„Кориере дела Сера“: Средбата меѓу дер Лајен и Трамп резултат на интензивната работи на Мелони - Канал 5

Свет

„Кориере дела Сера“: Средбата меѓу дер Лајен и Трамп резултат на интензивната работи на Мелони

Средбата меѓу Фон дер Лајен и Трамп резултат на интензивната работи на Мелони.

„Кориере дела Сера“: Средбата меѓу дер Лајен и Трамп резултат на интензивната работи на Мелони

Првата директна средба на претседателката на Европската комисија Урсула фон дер Лајен и американскиот претседател Доналд Трамп во живо за време на погребот на папата Франциск во Рим во саботата, во голема мерка се должи за залагањата на италијанската премиерка Џорџа Мелони, тврдат извори од нејзината десничарска партија Браќата на Италија (ФДИ).

Според партиски извори, како што наведува италијанскиот весник „Кориере дела Сера“, Мелони изминативе денови интензивно работела да дојде до овој „почетен контакт, кој таа го смета за многу важен“.

Портпарол на Европската комисија информира дека Фон дер Лајен и Трамп во саботата во Рим „кусо разговарале, при што се согласиле да се сретнат“ на формален билатерален состанок во блиска иднина. Сепак, портпаролот одби да одговори дали е упатена и формална покана за средба.

Ова беше прв разговор во живо меѓу Фон дер Лајен и Трамп по неговото стапување на должноста американски претседател во јануари годинава. Според дипломатски извори, „високи претставници на Комисијата“ со месеци се обидуваат да договорат билатерална средба меѓу Фон дер Лајен и Трамп, но таквите напори досега беа без успех.

Извори во ФДИ посочуваат дека Мелони е „заслужна“ и за средбата на Трамп во базиликата „Свети Петар“ во Рим со украинскиот претседател Володимир Зеленски, со што, според нив, италијанската премиерка се наметнува како „медијатор во рамките на Западот“.

Во објави на социјалните мрежи партијата посочи дека Мелони имала улога во „унапредувањето на решенијата за најделикатните прашања што предизвикуваат загриженост во меѓународните односи“.

ФДИ упати и пофалби за дипломатските напори на својата лидерка, кои биле „внимателно и дискретно исткаени, без да се бара внимание, во услови кога очите на светот беа насочени кон Рим - престолнината на Христијанството и, благодарение на нашата премиерка, и на глобалната дипломатија“.

Мелони за време на нејзината неодамнешна посета на Вашингтон предложи одржување на Самит ЕУ-САД, за кој изрази надеж дека би се одржал пред Самитот на НАТО во Хаг, предвиден за крајот на јуни.

Во меѓу време, Европската комисија соопшти дека викендов, по погребот на папата, Фон дер Лајен телефонски разговарала со Мелони за „континуираната поддршка за Украина, за безбедносната рамка пред Самитот на НАТО и за чувствителните преговори за трговските царини“ со Администрацијата на Трамп.

Тагови: Доналд Трамп Урсула фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Тежок инцидент пред избирачко место во Панчево- настана општа тепачка (ВИДЕО)

Денеска се случи сериозен инцидент пред Земјоделското училиште во Панчево, каде што се наоѓа гласачкото место, кога група маскирани мажи се судрија со неколку млади мажи. 

Тежок инцидент пред избирачко место во Панчево- настана општа тепачка (ВИДЕО)

За време на тепачката, беа употребени и пиротехнички средства, а најмалку едно лице е повредено, објави Телеграф.

Како што објави на социјалните мрежи локалниот портал „Панчево си ти“, група маскирани мажи нападнаа неколку луѓе на улицата пред училиштето, додека снимки од насилството набрзо се појавија на социјалните мрежи.

Снимките покажуваат физичка конфронтација, при што некои учесници користеа пиротехнички средства. Еден млад човек беше удрен во лицето, по што беше снимен со видливи повреди и крв на лицето.

Според извештаите на локалните медиуми, за време на инцидентот беа употребени и стапови, а некои од учесниците носеа маски и качулки.

Набрзо на местото на настанот пристигнаа полицајци, кои интервенираа по конфронтацијата.

И покрај инцидентот пред Земјоделското училиште, гласањето на гласачкото место продолжи непречено, објавува „Блиц“.

Во моментов нема официјални информации за бројот на евентуално приведени лица, ниту пак се познати сите околности што доведоа до конфликтот. Снимките од инцидентот се споделуваат на социјалните мрежи.

Погледнете ги снимките од инцидентот:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен е осомничениот за напад врз мајката на Александар Вучиќ

Со наредба на Првото основно јавно обвинителство во Белград, на М.Н. (28) му е одреден притвор до 48 часа поради наводен напад врз мајката на Александар Вучиќ утрово.

Уапсен е осомничениот за напад врз мајката на Александар Вучиќ

Уапсеното лице е осомничено за сторено кривично дело разбојништво, изјавија за Танјуг од Првото основно јавно обвинителство во Белград, објави Телеграф.

Осомничениот ќе биде приведен во обвинителството на сослушување во наведениот рок.

Српската напредна партија претходно денес објави дека мајката на Александар Вучиќ била вербално и физички нападната, во непосредна близина на пазарот Калениќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Демонстранти среде говор го исвиркаа словенскиот премиер Јанша, интервенираше полицијата (ВИДЕО)

Словенскиот премиер Јанез Јанша денеска одржа говор на државната прослава на Денот на суверенитетот во Копер, но за време на неговото обраќање постојано беше прекинуван од свирежи и извици на демонстрантите. 

Демонстранти среде говор го исвиркаа словенскиот премиер Јанша, интервенираше полицијата (ВИДЕО)

Поради напнатата атмосфера, полицијата исто така мораше да интервенира, пишува N1 Словенија.

Демонстрантите се собраа на плоштадот Укмарје, каде што се одржа централната државна прослава. Полицијата ги предупреди да не го прекинуваат настанот, а на снимката се гледаат неколку вербални конфликти меѓу демонстрантите и граѓаните кои дојдоа да ја поддржат прославата.

Јанша зборуваше за „изгубените можности“

Јанша во својот говор рече дека словенечката независност е резултат на долгогодишна борба за јазикот, идентитетот и опстанокот на народот. Тој рече дека по независноста, Словенија е на добар пат да стане „уште една Швајцарија“, но дека следеле години пропуштени можности.

„Словенија денес е безбедна, а безбедноста е главен услов за стабилност и економски развој“, рече Јанша. Тој како клучни причини за победата во војната за Словенија ги наведе јасната политичка цел, единството на граѓаните, навремените подготовки за одбрана, доброто разузнавање и мотивацијата на словенечките сили.

Претседателот и опозицијата не дојдоа

Прославата се одржа по повод 35-годишнината од заминувањето на последните војници на ЈНА од Словенија. Ноќта помеѓу 25 и 26 октомври 1991 година, последната воена единица на Југословенската народна армија го напушти пристаништето Копер.

Словенечката претседателка Наташа Пирц Мусар не дојде на прославата, а отсуствуваа и претставници на опозициските партии. Пирц Мусар претходно ја откажа својата посета поради несогласување со потезите на владата, вклучително и преименувањето на празникот, на што се спротивставуваат и опозициските партии Свобода, Левица и СД.

Тагови: Јанез Јанша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер