изведба што публиката долго ќе ја памети.

Луѓето кои веќе ја имаат гледано често велат:

„Не очекував дека опера може толку емотивно да ме погоди!“

„Ова не се гледа. Ова се доживува!“

📆 20.5.2026 • 20.00 ч.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

Црногорскиот претседател донесе тениски рекет во Ватикан, Папата: Ѓоковиќ е Србин

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Од полноќ нови цени на горивата!

Од полноќ во Македонија стапуваат во сила нови малопродажни цени на горивата, а според најавите, можно е нафтените деривати да поевтинат.

Од полноќ нови цени на горивата!

Одлуката за новите цени треба да ја донесе Регулаторната комисија за енергетика, која ќе утврди по кои цени од полноќ ќе се продаваат бензините, дизелот и останатите нафтени деривати.

Во моментов, на бензинските станици важат следните малопродажни цени:

Еуросупер БС-95 се продава за 100,00 денари за литар;

Еуросупер БС-98 чини 102,00 денари за литар;

Еуродизел БС (Д-Е V) се продава по цена од 100,00 денари за литар;

Маслото за горење ЕЛ-1 има цена од 111,50 денари за литар.

Очекувањата се дека со новата одлука може да дојде до намалување на цените, што би значело поевтино точење гориво за граѓаните.

Тагови: бензините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер