„Лоши момчиња“: Конфликти, расправии, емоции и солзи! - Канал 5

Забава

„Лоши момчиња“: Конфликти, расправии, емоции и солзи!

Еве што можевте да видите во првите 2 епизоди на актуелното шоу „Лоши момчиња”

„Лоши момчиња“: Конфликти, расправии, емоции и солзи!

Во првата епизода од популарното шоу „Лоши момчиња” имавте можност да ги запознаете паровите и да го видите нивното пристигнување на грчкиот остров. Момчињата веруваа дека се дојдени тука за учество во шоу за „братска динамика“. Наместо тоа, уште во старт, Оливија успеа да ги шокира – вистината поради која се дојдени на островот е сосма поразлична од нивните очекувања: менување на нивните навики како „лоши“ момци .

Главен момент во епизодата беше кога се појавија нивните девојки– момците не можеа да поверуваат дека нивните партнерки ќе бидат директно вклучени во шоуто.

Ги запознавме: Ања (28 г.) и Бејли (26 г.) како пар 1, Чарли (23 г.) и Том Џи (25 г.) како пар 2, Софија (30 г.) и Рајан (28 г.) како пар 3, Лана или Алана (23 г.) и Том Т (25 г.) како пар 4, Лили (26 г.) и Рубен (27 г.) како пар 5, Џорди ( 28 г.) и Сем (31 г.) како пар 6, Марија (23 г.) и Виктор (27 г.) како пар7, и Ана (24 г.) и Ели (43 г.) како пар 8.

Во оваа епизода, Бејли за прв пат се соочи и проговори за своте емоции со Aња а чувството на срам и каење беше еминентно по признанието на Ања дека на нејзината љубов кон него и истекува „животниот рок“ .

Првата епизода покренува силни чувства и создаде една поинаква основа: поглед на недостаноците во врските од трета страна, односно од страната на Оливија која ќе им помогне на момците да созреат.

Во втората епизода момчињатаа беа поставени пред предизвик, задачи во „Brozone“ – караван парк каде „се враќаат на основите“. Целта на овој предизвик е да покажат колку добро ги познаваат своите девојки.

Имаа тестови на знаење: Видовме како момчињата се снајдоа во индивидуалните квизови и предизвици за тоа колку точно ги знаат своите партнерки: омилената храна, начин на релаксација и други навики. Интересни беа моментите кога некои од момчињата без да го знаат одговорот пробуваа да погодат очигледно незнаејќи што говорат, како на пример која е омилената серија на нивната партнерка или кој квиз највеќе сака да го гледа. Тоа го видовме и кај Том Т по квизот за Лана, со неговата изјава: „Чекај малку, нејзиното омилено животно не е куче, но ние чуваме дома куче...” неговото апсурдно и смешно незнаење ја изиритира Лана до солзи. Исто така, длабока токсичност во врската на Ана и Ели се откри со репликата на Анаа: „Тој не вика, но е страшен манипулатор...а тоа е погласно од секој глас.” Оваа тивка но многу моќна реплика одекна и кај гледачите и остави трагана епизодата.

Во оваа епзода сведочевме и на кратки расправии помеѓу паровите: Момчињата беа се уште збунети, љубоморни па поради тоа дадени ситуации предизвикаа и конфликти. Улогата на Оливија во овие ситуции беш клучна, таа ги надгледува и следи сите реакции и изјјави на момчињата, при тоа со потпрашања поттикнува промена на нивните ставови.

Сведочевме на низа од кратки, искрени разговори – каде девојките предупредуваа за недостаток на внимание или флертови, а момците се обидуваат да се оправдаат или да покажат разбирање. Што шоуто го однесе на друго ниво, будење на самосвеста и почеток на промената. Ова беше особено јасно во караницата помеѓу Рубен и Лили, кога Рубен со самоиронија и доза на вистина заклучи: „Јас за себе сметав дека сум опуштен но излегува дека сум емоционално недостапен”

Оваа епизода ја засили динамиката на шоуто: предизвиците, искрите, но и првите знаци на вистинска иницијатива за промена.

Првата епизода шокира, втората проверува основни вредности и ги стимулира првите искрени промени. Ова е само почеток на патувањето кон „подобри луѓе“.

Тагови: Лоши момчиња

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Познат научник ја повика владата на САД по објавените документи за НЛО: Покажете ни вонземјанин (ВИДЕО)

Познатиот американски астрофизичар, автор и популаризатор на науката, Нил де Грас Тајсон, ја повика американската влада конечно да „ѝ покаже на јавноста доказ“ за вонземски живот, по најновото објавување документи за неидентификувани летачки објекти. 

Познат научник ја повика владата на САД по објавените документи за НЛО: Покажете ни вонземјанин (ВИДЕО)

Појавувајќи се во емисијата „Фокс њуз Рандаун“, Тајсон рече дека и покрај големата количина на наводни докази, јавноста сè уште нема она што тој тврди дека би било најубедливо - директна демонстрација на вонземско суштество.

„Не мислам дека барам премногу“

„Дали е премногу да се бара во овој момент едноставно да се покаже вонземјанин? Тоа е сè, не мислам дека барам премногу“, рече Тајсон.

Неговата изјава доаѓа откако администрацијата на Доналд Трамп објави нови класифицирани документи за видувања на НЛО во петокот.

Материјалите беа објавени на веб-страницата на Министерството за војна на САД и откриваат случаи што истражителите не успеале да ги објаснат, оставајќи ја природата на феноменот сè уште нејасна.

Тајсон истакна дека дури и ако вонземјанин треба да се прикаже на јавноста, реакцијата веројатно би била помалку драматична од очекуваната, со оглед на децениската експанзија на научната фантастика и филмовите за вонземјани.

„Не мислам дека би биле премногу вознемирени ако се појави вонземјанин, со оглед на филмовите и приказните за нив. Не мислам дека воопшто би биле шокирани“, рече научникот.

Тој додаде дека целата ситуација може дури и да биде разочарувачка во споредба со долгогодишните очекувања.

Зборувајќи за можниот физички изглед на вонземјаните, Тајсон нагласи дека би бил најизненаден ако личат на луѓе, објавува Дејли Меил.

„Би бил шокиран само ако вонземјанинот бил хуманоид, поради статистиката на биодиверзитетот на Земјата, каде што ја делиме ДНК со сите други форми на живот, а поголемиот дел од животот на Земјата не е хуманоид“, објасни тој.

Тој верува дека секое суштество од друга планета веројатно би изгледало сосема поинаку од луѓето и можеби нема да има иста структура на ДНК.

„Значи, би бил шокиран ако беше хуманоид. Но, инаку, мислам дека сме подготвени за тоа. Секако дека сме. Секогаш сме биле подготвени“, заклучи Тајсон.

Тагови: вонземјани НЛО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Полска со понуда до Вашингот за отворање на воена база на нејзина територија

Министерството за одбрана на САД е отворено за понудата на Полска до Вашингтон да отвори постојана воена база во  источноевропската земја, изјави полскиот министер за одбрана Владислав Косињак-Камиш .

Полска со понуда до Вашингот за отворање на воена база на нејзина територија

Министерството за одбрана на САД е отворено за понудата на Полска до Вашингтон да отвори постојана воена база во источноевропската земја, изјави полскиот министер за одбрана Владислав Косињак-Камиш по средбата со својот американски колега Пит Хегсет во Брисел.

Полска се залага за поголемо присуство на сојузниците на источното крило на НАТО уште од почетокот на руската инвазија на соседна Украина во 2022 година.

„Денес имав можност да разговарам со министерот за војна, разговаравме за колективна одбрана и соработка“, изјави Косињак-Камиш пред новинарите во Брисел.

„Соединетите Американски Држави позитивно одговорија на предлогот на Полска за воспоставување постојана американска воена база во Полска“, рече полскиот министер. Сè уште не е донесена одлука, додаде тој. Американските трупи стационирани во Полска моментално редовно се ротираат.

Во четврток, Хегсет објави преглед на распоредувањето на американските сили во Европа и се закани дека ќе ги суспендира некои од американските обврски кон НАТО доколку „млитавите“ сојузници не ги исполнат своите обврски за трошоци за одбрана. Обраќајќи се пред министрите за одбрана во седиштето на НАТО во Брисел, Хегсет рече дека прегледот на САД ќе трае до шест месеци и ќе вклучува консултации со Конгресот на САД, кој донесе закон за ограничување на бројот на американски сили во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мајка во Германија си го заборавила бебето во автомобил- девојчето починало

Во Шорндорф, град во германската сојузна покраина Баден-Виртемберг, 20-месечно девојче почина откако беше оставено со часови во автомобил . 

Мајка во Германија си го заборавила бебето во автомобил- девојчето починало

Според првичните информации, детето било оставено во возилото од нејзината мајка. Криминалната полиција и канцеларијата на државниот обвинител започнаа истрага, пишува Берлинер Цајтунг.

Истрага против мајката

Полициската управа во Ален извести дека добила пријава за безживотно дете во автомобил паркиран на Рихард-Кафан-Штрасе околу 14:50 часот во среда.

Според досегашните информации, 44-годишната мајка го пронашла малото девојче во возилото дури попладне, неколку часа откако го оставила таму. Канцеларијата на државниот обвинител во Штутгарт потврди за германската новинска агенција дека мајката е под истрага поради сомнение за убиство од небрежност.

Обидот за реанимација бил неуспешен

Иако службите за итни случаи веднаш започнаа со мерки за реанимација по пристигнувањето на местото на настанот, обидите за нејзино оживување беа неуспешни и девојчето почина. Истрагата за точните околности на смртта ја презедоа криминалистичката полиција од Вајблинген и државното обвинителство во Штутгарт, кои изјавија дека интензивно работат на случајот.

Наредена е обдукција на телото на починатото девојче за да се утврди точната причина за смртта. Истражителите сè уште не објавија никакви информации за можните причини зошто мајката го оставила детето во автомобилот.

Тагови: девојче мајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер