Коцарев ретерира: Се радувам што се потврди дека нема да се укинува катедрата за македонистика - Канал 5

Македонија

Коцарев ретерира: Се радувам што се потврди дека нема да се укинува катедрата за македонистика

Првиот човек на МАНУ, Љупчо Коцарев,  ретерира од претходните тврдења кои ја кренаа јавноста на нозе, за можно укинување на катедрите за Македонски јазик и книжевност.

Коцарев ретерира: Се радувам што се потврди дека нема да се укинува катедрата за македонистика

Со помирувачки тон, тој во изјава за Канал 5 дообјаснува дека сите досегашни изјави биле негови лични ставови и се радува, како што рече, дека тврдењата за укинување на катедрите се покажале како неточни.

-Се радувам што на Филолошкиот факултет „Блаже Конески“ не постои и никогаш не постоела идеја за укинување на катедрите за Македонски јазик и книжевност. Посакувам во идните реорганизации на Факултетот рамо до рамо со различните отсеци секогаш да бидат вклучени и отсеците за Македонски јазик и јужнословенски јазици и за Македонска книжевност, како и јужнословенската. Сите досегашни изјави и текстови поврзани со ова се мои лични изјави, со една единствена цел заедно и достоинствено да ја прославиме годината на Блаже Конески, изјави за Канал 5, академик Коцарев.

А освен за викендот, реакциите за бомбастичните изјави на претседателот на МАНУ продолжија и денеска. Професорите од Катедрата при Филолошкиот факултет преку отворено писмо ги отфрлија како целосни невистини. Раководителката на Катедрата по македонски јазик, Искра Пановска-Димкова, за Канал 5 вели дека нема таква опасност, а доколку некој се осмели да посегне по интегритетот на Катедрата и по јазикот, тие ќе ги бранат со сите сили.

- Нас тоа ни дојде како шок. Ако вие немате никакви сознанија за укинување на катедрите за македонски јазик и македонска книжевност, во исто време кога Филолошкиот факултет заедно со МАНУ го подготвува заедничкиот собир за чествување на Блаже Конески и одеднаш да видите по медиуми вакви изјави, тоа дојде доста изненадувачки. И затоа јас го оквалификував не само како чисти невистини туку и како манипулација, изјави проф. Пановска-Димкова за Канал 5.

Професорот Људмил Спасов, кој е и претседател на владиниот Совет за македонски јазик, уверува дека укинување на Катедрите не е можно и станува збор за недоразбирање. Сепак, Спасов признава дека се помалку студенти се запишуваат за изучување на македонскиот јазик.

- Не е можно укинување, затоа што тие Катедри се основани токму за да го афирмираат македонскиот јазик, кнуижевност и култура. Се работи за едно недоразбирање. Точно е дека се помалку и помалку студенти се запишуваат. Најпрво, се отворија повеќе Катедри за македонски јазик и книжевност низ нашата држава, се разлеаја студентите. Но, со четиригодишното подновување на програмите ќе значи и поголемо отворање на Катедрите, вели проф. Спасов за Канал 5.

Потврда за уверувањата на професор Спасов стигна и од премиерот Заев. Тој вели дека никому не му паѓа на памет да се укине катедрата за македонски јазик и нема вистина во, како што рече, лажните информации на претседателот на МАНУ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иван Анастасовски во „Вести плус“

Почитувани, вечерва во Вести Плус гостува Иван Анастасовски.

Иван Анастасовски во „Вести плус“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Провокативната Нивес со интересни фотки и порака

Хрватската, старлета, пејачка, водителка, писателка и инфлуенсерка Нивес Целзијус повторно го привлече вниманието на своите следбеници на социјалните мрежи, овојпат со фотографии од одмор што ја доловуваат летната атмосфера. 

Фото: Провокативната Нивес со интересни фотки и порака

Бујната Нивес сподели фотографии од одморот, а покрај објавата остави кратка, но впечатлива порака.

„...кожата ми гори, срцето ми трепери...“, напиша Нивес.

Стиховите што таа ги избра дополнително ја истакнаа атмосферата што сакаше да ја пренесе преку фотографиите, а објавата не остана незабележана од нејзините следбеници.

Нивес често споделува моменти од своите патувања и одмори во текот на летните месеци, а нејзините објави редовно привлекуваат големо внимание кај јавноста.

Тагови: нивес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Белгиски нуркач пронашол необично богатство во потонат брод

Неверојатно откритие во близина на брегот на Довер го привлече вниманието и на експертите и на љубителите на историјата. 

Белгиски нуркач пронашол необично богатство во потонат брод

Белгискиот нуркач и подводен фотограф Стеф Панис открил гајба со недопрени шишиња пиво и џин во остатоците од брод што потонал во 1864 година кај Довер, во југоисточна Велика Британија; едно шише со етикета „Guinness London“ привлече меѓународно внимание, а компанијата „Гинис“ изјави дека би сакала да го испита во својата лабораторија.

Нуркачот го открил потонатиот брод „Миндоро“ на длабочина од 25 метри и внатре пронашол гајба со шишиња, меѓу кои и едно од познатиот бренд за пиво, пренесува фламанскиот радиодифузер VRT.

„Ова шише ми го привлече вниманието бидејќи, исто како шише шампањ, имаше некаков вид капаче на врвот“, изјавил Панис.

Тој истакнал дека на шишето со пиво, кое 162 години лежело на морското дно, стоела етикетата „Guinness London“ – што е особено интересен детал со оглед на тоа што пивото „Гинис“ се произведува во Ирска, а не во Лондон.

Панис објасни дека од компанијата „Гинис“ дознал оти, во времето кога потонал бродот, вообичаена практика било пивото да се транспортира во буриња до разни локации – вклучително и Лондон – за таму да се флашира и дистрибуира.

„Миндоро“, бродот во чија близина биле пронајдени шишињата со алкохол стари 162 години, бил дрвен едреник што превезувал колонијален товар на пат кон Ванкувер. Покрај остатоците од бродот, на морското дно биле пронајдени и прибор за јадење, чинии, бројни шишиња вино, пиво и џин, како и делови од пушки и воени ремени.

„Таму [во Ванкувер] бил стациониран полк на британската армија, а бродот превезувал залихи за нив. Нуркањето до остатоците од бродот е како патување низ времето, така да се каже“, рече Панис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер