Простор - последната граница, е реченица што го прослави Вилијам Шатнер додека го глумеше Џејмс Кирк, капетан на вселенскиот брод „Ентерпрајз“ во ТВ и филмската серија „Ѕвездени патеки“. И овој актер, кој инспирираше генерации астронаути, конечно ќе полета во вселената во вторник и ќе види како навистина изгледа кога ќе ја напушти Земјата.
Шатнер, кој има 90 години, ќе излезе во орбита утрото на 12 октомври со вселенското летало „Њу Шепард“ на компанијата „Blue Origin“ на Џеф Безос и во исто време поставува рекорд - ќе стане најстариот човек во вселената, пренесува Space.com.
- Исплашен сум ! Знам, јас сум проклетиот капетан Кирк и се плашам! Но, вистината е дека ќе одам во вселената. Ќе летам горе. Ќе бидам ракетен човек. Слушам долго време за вселената. Сега имам можност да ја видам лично. Тоа е чудо - рече Шатнер на собирот на љубители на стрипови во Њујорк.
Како што објасни, шансата да лета во вселената му ја понудил лично Џеф Безос, најбогатиот човек на светот, кој во јули летал во орбитата со истото летало.
„Ќе бидеш најстариот човек во универзумот“, ми рече Безос. Одговорив дека не сакам да бидам најстариот човек во вселената бидејќи јас сум капетан Кирк - рече актерот.
Њујорк тајмс наведува дека Безос често зборувал дека е еден од обожавателите на „Ѕвездени патеки“ , на серијата што зборува за човештвото во 23 и 24 век и за утописката Обединета федерација на планети, чиј основач е Земјата. Тој пред неколку години го купил моделот на Ентерпрајз, користен за време на снимањето на оригиналната серија во доцните 1960 -ти години и го чува во својата канцеларија во Blue Origin. Се појавил и во филмот „Ѕвездени патеки: подалеку од границите“. Сепак, многу обожаватели на серијата наведуваат дека милијардерот кој е обвинет за искористување на своите вработени во „Амазон“ не ја разбрал баш пораката на Џeин Роденбери, креаторот на „Ѕвездени патеки“, за свет во кој не се користат пари, луѓето не се искористуваат едни со други, туку сите се еднакви и имаат повеќе отколку што им треба.
Многу астронаути честопати споменуваа во интервјуата дека „Ѕвездени патеки“ ги инспирирале да се свртат кон истражување на вселената. Оваа серија со Шатнер во главната улога се прикажуваше само три сезони - од 1966 до 1969 година. Студиото одлучило да ја откаже бидејќи, како што било објавено, „публиката не реагираше добро на рекламите “. Сепак, серијата стана толку популарна што оригиналниот тим снимил уште седум филмови и лансира уште седум долгометражни и три анимирани серии, како и уште седум филмови. Се смета за еден од најголемите феномени на телевизијата.
Во документарниот филм „Како Вилијам Шатнер го смени светот“, многу научници зборувале за тоа како гледањето на серијата ги инспирирало да создадат најразлични уреди - мобилни телефони, компјутерски оперативни системи, јонски погони, видео повици, таблети ...
Како некој што ги инспирирал астронаутите, Вилијам Шатнер претходно соработувал со американската вселенска агенција НАСА. Тој снимил порака за вселенскиот шатл „Дискавери“ на 7 март 2011 година, на последниот лет. Тоа беше малку изменет вовед од „Sвездени патеки“.
- Простор - последната граница. Ова се патувањата на вселенскиот шатл „Дискавери“. Нејзината 30-годишна мисија: да ја прошири науката, да изгради нови станици, да ги обедини народите на последната граница. Да одиме храбро и да го направиме она што ниту едно вселенско летало сe уште го нема направено - гласеше пораката.