„Мачорот во чизми“ - премиера на Театарот за деца и младинци

Театарот за деца и младинци (ТДМ) утревечер премиерно ќе ја изведе бајката од Шарл Перо „Мачорот во чизми“ во режија на Игор Ивковиќ и драматизација на Горјан Милошевски. Ќе играат осум актери од театарот, а ангажиран е и познат магионичар.


Режисерот Ивковиќ на прес-конференција рече дека се стремеле да направат херојска, урбана и динамична комедија во која има магија, илузија, бои и музика и дека покрај децата во неа ќе уживаат и родителите.

- Создадовме приказна која е базирана на оригиналната на Шарл Перо и потекна од идејата што се случува ако го анализираме насловот - Мачорот во чизми. Дојдов до констатација дека ако се чизмите предмети, кога ќе ги обуе мачката - треба да се случи чудо. Какво е тоа чудо што му се случува, сугурно е нешто необично што му дава посебна моќ. Во претставата доминира магијата и илузијата, илуминацијата со светлина и бои, многу интерактивна и динамична приказна во која, верувам, ќе ужива секое дете, рече Ивковиќ.

Милошевски рече дека мачорот кој од старата бајка е пргав, но и лажго и манипулатор, сега е пргав но е духовит. - Мислев дека треба да биде покреативно - мачорот не мора да лаже, не мора да биде манипулатор, тој може да биде духовит, а да го има пргавиот дух, и таков мачор испишав - кој ги обединува сите. Тој не е сам суперхерој и за да се бори му треба екипата што ја има. Ми се допаѓа што во целата приказна работат како колектив - Мачорот заедно со Каспер и чизмите. Идејата е да се пренесе тој заеднички дух што се бори против злото. Приказната е едноставна и има богатство од ликови, истакна Милошевски.
Улога на Мачорот Макс ќе ја игра Мартин Јорданоски кој рече дека режисерот се впуштил во голема задача - да спои во едно магионичарски трикови со театарска претстава што, смета тој, е комплицирано да се направи. Во актерската екипа се и: Марија Ѓорѓијовска, Емра Куртишова, Мики Анчевски, Ана Левајковиќ-Бошков, Ненад Митевски, Винета Дамческа-Мојаноска и Владимир Лазовски.

За магијата во претставата е ангажиран илузионистот Гого Реквием (Георги Гавровски) кој рече дека за публиката да поверува во магијата, треба и самиот магионичар да верува во она што го работи. Ги пофали актерите зашто покрај актерскиот талент тие, како што рече, се и родени магионичари.
- Но ова не е магионичарско шоу, ова е бајка со магионичарски ефекти. Јас не ги кажувам трикови, затоа што јас верувам во магија. Одушевен сум од екипата и кога ги видов крајните продукти на претставата, јас се смеев како дете. Тоа значи дека им поверував. Ова ќе биде хит во Македонија, а претставата ќе има голем успех и надвор од државата, рече илузионистот.

Музиката за претставата е на Виктор Апостоловски, кој беше задолжен и за претходната премиера на ТДМ „Гига мега бајка“, кореограф е Валентино Апостоловски, сценографијата и костимите ги изработи Маре Трајковска-Стефаноска.
Директорот на ТДМ Братислав Димитров рече дека целта им е секоја нивна претстава да се разликува од претставите на други театри кои прават претстави за деца за, како што рече, да ја издржат конкуренцијата.
- Секоја од нашите пиеси да има некое чудо, од кој било аспект, и мислам дека оваа премиера е резултат на таа наша заложба, рече Димитров.

Аналитичарите сметаат дека оваа кампања не донела ништо ново за гласачите

Спротиставени концепти и ветувања кои во реалност тешко дека би се оствариле. Вака дел од аналитичарите гледаат на изборната кампања за двојните избори.

Аналитичарот Благојче Атанасовски вели дека ветувањата се големи, од независно судство и ефикасна администрација, до капитални и инфраструктурни проекти, но неиздржливи за кондицијата на македонскиот буџет.

-Што се однесува до програмите на политичките партии мислам дека тие се едни те исти преповторени во измнитатите 30 години на македонската повеќепартиска независна демократија од аспект дека сите ветуваат независно судство, независна и ефикасна администрација, и секогаш кога ќе заврши четиригодишниот мандат без разлика дали станува збор за СДСМ или ВМРО ДПМНЕ гледаме дека ни 20-30 проценти од програмите не се исполнети односно тоа ни укажува дека даваат тотално нереални ветувања,- изјави – Благојче Атанасовски – Аналитичар .

Според комуникологот Бојан Кордалов вториот дел од кампањата остава впечаток како да е се решено во првиот круг од претседателските избори. Сепак кај граѓаните вели, големи се очекувањата дали ќе ги исполнат дадените ветувања.

-Видовме една кампања во вториот круг во која се препушти се како да е однапред познато, како целиот исход однапред да се знае, што во одредена мера е очекувано, меѓутоа во 21 век е, дигитализација, се стои и се се памети а влогот е навистина голем и она што се ветуваше во двата кампуса ќе треба да се направи особено од оние што треба да ја направат идната влада,- изјави – Бојан Кордалов – Комуниколог.

Ниту оваа изборна кампања не помина без провокации и меѓусебни обвинувања и кај македонскиот и кај албанскиот политички кампус. И Атанасовски и Кордалов се согласуваат дека иако се потпишаа кодекси за фер избори, на крајот на денот преовладувала негативната кампања која нема им да донесе глас повеќе на контото на партиите.

-Тоа значи само оцрнување на противникот, еден вид на задоволување на сопственото гласачко тело, а не придобивање плус гласови од неопределените. Мислам дека неопределените гласачи сакаат да слушнат многу позитивни работи доколку би го дале својот глас,- изјави – Благојче Атанасовски – Аналитичар.

-Политичките партии, особено оние што водеа масовна црна кампања си ја научија лекцијата. Се надевам дека ќе имаат шанса да се предомислат ипоправат во иднина а тоа е дека црната кампања не носи добивка. Тоа е дека црната кампања и заплашувањето ако се променат работите дека ќе настане потоп не даваат резултати. Единственото нешто кое ги врзува луѓето, граѓаните, всушност е надежта, е ветувањето дека нешто ќе направите подобро во интерес на граѓаните и ставање на луѓето во прв план,- изјави – Бојан Кордалов – Комуниколог .

Изборната кампања која започна со првиот круг на претседателските избори, а потоа и за парламентарните, по повеќе од еден месец завршува вечерва на полноќ.

Партиите и кандидатите „растрчани“ на последниот ден од кампањата

Партиите ги испраќаат последните политички пораки пред почетокот на изборниот молк. 

Сите повикаа на масовна излезност и ги презентираа своите аргументи зошто граѓаните треба да гласаат за нив. Доминираат пораките за обединување. И од СДСМ и од ВМРО-ДПМНЕ ја потенцираат важноста на двојните избори во среда за правецот во кој ќе се движи Македонија.

Од СДСМ порачаа дека секој глас е скапоцен и важен за да се продолжи европскиот пат со заедништво и соживот.

-Секој од вас е важен за да продолжиме по нашиот пат кон ЕУ. Пред седум години излеговме од сенките на поделеноста и заробената држава, но национализмот и изолацијата повторно демнат на нашиот праг. Тоа не треба да не' плаши бидејќи ние ја имаме моќта да одлучуваме за нашата судбина. Секој од нас сноси одговорност, никој не е изоставен. Без разлика дали сте земјоделци, учители, доктори или студенти - вашиот глас е важен, изјави Фатмир Битиќи, коносител во ИЕ 2 од СДСМ.

Од ВМРО-ДПМНЕ повикаа на сплотеност и семакедонско единство, за како што велат, горда и достоинствена Македонија.

-За два дена граѓаните ќе имаат можност да избираат помеѓу Македонија понижена, ограбена, опустошена, опљачкана и Македонија горда, достоинствена, Македонија која што се гради и во која што важат законите за сите подеднакво. Затоа од овде, од патриотско Карбинци повикувам на сплотеност, на обединетост, на семакедонско единство, на сеопштествено единство, на национално единство, изјави Драган Ковачки, носител во ИЕ 3 од ВМРО-ДПМНЕ.

Од Движењето ЗНАМ ги повикаа граѓаните по сопствено убедување да гласаат за претседателските кандидати во вториот круг. Партискиот лидер Максим Димитриевски ги повтори условите на ЗНАМ за евентуален влез во Влада, меѓу кои се и дефинирање на црвени линии за заштита на националните интереси, одложена примена на уставните амандмани, борба со криминалот и корупцијата. Разговори за коалиција, тврди, досега немале ниту со ВМРО-ДПМНЕ, ниту со ВЛЕН, прво ќе ги чекаат изборните резултати.

