Според податоците на аналитичката компанија „Kpler“, увозот од постројката, со која управува рускиот „Новатек“, достигна 9,89 милиони тони – што претставува зголемување од 18 отсто во споредба со истиот период претходната година – пренесува „Фајненшл тајмс“.

Податоците ја истакнуваат клучната улога што Европа продолжува да ја игра во одржувањето на работата на овој водечки руски енергетски капацитет, додека војната на Москва против Украина навлегува во својата петта година.

Според проценките на невладината организација „Urgewald“, Европа платила приближно 6 милијарди евра за овие пратки. Главни европски купувачи во првата половина на 2026 година беа Франција, Белгија и Шпанија, кои увезоа 3,6 милиони, 2,9 милиони, односно 2,7 милиони тони гас од постројката „Јамал“.

Себастијан Ретерс, активист за санкции во Ургевалд, ги опиша овие бројки како „остра“, особено затоа што „не се случуваат во вакуум“ и одразуваат период на засилени руски напади врз украинската енергетска инфраструктура и цивилни цели.

Според сегашните правила на ЕУ, купувањето руски течен природен гас (ЛНГ) преку краткорочни договори е забрането; ова значи дека секоја пратка од Јамал наменета за Европа бара потврда од царинските органи на земјата увозник дека продажбата е извршена според долгорочен договор.

Целосна забрана за долгорочен увоз на руски течен природен гас (ЛНГ) во Европската Унија стапува на сила на 1 јануари 2027 година, принудувајќи ја Русија да бара алтернативни пазари. Забраната за увоз на гасовод ќе следи подоцна истата година.

Подготвеноста на Европа да прифаќа пратки од Јамал досега беше клучна за проектот - сместен во рускиот Арктик - кој се потпира на мала флота специјализирани танкери од класата мраз Arc7.

Капацитетот за испорака на објектот во голема мера зависи од брзиот пресврт на овие бродови во европските пристаништа, додека алтернативниот пат до Азија преку Северниот морски пат е поризичен и значително подолг.

Иако во првата половина од годината Европа доби повеќе ЛНГ од Јамал, испораките кон Азија се намалија за 74 отсто, на нешто повеќе од 510.000 тони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според предложените кадровски решенија, Сашо Клековски е предложен за нов министер за здравство.. Тој доаѓа од директорската функција во Фондот за здравствено осигурување, каде што треба да биде заменет од Златко Перински.

Иван Стоиљковиќ ќе го преземе министерството за локална самоуправа, додека неговото досегашно министерство за политички систем и односи меѓу заедниците ќе го раководи Агон Ферати.

Во министерството за правда, Јетон Шасивари доаѓа на местото на Игор Филков.

За министер за земјоделство е предложен актуелниот државен секретар Борче Серафимовски, кој ќе го наследи Цветан Трипуновски.

Министерството за социјална политика ќе го преземе досегашниот заменик-министер Ѓоко Велковски, а Седат Сулејмани ќе го замени Зоран Љутков во култура..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според неа „Охридско лето“ симболизира и бележи долга и богата меморија и историја, просветителска и просветлувачка мисија, новоотворени музички и театарски хоризонти, космополитизам, меѓудржавно, меѓунационално, интеркултурно и меѓучовечко разбирање.

За претседателката, Охрид е оаза и прибежиште на уметноста, амбиент во којшто музиката, зборот и играта стануваат симфонија, а Самоиловиот град летен дом на врвни уметници кои го презентираат најубавото.

„Кога Ростропович го распеал и го расплакал своето виолончело во градот на Свети Климент и Наум, а Карерас, небаре Орфеј ги предизвикал птиците, нивните настапи не им го одзеле само здивот на присутните, туку се слеале во езерските бранови, се соединиле со звуците на црковните ѕвона и проструиле низ Самоиловите тврдини, раскажувајќи приказни“, рече претседателката.

На крајот, таа укажа дека „Охридско лето“ е извор на поетика на мирот и на љубовта, потврдувајќи дека уметноста е насушна потреба и придобивка.

