„Канал 5“ доби меѓународно признание „Амбасадори на добрата волја“

Канал 5 телевизија добитник на меѓународно признание.

Станува збор за наградата „Амбасадори на добрата волја“ што ја доделува фондацијата „Книги за мир“ во 61 земја во светот, за промовирање на хуманоста, универзалните морални вредности, и особено културата и човековите права.

- Фондацијата ја поддржуваат и следат бројни организации меѓу кои и разни клубови на унеско, што особено не радува и охрабрува за да ја продолжиме оваа наша работа. Вашето учество е голема додадена вредност за нас, а вашиот придонес и наградата ќе овозможи дополнително да го зголеми промовирањето на мирот меѓу народите - стои во дописот на претседателот на фондацијата Антонио Именео.

Освен Канал 5 телевизија, наградата „Амбасадори на добрата волја“ ја доби и директорот на телевизијата, Иван Мирчевски.

Брутална улична тепачка и пукотница меѓу групи руски ветерани од војната во Украина (ВИДЕО)

Руските власти започнаа истрага по масовна улична тепачка и пукање во градот Челјабинск за време на викендот, во која наводно биле вмешани ветерани од војната во Украина.

На видеото објавено од локалните медиуми се гледа како група мажи, од кои некои биле маскирани, тепаат маж кој лежи на улица со тапи предмети.

Неколку моменти подоцна, друга група мажи облечени во црно со два автомобили притрчала на местото на настанот и почнала да пука кон првата група, по што побегнале во непознат правец.

Уапсени се сите кои учествувале во конфликтот – соопштија властите.

Засега не се знае колку лица се приведени.

Апликацијата за пораки Телеграм вели дека само тројца мажи се уапсени, од кои еден малолетник.

Рускиот истражен комитет, кој вообичаено се занимава со големи злосторства, објави доцна во неделата дека тепачката и пукањето се истражуваат како кривично дело за хулиганство, пишува Москва тајмс.

- Оние кои учествуваа во конфликтот отворија оган врз противниците од лично непријателство - соопштено е, но без да се наведе точната причина за спорот, пренесе Јутарњи.

Според некои информации, постои сомневање дека уличната тепачка најверојатно избила поради љубовен триаголник во кој учествувале жена, војник и член на платеничката група на Вагнер. Како што пренесуваат локални медиуми, инцидентот се случил откако борецот на Вагнер и неговата девојка наводно биле нападнати од непозната група мажи.

Засега не е можно независно да се проверат информациите дека сите уапсени се членови на групата Вагнер, која одигра клучна улога во руската инвазија на Украина пред минатото лето да биде потресена од бунт и смртта на нејзиниот основач, Евгениј Пригожин. .

Пронајдена е мајката на новороденчето фрлено во ранец на карпи во Италија- има само 13 години

Италијанските власти ја пронајдоа мајката на новороденчето кое беше пронајдено мртво во ранец на карпи во Вила Сан Џовани со папочната врвца сè уште непресечена.

Ова ужасно откритие рибар го нашол во неделата околу 9 часот наутро меѓу карпите во пределот помеѓу прстаништето на бродска компанија за Сицилија и пристаништето Пецо. Бебето било во ранец, завиткано во најлонска кеса, пренесуваат италијанските медиуми.

Карабинерите успеале да ја пронајдат мајката на бебето. Станува збор за 13-годишно девојче од италијанска националност.

Девојчето било идентификувано во домот на нејзините родители во Вила Сан Џовани. Веднаш била пренесена во болница и хоспитализирана поради септикемија, резултат на породувањето минатиот викенд во околности што ги истражуваат инспекторите.

Инспекторите засега не соопштуваат повеќе детали за случајот.

Денеска треба да се изврши обдукција на новороденчето. Истражителите сакаат да знаат дали бебето е мртво родено или починало подоцна.

Се работи и на реконструкција на целиот настан, за да се откријат сите детали и дали некој друг е вмешан во случајот.

Скутерот со кој францускиот претседател Оланд одеше кај љубовницата е продаден за 20.000 евра

Скутерот на поранешниот француски претседател Франсоа Оланд е продаден на аукција за повеќе од 20.000 евра, што е двојно повеќе од почетната цена и многукратно од вредноста на користениот, објави денеска Гардијан.

Скутерот во неделата го купил колекционер на „престижни“ и историски возила.

Скутерот стана познат по скандалот кога Оланд беше снимен како го вози ноќе додека ја посетува својата љубовница Зила Гаја во 2014 година.

Фотографиите беа објавени во магазинот Closer.

Оланд тогаш објави дека неговата врска со неговата партнерка, новинарката Валери Триервејле е завршена, но одлучи да не се кандидира за реизбор во 2017 година и се ожени со Гаја во 2022 година.

притисни ентер