-До овој момент најодговорно тврдам дека ниту еден претставни на Движење ЗНАМ нема водено никави разговори по основ на било какви коалиции со било кој политички субјект. За жал ние подадовме рака кон раководството на СДСМ со одредени барања, но не успеаја да се надминат самите себеси...Дополнително немаме разговорано ниту со ВМРО-ДПМНЕ, ниту со било кој друг политички субјект во државата. Ќе ги почекаме изборните резултати, па ќе ги донесеме нашите одлуки, изјави Максим Димитриевски.

Од албанската коалицијата Вреди, соопштија дека околу 10 илјади граѓани од дијаспората ќе гласаат на изборите на 8 мај. Дел биле организирани самоиницијативно, дел преку нивните организации. Велат дека ВЛЕН не одат на бојкот за претседателските избори и ги повикаа нивните гласачи да излезат и да гласаат.

-На 8-ми мај ќе се случи народот заедно со дијаспората да се заокружи целиот овој процес со промена, ново мнозинство, нова Влада, со враќање на надежта кај младите... Не одиме на бојкот за претседателските избори, ги повикуваме нашите гласачи да гласаат. За кого ќе гласаат мислам дека ние ги немаме во џеб, тие се гласови кои што гласаа со убедување, и пак ќе гласаат како што е нивното убедување за подобриот кандидат“, вели Изет Меџити, носител во ИЕ 1 на ВРЕДИ.

Завршните митинзи на двете најголеми македонски партии вечерва ќе бидат во различни градови. Коалицијата на СДСМ и претседателскиот кандидат Стево Пендаровски пораките ќе ги испратат во Скопје, додека коалицијата предводена од ВМРО-ДПМНЕ и нивната кандидатка Гордана Силјаноска Давкова ќе бидат во Прилеп.

На полноќ завршува кампањата за претседателските и парламентарните избори

Вечерва на полноќ настапува молкот за парламентарните и вториот круг од претседателските избори.

Утре гласа дијаспората, но само за претседателските избори, бидејќи нема доволен број пријавени за избор на пратеници, додека за избор на шеф за државата и за парламентарните избори гласаат болните и изнемоштените, затворениците, лицата во старските домови чиј што број според посебниот извод во Избирачкиот список изнесува 2140, како и лицата во установи за вон семејна грижа – 534 избирачи .

Во среда, на 8-ми мај, пак, во вториот круг од претседателските избори право на глас имаат 1.814.317 избирачи, додека на парламентарните избори 1.815.350 избирачи. Разликата во гласовите е 1033, најмногу поради граѓани кои стекнуваат полнолетство.

Гласањето ќе се одвива во 3480 избирачки места и почнува во 7 часот, а завршува во 19 часот. Од ДИК во изјава за Канал 5 велат дека се подготвени за изборниот процес, а проблемите кои се појавија во првиот круг со фингерпринт апаратите уверуваат дека се надминале.

„ ДИК преку своите изборни органи е целосно подготвена за спроведување на изборите за осми мај, сите проблеми кои што од технички аспект беа појавени од првиот круг од претседателските избори се надминуваа уште тогаш во од и очекуваме дека сега нема да се соочуваме со такви проблеми нормално доклку истите се појават преку совите стручни лица ДИК е подготвена да одвговори и на тие предизвици. “-Радица Тодоровска Алексовска - портпаролка на Државната изборна комисија.

Како што претходно одлучи ДИК, секој гласач на осми мај ќе може само еднаш да оди на избирачкото место каде од членовите на избирачкиот одбор за биометриска идентификација ќе биде прашан за кој вид на избори сакаат да гласаат односно, дали ќе гласа само за претседателските, само парламентарните или и за двата вида избори.

„ Бидејќи ќе нема право по втор пат да се врати гласачот ќе мора на лице место да одлучи за кој тип на избори ќе сака да гласа. “-Радица Тодоровска Алексовска - портпаролка на Државната изборна комисија.

За шеф на државата во вториот круг ќе биде избран кандидатот кој ќе добие мнозинство гласови од избирачите кои гласале доколку гласале повеќе од 40 проценти од избирачите, односно 725.727 гласачи.. Доколку потребниот цензус не се постигне, се повторува целата изборна постапка.

притисни ентер