Култура

„Јас, на некое друго место“ нова премиера на штипскиот Народен Театар

Театарската претстава „Јас, на некое друго место“ во режија на Јован Ристовски премиерно ќе се одигра на 30 ноември, со почеток во 20 часот, на сцената на Народниот Театар Штип (НТШ).

Режисерот, Ристевски на денешната прес-конференција вели станува збор за праизведба на современ македонски текст, кој писателката Ана Ристоска Трпеноска, за да го напише била инспирирана од вистинска приказна.

-Ана се инспирира од еден весник, читајќи приказна за една мајка, сопруга, која за жал ги убива нејзините деца. Се случува еден пресврат во целата претстава, а жената е избеглица од Босна, кои живеат во Виена, вели Ристовски.

Во претставата се разработува проблематиката со психолошкото ментално здравје, губењето на емпатија како и деструктивното однесување во средината во која живееме.

-Оваа претстава треба да не инспирира, да се запрашаме кој сме, што сме и дали како граѓани имаме добро однесување према заедницата околу нас и дали ги приметуваме луѓето, со кои сме најблиски, односно дали имаат проблем или не, бидејќи најчесто менталните и психолошки проблеми луѓето ги кријат и им е непријатно да ги кажат на глас, рече Ристовски.

Актерите од штипскиот Народен Театар велат дека станува збор за претстава која треба да се види, доживее, а ја носи пораката дека во ова време на социјални мрежи членовите на едно семејство треба да разговараат и да се сакаат. Директорката на Центарот за култура „Ацо Шопов“, Кристина Атанасова Арсова на денешната прес-конференција истакна дека ова е последната реализирана претстава за оваа година која е финансирана од Програмата на Министерството за култура и туризам. Но, најави дека во декември во нивна продукција ќе имаат уште две нови премиери, од кои едната е детска претстава.

Во претставата „Јас, на некое друго место“ играат: Марија Минчева-Андонов, Пеце Ристевски, Ангелка Нашкова, Миле Вратеовски, Ефтим Трајчов, Ава Хусеини и Стефанија Митовска.

Регион

Мицотакис се премисли: Не купуваме 12 француски воени авиони, ќе купиме американски Ф-35

Грција одлучи да не набавува дополнителни борбени авиони Dassault Rafale за нејзините воздухопловни сили (HAF), туку да остане со бројот од 24 од овие авиони, што, според владата во Атина е доволно, откри грчкиот премиер Киријакос Мицотакис.

Мицотакис навести дека дополнителна причина за таа одлука може да лежи во фактот што Атина ќе се одлучи за дополнителни 20 авиони Lockheed Martin F-35 Lightning II, покрај 20-те авиони најавени во јули 2024 година, како дел од договорот вреден 3,5 милијарди долари.

Ваквиот развој на настаните ја изненади стручната јавност, имајќи предвид дека во мај беше објавено дека Грција може, покрај постоечките 24 Rafale F3R, да нарача уште 10 до 12 понови модели од типот F4.

На флотата од 18 Rafale EG со едно седиште и шест Rafale DG со две седишта, во суштина требаше да се додаде уште една ескадрила на француски борбени авиони за да се одржи нивото на сила додека постариот F-4 Phantom II, Mirage 2000-5 Mk.2 и некои од постојните F-16, според списанието The Aviationist.

Овие планови беа мотивирани и од можната продажба на постари авиони Мираж на индиските воздухопловни сили, кои исто така размислуваа за набавка на ист тип на авиони од Катар.

Целата програма, судејќи според зборовите на Мицотакис, е откажана. Премиерот на Грција даде интервју за Defence Review за време на посетата на воздухопловната база Танагра во близина на Атина, каде што се сместени сите грчки Рафали во рамките на 114-то борбено крило.

Мицотакис рече дека во моментов нема намера да се активира договорната клаузула со Франција за купување на уште шест авиони Рафал.

„Имаме 24 и веруваме дека тие се апсолутно доволни, во комбинација со одлуката што ја донесовме да набавиме 20 авиони Ф-35 во првата фаза“, рече грчкиот премиер, кој и самиот беше член на ХАФ пред 30 години. „Ф-35 се авиони кои работат многу добро и соработуваат со Ф-16“, заклучи тој.

Атина се согласи во јули 2024 година да купи најмалку 20 авиони Ф-35, во вредност од 3,5 милијарди долари, со опција за уште 20, со што вкупната флота ќе достигне 40 авиони, а испораката треба да започне до 2028 година. Ова ја прави Грција 19-та земја во светот да се приклучи на програмата Ф-35 и 12-та европска нација што ќе го користи овој авион. Спомнувањето на „првата фаза“ имплицира идни планови за дополнителни 20 авиони, за да стигнат до флота од 40 американски авиони F-35.

Забава

Дилета Леота го засени ждребањето на ФИФА во Мајами (ВИДЕО)

Во Мајами се одржува ждрепката за Светското клупско првенство 2025 година, а главна ѕвезда на вечерта е познатата спортска новинарка Дилета Леота.

Имено, таа е една од водителите на церемонијата, односно водителката, а кога влезе, сите присутни останаа без зборови, а сите погледи беа вперени во Дилета.

На свеченоста се присутни и фудбалските легенди како Алесандро Дел Пјеро и Роналдо Луис Назарио де Лима, а секако таму е и претседателот на ФАФА Џани Инфантино.

На Светското клупско првенство ќе учествуваат 32 најдобри селекции во светот, а ќе се одржи во летото 2025 година.

Свет

Белгиските земјоделци повторно излегоа на улиците- се противат на договорот на ЕУ и Меркосур

Белгиските земјоделци од Валонија денеска протестираа на патиштата во близина на границите со Франција и Германија и го блокираат сообраќајот.

Белгиските земјоделци од Валонија денеска протестираа на патиштата во близина на границите со Франција и Германија и го блокираат сообраќајот за да го изразат своето противење на договорот за слободна трговија меѓу Европската унија и јужноафриканските земји Меркосур.

Како што јави Brussels Times, протестот започна вчера во 21 часот и е планирано да трае 24 часа.

- Во февруари, во екот на кризата, политичарите дадоа убави ветувања. Не го исполнија мнозинството. Денеска се подготвени да гласаат за договорот Меркосур. Не го сакаме тој договор што ќе овозможи увоз на производи кои не ги исполнуваат истите стандарди како нашите - изјави млад земјоделец на лице место за агенцијата Белга.

Блокади се спроведуваат на иницијатива на Сојузот на млади фармери (ФЈА) со поддршка на земјоделскиот синдикат Фугеа, за време на 65-от самит на Меркосур во Монтевидео, Уругвај, кој трае од 5 до 7 декември.

Постои можност на овој самит да биде постигнат договор меѓу Европската унија и Меркосур, додава белгискиот портал.

притисни ентер