„Лекари без граници“ повикуваат итно да се затвори Хуманитарната фондација за Газа - Канал 5

Свет

„Лекари без граници“ повикуваат итно да се затвори Хуманитарната фондација за Газа

Меѓународната хуманитарна организација „Лекари без граници“ повика на итно затворање на Хуманитарната фондација за Газа, која ја поддржуваат САД и Израел и која работи во Појасот Газа.

„Лекари без граници“ повикуваат итно да се затвори Хуманитарната фондација за Газа

Меѓународната хуманитарна организација „Лекари без граници“ повика на итно затворање на Хуманитарната фондација за Газа, која ја поддржуваат САД и Израел и која работи во Појасот Газа, наведувајќи дека нејзините пунктови за дистрибуција на храна станале места на „организирано убивање и дехуманизација“.

Во објава на социјалните медиуми, организацијата денеска наведе дека во своето речиси 54-годишно работење, ретко биле сведоци на такво систематско насилство врз невооружени цивили, пренесува британскиот весник „Гардијан“.

„Пунктовите на фондацијата во Газа, наместо да обезбедуваат помош, станаа места на страдање за гладните луѓе“, се вели во соопштението на организацијата.

Во нов извештај, заснован на медицински податоци, сведоштва од пациенти и изјави од лекари од две клиники на „Лекари без граници“ во јужна Газа, се посочува дека постои шема на насочено и неселективно насилство од страна на израелските сили врз Палестинците собрани на контролните пунктови на фондацијата.

Според податоците од извештајот, во периодот од 7 јуни и 24 јули 2025 година, двете клиники примиле 1.380 повредени лица, вклучувајќи 28 смртни случаи.

„Поради очајната потреба од храна, семејствата често испраќаат тинејџери да ја преземат помошта, бидејќи тие се единствените во куќата кои се доволно физички способни тоа да го направат“, велат од „Лекари без граници“.

Организацијата наведува дека контролните пунктови на фондацијата се лабораторија на суровост која мора веднаш да се запре.

„Деца погодени во гради додека се обидуваат да дофатат храна. Луѓе згмечени и задушени во стампедо. Цели групи луѓе изрешетани на местата за дистрибуција на помош“, изјави Ракел Ајора, генерален директор на организацијата.

„Лекари без граници“ бара итно прекинување на програмата на Хуманитарната фондација за Газа, обновување на механизмот за испорака на помош координиран од Обединетите нации и прекинување на целата политичка и финансиска поддршка за фондацијата.

Тагови: Појасот Газа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во тетовско, пронајден кокаин, лишено од слобода едно лице

На 03.10.2026 во 19:15 часот, врз основа на судска наредба, полициски службеници од СВР Тетово извршија претрес во дом и помошните простории кај С.С. (26) во с. Мала Речица, тетовско.

Претрес во тетовско, пронајден кокаин, лишено од слобода едно лице

При претресот бил пронајден и одземен кокаин, по што лицето е лишено од слобода. По целосно документирање на случајот, ќе следува соодветна пријава.

Тагови: кокаин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кобила за ождребила на булеварот „Илинденска“

Несекојдневна глетка и случка утрово ги изненади жителите на скопски Карпош. На Илинденска се родило ждребе.

Кобила за ождребила на булеварот „Илинденска“

Активистка која била таму изјавила дека ждребето било во лоша состојба. Во објава на ФБ скопјанката Билјана навела дека успела да го префрли ждребето на тревникот, бидејќи никој не дошол да помогне.

Градоначалникот на Град Скопје, Орце Ѓорѓиевски, во врска со ождребената кобила на улицата Илинденска во Скопје, истакна дека иако тоа не е нивна обврска веднаш реагирале екипите на ЗОО - Скопје и стручните лица, а кобилата и ждребето се преземени и сместени на безбедно, во карантин, каде што ќе ја добијат потребната нега и стручен третман.

Тагови: Илинденска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Новата порака од Москва за крајот на војната: Ова се три работи што Украина мора да ги прифати

Медведев потсети дека основните параметри, ги формулирал рускиот претседател Владимир Путин.

Новата порака од Москва за крајот на војната: Ова се три работи што Украина мора да ги прифати

Трајно решение за кризата во Украина е можно само ако Киев прифати неутрален статус, се откаже од нуклеарно оружје, ја промени својата политика и признае нови региони во рамките на Русија, изјави Дмитриј Медведев, заменик-претседател на Рускиот совет за безбедност.

Во интервју за иранската државна радио-телевизиска компанија, Медведев потсети дека основните параметри, кои беа претходно наведени, ги формулирал рускиот претседател Владимир Путин.

Првиот од нив е враќањето на Украина кон принципите на неутралност и ненуклеарен статус, во согласност со декларацијата за суверенитет и правните акти од 1990-тите.

Второто барање на Медведев беше украинските власти да го напуштат својот радикален политички курс и да ја укинат дискриминаторската забрана за рускиот јазик и култура.

Третата точка, како што изјави заменик-претседателот на Советот за безбедност, е воспоставување руска јурисдикција над Донбас и другите нови територијални субјекти што се вклучени во рускиот Устав, објави порталот Вести.ру.

Тој објасни дека спроведувањето на овие задачи може да се формализира преку дипломатски канали. Медведев претходно изјави дека „на русофобните гнасотии треба да се одговори исклучиво со јазикот на военото одвраќање“, потсети порталот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер