„Лидл“ гради нов маркет во Гевгелија, преку продажната мрежа на комапнијата лани извезени македонски производи во вредност од 15.5 милиони евра - Канал 5

Економија

„Лидл“ гради нов маркет во Гевгелија, преку продажната мрежа на комапнијата лани извезени македонски производи во вредност од 15.5 милиони евра

Камен темелник за нов малопродажен објект на германската компанија "Лидл" денеска се постави на влезот на Гевгелија.

„Лидл“ гради нов маркет во Гевгелија, преку продажната мрежа на комапнијата лани извезени македонски производи во вредност од 15.5 милиони евра

Маркетот ќе се гради на местото на поранешното транспортно претпријатие "Трансбалкан", на површина од 2 356 квадратни метри, со предвидени 130 паркинг места.

Од компанијата велат дека изградбата на првиот маркет на "Лидл" во Гевгелија, е дел од нивниот долгорочен инвестициски план во земјава, и потврда за довербата што ја имаат во потенцијалот на македонскиот пазар.

Со новата инвестиција, како што велат од компанијата, се дава значаен придонес кон локалниот економски развој, отворање нови работни места и унапредување на понудата за потрошувачите, како и можност за продлабочување на соработката со домашните производители.

- Со стартот на изградбата на маркетот во Гевгелија продолжуваме со стратегијата за ширење на продажната мрежа. Нашата цел е да изградиме продажни места кои се пространи, светли и современи, со модерен изглед, со еколошки материјали и со фокус на енергетската ефикасност. Да создадаме удобно искуство за нашите потрошувачи, но и квалитетна работна средина за нашите вработени. Посебно сме горди што преку продажната мрежа на "Лидл" за 2025 година е остварен извоз на македонски производи во вредност од 15.5 милиони евра, имајќи предвид дека се уште не сме оперативни на македонскиот пазар, истакна Гоце Гаврилов, директор за недвижнини во "Лидл Македонија".

На поставувањето камен - темелник се обрати и градоначалникот на Гевгелија, Андон Сарамандов кој изрази задоволство што во последните две години општината има три поголеми инвестиции кои треба да придонесат за подобрување на локалниот економски развој и да дадат дополнителен поттик на економијата.

- Нашата отвореност како локална самоуправа за соработка со секој кој има намера да инвестира во Гевгелија, денеска вроди со уште една значајна инвестиција. Гевгелија е меѓу првите градови во Македонија во кои почнува изградба на маркет на "Лидл", инвестиција која дополнително ќе ја засили атрактивноста на нашата општина. Ќе придонесе за нови можности за вработување и зајакнување на локалната економија. Општина Гевгелија излезе во пресрет на инвеститорот и овозможи целосна логистичка поддршка за реализација на проектот. Верувам дека соработката со "Лидл" ќе продолжи успешно и во идниот период, посочи Сарамандов.

Досега компанијата изгради логистички центар во Куманово и ја почна изградбата на маркети во Штип и на две локации во Скопје, во Аеродром и во општина Гази Баба.

“Лидл” е позната германска компанија во малопродажната индустрија на храна во Европа, која работи со околу 12 600 маркети и над 382 000 вработени на меѓународно ниво.

Тагови: лидл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија со 174 гласа избрана за членка на Економскиот и социјалниот совет на ОН

За првпат од осамостојувањето Македонија е избрана за членка на Економскиот и социјален совет на Обединетите нации за мандатниот период 2027–2029 година добивајќи поддршка од дури 174 земји членки на гласањето во Њујорк.

Македонија со 174 гласа избрана за членка на Економскиот и социјалниот совет на ОН

Претседателката Гордана Силјановска-Давкова го оцени изборот на Македонија за членка на економски и социјален совет на Обединетите нации (ЕКОСОК) како значаен дипломатски успех и силна потврда за довербата што меѓународната заедница ја има во државата.

Во објава на социјалните мрежи, Силјановска-Давкова истакна дека овој резултат е плод на активна, принципиелна и доследна надворешна политика, како и на долгогодишни дипломатски напори за обезбедување меѓународна поддршка.

И премиерот Христијан Мицкоски оцени дека изборот претставува признание за вложените напори во надворешната политика и за довербата што Македонија ја гради со своите меѓународни партнери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Трам повторно „задрема“ на состанок во Белата куќа?

Американскиот претседател Доналд Трамп се чини дека повторно задремал за време на состанокот во Белата куќа. 

Видео: Трам повторно „задрема“ на состанок во Белата куќа?

79 годишниот Трамп ги „одмори“ очите неколку моменти за време на состанокот за енергија и се потпре на столот.

На американскиот претседател му се придружија министерот за внатрешни работи Даг Бургум, министерот за енергетика Крис Рајт и администраторот на Агенцијата за заштита на животната средина, Ли Зелдин.

Белата куќа одговори на тврдењата изнесени од некои американски медиуми.

Портпаролот Дејвис Ингл ги отфрли обвинувањата и рече дека Трамп е „најпаметниот, најдостапниот и најенергичниот претседател во американската историја“.

Тој додаде дека претседателот „работи деноноќно за да ја направи земјата уште поголема од кога било досега“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ утре ја промовира „Скопска иницијатива“ на меѓународна конференција

Социјалдемократскиот сојуз на Македонија утре, 06.06.2026 година (сабота), ќе биде домаќин на меѓународна конференција на којшто ќе биде промовирана „Скопска иницијатива“.

СДСМ утре ја промовира „Скопска иницијатива“ на меѓународна конференција

Социјалдемократскиот сојуз на Македонија утре, 06.06.2026 година (сабота), ќе биде домаќин на меѓународна конференција на којшто ќе биде промовирана „Скопска иницијатива“, заедничка активност која ги обединува регионалните прогресивни и социјалдемократски сестрински партии за демократски, европски и просперитетен Западен Балкан.

„Скопската иницијатива“ ја покрена претседателот на СДСМ, проф.д-р Венко Филипче со што прогресивните сили од регионот и Европа заеднички застануваат во борбата против авторитарните режими, борба против корупцијата и европска интеграција на регионот.

Целта на на меѓународната конференција е зајакнување на соработката меѓу социјалдемократските партии од регионот и Европа, како и креирање заеднички одговор на предизвиците со кои се соочува Западен Балкан.

Меѓународниот состанок претставува продолжение на регионалните и европските напори за мобилизација на прогресивните сили и се надоврзува на пораките од Самитот за глобална прогресивна мобилизација во Барселона.

Овој собир на високо ниво се одржува и во година кога Корчуланската школа одбележува 15 години постоење како значаен регионален форум за политички дијалог, лидерство и промоција на прогресивни и социјалдемократски вредности.

Настанот е во организација на СДСМ и Корчуланската висока школа а во партнерство со Интернационалниот центар „Олоф Палме“ и Центарот за нови иницијативи.

На состанокот, кој е на високо ниво, ќе присуствуваат и претставници на социјалдемократски и прогресивни фондации од регионот, од Партијата на европските социјалисти (PES), Групата на социјалисти и демократи(S&D Group), Социјалистичката интернационала (SI), Фондацијата за европски прогресивни студии (FEPS), од сестринските партии од Европската Унија, како и членови на Управниот одбор и Советодавниот совет на Родовата мрежа на Централна и Источна Европа и други партнери на Корчуланската школа.

Скопје, 05.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер