Кој третман ги брише трагите од умор без користење филери и го враќа сјајот на кожата? - Канал 5

Здравје

Кој третман ги брише трагите од умор без користење филери и го враќа сјајот на кожата?

 Дерматолог објаснува зошто мезотерапијата во такви случаи е најефикасно решение.

Кој третман ги брише трагите од умор без користење филери и го враќа сјајот на кожата?

Уморната кожа без сјај кожа е проблем со кој се соочуваат многу луѓе, а кремите честопати не ги даваат посакуваните резултати бидејќи не продираат доволно длабоко. Дерматолог објаснува зошто мезотерапијата во такви случаи е најефикасно решение.

Мезотерапијата стана еден од златните стандарди во естетската дерматологија, особено кога сакаме да ја вратиме свежината на кожата, а воедно да го задржиме целосно природниот изглед.

Според дерматолозите мезотерапијата е минимално инвазивен третман кој вклучува воведување коктели од активни супстанции во средниот слој на кожата преку микроинјекции (мали пункции до два милиметри длабочина) или со користење на уреди (дермапен или дермаролер). Овие коктели содржат витамини, хијалуронска киселина, ензими и антиоксиданси. Со овој третман добиваме посвеж и позатегнат изглед на лицето. Кожата се храни длабински и се поттикнува нејзина регенерација, хидратација и производство на колаген.

Овие таканаречени микро-иглички создаваат патека за влез на активни состојки и го поттикнуваат клеточното размножување. Ова на крајот води до создавање нови слоеви на еластични и фиброзни влакна и нови капилари. Третманот е строго индивидуализиран.

Која е разликата помеѓу мезотерапијата и дермални филери?

Според дерматолозите двата третмана се користат за подмладување на кожата, но нивната структура е различна. Мезотерапијата се користи за хидратација, освежување, сјај на кожата и превенира стареење. Не ја менува физиономијата на лицето и не ги пополнува длабоките брчки. Од друга страна, дермалните филери се користат за пополнување на волуменот, длабоките брчки и контурирање на лицето, на пример усните или јаболчиците.

За кого е наменет и колку третмани се потребни?

Идеален кандидат за мезотерапија е некој со уморна, сува кожа, без сјај, некој со први знаци на стареење. Сепак, третманот не е резервиран исклучиво за лице. Според дерматолозите, мезотерапијата на скалпот може да се спречи опаѓање на косата и да се подобри квалитетот на самата коса.

Исто така, дерматолозите нагласуваат дека еден третман обично не е доволен за целосен ефект. Потребни се три до шест третмани, кои се изведуваат во интервали од две до четири недели, во зависност од состојбата на кожата и препораката на лекарот. По завршувањето на серијата, се препорачува одржување на третманот на неколку месеци.

Можни несакани ефекти и летните месеци

Мезотерапијата на лицето може да се изведува во текот на целата година, вклучително и во летните месеци, но со одредени правила. Од клучно значење е строго да се следат упатствата по третманот, особено во врска со заштитата од сонце и соодветната нега на кожата.

Самата процедура генерално се смета за безбедна, но можни се благи несакани ефекти како што се црвенило, благ оток или мали хематоми на местото на инјектирање. Сето ова поминува за неколку дена. По третманот, заштитата од сонце е задолжителна, а најмалку 24 часа треба да избегнувате енергична физичка активност, сауни, базени и потење“, советуваат стручните лица. Мезотерапијата не треба да се изведува за време на бременост и доење, во случај на инфекција на кожата (на пр. херпес) или преосетливост на состојките на коктелот.

Сепак, за пациентите кои сакаат максимален ефект, има одлични вести. „Мезотерапијата прекрасно се комбинира со други третмани и дава одлични резултати. Во комбинација со филери, микродермоабразија, хемиски пилинзи или радиофреквенција се постигнува порамномерен, поцврст и посјаен изглед.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион се урна во Мексико: Пријавени се жртви (ВИДЕО)

Две лица загинаа вчера кога авион од типот „Cessna 210“ се урна во Мексико.

Авион се урна во Мексико: Пријавени се жртви (ВИДЕО)

Воздухопловните власти потврдија дека леталото паднало набргу по полетувањето од Националниот аеродром „Пачука“ во сојузната држава Идалго.

Според Мексиканската федерална агенција за цивилно воздухопловство (AFAC), авионот – со кој оперирала компанијата „Grupo Aeroespacial Avspace“ – полетал во 9:30 часот по локално време.

Леталото се упатило кон Меѓународниот аеродром „Куернавака“ во сојузната држава Морелос.

Авионот се урнал само една минута по полетувањето, за време на почетната фаза на искачување, врз авенијата „Тезонтеле“ во населбата „Вента Приета“. Местото на падот се наоѓа на приближно 500 метри од почетокот на пистата, надвор од аеродромскиот комплекс.

Започната е истрага

Од „AFAC“ соопштија дека двете лица кои се наоѓале во авионот загинале, а започната е и административна истрага за да се утврди причината за несреќата. На местото на настанот пристигна персонал од управата на аеродромот „Пачука“ за да ги спроведе потребните процедури и да ја координира работата на службите за итни случаи.

Властите сè уште не ги објавија идентитетите на жртвите, ниту детали за нивните улоги во авионот.

Во моментов нема официјални информации за евентуален технички дефект, временски услови или други околности што можеле да влијаат врз летот. Исто така, не е потврдено дали има повредени лица на земјата, ниту дали е причинета штета на објекти или возила. „ Cessna 210“ е едномоторен авион што се користи во приватната и општата авијација.

Тагови: Мексико

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Анџелина Џоли и Бред Пит официјално се откажа од презимето на татко ѝ

Ќерката на  поранешната холивудскат брачна двојка, Анџелина Џоли и Бред Пит официјално се откажа од презимето на татко ѝ: Судот ја одобри промената на името. 

Ќерката на Анџелина Џоли и Бред Пит официјално се откажа од презимето на татко ѝ

Таа поднесе барање за промена на името во јули, неколку дена откако наполни 18 години, наведувајќи лични причини за одлуката.

Вивиен, 18-годишната ќерка на холивудските актери Анџелина Џоли и Бред Пит, официјално повеќе нема да го носи презимето на својот татко.

Суд во Лос Анџелес во понеделникот го одобри нејзиното барање за промена на името, пренесува „Пејџ сикс“ (Page Six).

Судијката Вирџинија Кини од Вишиот суд на округот Лос Анџелес ја одобри промената на нејзиното име од Вивиен Маршелин Џоли-Пит во Вивиен Маршелин Џоли.

Нејзиниот адвокат, Питер Кенет Левин, присуствуваше на рочиштето преку видеоповик.

Таа поднесе барање за промена на името во јули, само неколку дена откако наполни 18 години, наведувајќи лични причини за оваа одлука. Таа го користи презимето Џоли веќе повеќе од две години.

Ова име стоеше и во програмата за бродвејскиот мјузикл „Аутсајдери“ (The Outsiders) од 2024 година – проект на кој таа соработуваше со својата мајка. Вивиен не е првото дете на славниот пар кое одлучи да се откаже од презимето на својот татко.

Шајло, Медокс и Захара веќе го сторија тоа преку судска постапка. Нивниот брат, Нокс, го изостави презимето Пит од својата средношколска диплома овој јуни, иако сè уште официјално не го променил.

Бред Пит јавно не ги коментираше одлуките на своите деца во врска со нивното презиме. Анџелина Џоли и Бред Пит го финализираа разводот преку спогодба во декември 2024 година, по долг правен спор што започна во 2016 година.

Тагови: Анџелина Џоли

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Митева со згрозување и осуда за изјавите на Петар Богојески

Со згрозување и длабоко неверување ги проследив изјавите на Петар Богојески за жените и наводната потреба од „машки надзор“.

Митева со згрозување и осуда за изјавите на Петар Богојески

Ова се понижувачки, ретроградни и опасни сфаќања кои го навредуваат достоинството и директно удираат врз вредностите на едно демократско општество.

Да се зборува за жената како за личност на која ѝ е потребен надзор е недозволиво. Најстрашно, во неговите изјави се релативизира насилството во партнерските односи и тоа е опасно и заслужува најостра јавна осуда.

Како претседателка на Унијата на жени на ВМРО-ДПМНЕ, но пред сè како жена, најостро ги осудувам ваквите ставови. Нашата заложба за „За една повеќе“ е токму спротивното од сè што слушнавме. За една жена повеќе која ќе добие можност, која ќе биде почитувана, која ќе биде слободна да одлучува, да создава, да води и да успева.

Ова е прашање на елементарни цивилизациски вредности. Нема место за вакви сфаќања и нема простор за молк, ниту за релативизирање. Слободата на говорот е темелна демократска вредност, но медиумската видливост не е право на секој што посегнува по навреда и понижување.

Вреди да се размисли дали и во колкава мера на ваквите ставови треба да им се отстапува простор, особено кога со нив се поткопува достоинството.

Линк од фб објава:

https://www.facebook.com/share/1DnQsFuTjX/?mibextid=wwXIfr

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер