Шоу биз

„Изгледа изгубено“: Морган Фримен ги загрижува обожавателите со својот изглед и однесување

Легендарниот актер Морган Фримен (88) ги загрижи обожавателите со своето неодамнешно појавување на телевизискиот фестивал во Монте Карло, каде што ја промовираше новата серија „Gray House“.

Неговиот донекаде „кревок изглед“ и моментите во кои изгледаше збунето предизвикаа бројни коментари и загрижености на социјалните мрежи.

Јавноста е загрижена

За време на интервјуто што го даде со колешката Дејзи Хед, се чинеше како Фримен да задремал за момент. Дополнителни загрижености предизвикаа и фотографиите од црвениот тепих, на кои актерот се потпира на раката на својата асистентка додека оди.

Објавено е и видео на кое актерот шета низ ходник додека луѓето околу него аплаудираат и го бодрат. На крајот, тој застана и се потпре на ѕидот, што дополнително предизвика коментари од загрижените обожаватели.

@jenniferhudsonshow
The king of all cavernous voices, Morgan Freeman!
♬ original sound - Jennifer Hudson Show

Луѓето веднаш реагираа на социјалните мрежи. „Изгледа толку слабо“, „Се чини дека е во болка“, „Оставете го овој човек да се одмори“, „Изгледа толку збунето“, „Ме прави тажен, навистина остарел“, „Малку е изгубен, како да не знае што да прави“, се само некои од многуте коментари во кои се изразува загриженост за здравјето на актерот и се бара да се пензионира.

Раквица како потсетник за сериозна несреќа

Многумина ја забележале и ракавицата на неговата лева рака, што е постојан потсетник за сериозната сообраќајна несреќа што ја доживеа во 2008 година. Во таа несреќа, нервите во неговата рака беа сериозно оштетени, оставајќи ја парализирана. Фримен оттогаш носи компресивна ракавица за да ја стимулира циркулацијата и да спречи згрутчување на крвта.

Како резултат на несреќата, актерот страда и од фибромијалгија, состојба што предизвикува хронична болка, што може да го објасни неговиот понекогаш исцрпен изглед.

Тој не се откажува од глумата

И покрај сето ова, Фримен постојано нагласува дека нема намера да забави или да се пензионира. Легендата на глумата е сè уште активна - неодамна беше во Лондон снимајќи го продолжението на „Down to London“. Иако неговата страст кон работата е несомнена, обожавателите се надеваат дека ќе најде време за пауза.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: ЗНАМ повторно ја брани изолацијата на Македонија, Мицкоски и неговата криминална група

ЗНАМ денеска излезе со соопштение во кое вели дека ЕУ интеграцијата мора да се темели на реформи, а не на „нови условувања“.

Ова е класична манипулација.

Нема нови условувања.

Уставните измени се дел од европската преговарачка рамка уште од самиот почеток. Тоа не е „уцена“, туку основен услов за отворање на преговорите - што вчера јасно го потврди и претседателот на Европскиот совет, Антонио Кошта.

Реформи оваа власт не спроведува.

Нека го прочитаат извештајот на Вајц и Комитетот на Европскиот парламент.

Таму јасно се вели дека нема напредок, нема владеење на правото и дека постои странско мешање.

ЗНАМ, партијата создадена и финансирана од Мицкоски за да ја разбие опозицијата, повторно ја брани политиката на изолација.

Наместо да им кажат на граѓаните дека без уставни измени нема напредок, тие повторно играат на картата на лаги - „национално достоинство“ и „уцени“.

Ова е истата приказна што ја турка и ВМРО-ОКГ со месеци.

Целта е јасна: да се спречи Македонија да влезе во ЕУ, за да може криминалната група на Мицкоски и Максим Димитриевски да продолжат да работат без контрола и без одговорност.

СДСМ уште одамна рече: поддржуваме само една работа - внесување на малцинствата во Уставот. За сè друго - не сме и нема да бидеме дел од оваа криминална структура.

Доста е со лаги и манипулации.

Реформи сега. Малцинства во Уставот сега. Европа сега.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби околу тендер за чистење на граничните премини и терминалите, во периодот од јули 2023 до март 2024 година.

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.