Со гала-концертот „Љубов“, во изведба на светски познатите оперски уметници Ермонела Јахо и Чарлс Кастроново, во придружба на Националната опера и балет и под диригентската палка на Марко Боеми, започна овогодинешното издание на фестивалот.

Во продолжение е интегралното обраќање на претседателката Сиљановска-Давкова:

Почитувани уметници, драги љубители на уметноста, сакани охриѓани,

Пак сме заедно, во театарот на античкиот град Лихнидос. Вечерта се спушти над езерото, небото и водата се стопија во нежна прегратка, ѕвездите треперат над нас, сенките танцуваат околу нас, а ние сме во исчекување на љубовниот шок и на уметничката екстаза, подготвени да потонеме во сонот на летната ноќ.

Верувам дека сите вознемирено ги очекуваме оперската самовила Ермонела и лирскиот волшебник Чарлс, во придружба на уметниците на нашата уметнички прекалена Национална опера и балет, под диригентската палка на Марко којшто веќе три и пол децении другарува со најголемите светски оперски ѕвезди.

Да потсетам дека пред шеесет и шест години, под сводовите на Света Софија, нашата оперска дива Ана Липша-Тофовиќ ги отпеала првите фестивалски тонови, означувајќи го почетокот на „Охридско лето“ коешто сè уште живее.

Оттогаш до денес, многу генерации уживале во привилегијата да се дружат со врвни музички и театарски личности, познати, обожавани и посакувани на најпознатите уметнички сцени, како исклучителни творци на високи духовни дострели.

„Охридско лето“ помни, симболизира и бележи долга и богата меморија и историја, просветителска и просветлувачка мисија, новоотворени музички и театарски хоризонти, космополитизам, меѓудржавно, меѓунационално, интеркултурно и меѓучовечко разбирање, срушени предрасуди и научени лекции, културната дипломатија и универзален уметнички јазик.

Охрид беше оаза и прибежиште на уметноста, амбиент во којшто музиката, зборот и играта стануваат симфонија, охридски духовен бисер и филигран.

Самоиловиот град стана летен дом на врвни уметници коишто го презентираа најубавото.

Кога Ростропович го распеал и го расплакал своето виолончело во градот на Свети Климент и Наум, а Карерас, небаре Орфеј ги предизвикал птиците, нивните настапи не им го одзеле само здивот на присутните, туку се слеале во езерските бранови, се соединиле со звуците на црковните ѕвона и проструиле низ Самоиловите тврдини, раскажувајќи приказни.

Верувам дека не случајно Охридското Езеро толку прекрасно шумоли, ту нежно, ту страшно, небаре концертна или драмска сцена.

„Европскиот Галапагос“, метузалемот стар милион и пол години, не е само природно чудо, под заштита на УНЕСКО, туку и верен сведок на многу цивилизации, јазици и култури коишто низ вековите се среќавале и битисувале на неговите брегови, војувајќи, но и градејќи.

Живееме во свет на поделби, конфликти, војни, стравови, несигурност и неизвесност. Човештвото минува низ лавиринти, а достоинството, солидарноста и надежта се соочени со огромни предизвици. За разлика од политиката којашто е далеку од уметност на можното, музиката и театарот, односно културата, остануваат креатори на неможното.

Ако огнот, што Прометеј му го подари на човекот ја осветлил ноќта, тогаш творештвото со векови ја осветлува неговата свест и совест. Во оваа смисла, „Охридско лето“ е извор на поетика на мирот и на љубовта, потврдувајќи дека уметноста е насушна потреба и придобивка.

Сигурна сум дека не треба да сте родени во Охрид како мене, или да сте охриѓанка или охриѓанец, за да сфатите дека не случајно е македонска културна метропола, а како таква – идеално место за врвен културно-уметнички настан како „Охридско лето“.

Дозволете ми, со неизмерна радост и со особена чест, да го прогласам 66. издание на фестивалот „Охридско лето“ за отворено.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.