Живот

Како да ја исчистите пеглата од бигор?

Трик што сигурно помага – потребни се две состојки кои веќе ги имате во кујната

За да го избегнете овој проблем, користете дестилирана вода, чистете ја барем еднаш месечно за да го продолжите нејзиниот век на траење.

Првите пегли почнале да се користат уште во стара Кина, околу 4 г. п.н.е. Се работело за метални садови полни со жар, со кои ги мазнеле ткаенините за да се исправат. Во средниот век во Европа, луѓето користеле дрвени или камени валјаци за рамнење на платното.

Првите метални пегли се појавиле во 17.век, биле од железо и биле многу тешки, ги загревале на шпорет или директно на оган. Ги нарекувале „железни пегли“. Во 19-ти век се појавуваат пегли кои се полнат со вжарено масло или пак имаат резервоар за алкохол кој согорувал и ја греел плочата.

Првата електрична пегла е изум на Хенри Сeли во САД 1882 г. Дури во текот на 20-тите години на минатиот век електричните пегли станале популарни, но биле прилично скапи. Пеглите со вграден резервоар за вода што испуштаат пареа се појавиле во 50-тите години на минатиот век и повеќето домаќинства денес имаат токму такви.

Нивната мана е во тоа што со тек на време, фаќаат бигор во резервоарот за вода што може да ја оштети самата пегла. Освен тоа, пеглата лошо функционира, често остава дамки врз облеката за време на пеглањето.

Како да го исчистите бигорот во пеглата?

Испразнете го резервоарот ако во него има стара вода, па истурете смеса од 50% обичен алкохолен оцет и исто толку вода. Вклучете ја пеглата на највисока температура и вклучете ја пареата. Копчето за пареа (burst stream) задржете го неколку пати за оцетот да помине преку дупчињата. Исклучете ја и оставете ја пеглата да отстои 30 минути со таа смеса. Испразнете го резервоарот и двапати исплакнете со чиста вода. Пуштете пареа од чистата вода да ги отстрани остатоците од оцет.

Задолжително проверете што пишува на упатството од производителот. Има пегли за кои е наведено никако да не се користи оцет, во тој случај можете да користите лимонтус ( 1 лажичка во 100 мл вода).

Чистење на дупчињата

Направете паста од сода бикарбона и вода, нанесете ја на дното на пеглата, особено на дупчињата. Исчистете со мека четкичка или со стапчиња за уши, а потоа пребришете со влажна крпа.

Повеќето модерни пегли имаат копче за чистење. Ставете вода во резервоарот, вклучете ја пеглата и притиснете го ова копче, држете ја пеглата над лавабо додека не ја ослободи водата преку пареа.

За да избегнете вакви проблеми со пеглата, користете дестилирана вода. Повремено испразнете го и исушете го резервоарот после пеглање. Чистете ја пеглата барем еднаш месечно за да го продолжите нејзиниот век на траење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена облачност.

Попладне претежно во југоисточните делови ќе има услови за локален пороен дожд и грмежи. Ќе дува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 степени.

Во Скопје, сончево со мала до умерена облачност. Ќе дува слаб до умерен ветер од јужен правец. Минималната температура ќе се спушти до 18, а максималната ќе достигне до 35 степени.

Следува период на стабилно и потопло време освен во вторник кога ќе има услови за локален пороен дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби останува во куќен притвор до 13 септември

Поранешниот вицепремиер Артан Груби останува во куќен притвор, кој му е продолжен откако вчера беше поднесено обвинение за случајот ,,Лотарија”, информираа од Кривичниот суд.

Судењето против Груби и останатите седум обвинети во овој случај ќе стартува на 24 август.

Груби ќе седне на обвинителна клупа, но не за „проневера во службата“, туку за „злоупотреба на службената положба“. Од обвинителството појаснуваат дека при одредување на правната квалификација во поднесеното обвинение, надлежниот јавен обвинител се водел од доказите прибрани во текот на истражната постапка.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.